ପଶ୍ଚିମବଙ୍ଗରେ ଯୋଗୀଙ୍କ ରାଲି ରଦ୍ଦ

କୋଲକାତା: ୨୦୧୯ ଲୋକସଭା ନିର୍ବାଚନର ୬ଟି ପର୍ଯ୍ୟାୟ ଶେଷ ହୋଇଥିଲେ ବି ପଶ୍ଚିମବଙ୍ଗରେ ରାଜନୈତିକ ଯୁଦ୍ଧ ଜାରି ରହିଛି। ହିଂସାକାଣ୍ଡ ପରେ ବର୍ତ୍ତମାନ ରାଜ୍ୟରେ ରାଲି କରିବାକୁ ଅନୁମତି ମିଳୁ ନ ଥିବା ପ୍ରସଙ୍ଗକୁ ନେଇ ରାଜନୀତି ସରଗରମ ହୋଇଛି।...

କୋଲକାତା: ୨୦୧୯ ଲୋକସଭା ନିର୍ବାଚନର ୬ଟି ପର୍ଯ୍ୟାୟ ଶେଷ ହୋଇଥିଲେ ବି ପଶ୍ଚିମବଙ୍ଗରେ ରାଜନୈତିକ ଯୁଦ୍ଧ ଜାରି ରହିଛି। ହିଂସାକାଣ୍ଡ ପରେ ବର୍ତ୍ତମାନ ରାଜ୍ୟରେ ରାଲି କରିବାକୁ ଅନୁମତି ମିଳୁ ନ ଥିବା ପ୍ରସଙ୍ଗକୁ ନେଇ ରାଜନୀତି ସରଗରମ ହୋଇଛି। ସୋମବାର ବିଜେପି ଅଧ୍ୟକ୍ଷ ଅମିତ ଶାହଙ୍କ ଗୋଟିଏ ରାଲି ରଦ୍ଦ ହେବା ପରେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ରାଲିକୁ ରଦ୍ଦ କରାଯାଇଛି। ବିଜେପି ପକ୍ଷରୁ ମିଳିଥିବା ସୂଚନା ଅନୁସାରେ, ଆସନ୍ତା ୧୫ ତାରିଖରେ ଯୋଗୀ ଆଦିତ୍ୟନାଥ ଏଠାରେ ୩ଟି ରାଲି କରିବାର ଥିଲା। କିନ୍ତୁ ସେଥିରୁ ଗୋଟିଏ ରାଲିକୁ ଅନୁମତି ମିଳିନାହିଁ। ଆସନ୍ତା ବୁଧବାର ସାଢ଼େ ୧୨ଟାରେ ହାଓଡାରେ ଯୋଗୀଙ୍କର ଏକ ସଭା ରହିଛି। ଏହା ସହିତ ଉତ୍ତର କୋଲକାତାରେ ଅପରାହ୍ନ ୨ଟାରେ ଏବଂ ଅପରାହ୍ନ ୩ଟାରେ କେଏଫଆର ପଡ଼ିଆରେ ଏକ ସଭାରେ ଯୋଗଦେବାର କାର୍ଯ୍ୟକ୍ରମ ରହିଥିଲା। ହେଲେ ଉତ୍ତର କୋଲକାତାରେ ହେବାକୁ ଥିବା ରାଲି ପାଇଁ ତାଙ୍କୁ ଅନୁମତି ମିଳିନାହିଁ।

ସୂଚନାଯୋଗ୍ୟ, ଆସନ୍ତା ୧୯ ତାରିଖ ଶେଷ ପର୍ଯ୍ୟାୟ ନିର୍ବାଚନରେ ପଶ୍ଚିମବଙ୍ଗର କେତେକ ଆସନରେ ଭୋଟଗ୍ରହଣ ହେବ। ଏଥିପାଇଁ ସୋମବାର ଅମିତ ଶାହ ୩ଟି ସ୍ଥାନରେ ନିର୍ବାଚନୀ ରାଲିରେ ଯୋଗଦେଇଥାନ୍ତେ। ତେବେ ଦକ୍ଷିଣ ୨୪ ପ୍ରଗଣା ଜିଲାର ଯାଦବପୁରରେ ମଧ୍ୟାହ୍ନ ସାଢ଼େ ୧୨ଟାରେ ହେବାକୁ ଥିବା ରାଲି ପାଇଁ ଦିଆଯାଇଥିବା ଅନୁମତିକୁ କିଛି ସମୟ ପୂର୍ବରୁ କରିଦିଆଯାଇଥିଲା। ଏହା ସହ ଅମିତ ଶାହଙ୍କ ହେଲିକପ୍ଟରକୁ ଓହ୍ଲାଇବା ଲାଗି ଅନୁମତି ଦିଆଯାଇ ନ ଥିଲା। ଶାହ ଯାଦବପୁର ରାଲି ରଦ୍ଦ ହେବା ସମ୍ପର୍କରେ କହିଛନ୍ତି, ଜୟନଗରରେ ରାଲି ହେଲା। କିନ୍ତୁ ଅନ୍ୟ ସ୍ଥାନଟିରେ ମମତା ଦିଦିଙ୍କ ଭଣଜା ପ୍ରାର୍ଥୀ ହୋଇଛନ୍ତି। ସେଠାକୁ ମୋ ଗସ୍ତ ଦେଖି ମମତା ଡରିଗଲେ। ତେଣୁ ମୋ ରାଲି ରଦ୍ଦ କରିଦେଲେ।

Spread the love
Categories
ଦେଶ-ବିଦେଶ

RELATED BY

  • ବିଧାୟକଙ୍କ ଘର ସମ୍ମୁଖରେ ବିସ୍ଫୋରଣ: ଜଣେ ମୃତ

    ବେଙ୍ଗାଲୁରୁ : କର୍ଣ୍ଣାଟକର ରାଜ୍ୟରାଜେଶ୍ବରୀ ନଗରରେ କଂଗ୍ରେସ ବିଧାୟକଙ୍କ ଘର ସମ୍ମୁଖରେ ଏକ ବିସ୍ଫୋରଣ ଘଟିଛି । ଏଥିରେ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନାଯୋଗ୍ୟ, ରବିବାର...
  • ବଦ୍ରିନାଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ

    ଡେରାଡୁନ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କେଦାରନାଥର ଯାତ୍ରା ଶେଷ କରିବା ପରେ ଆଜି ସକାଳ ୧୦ଟାରେ ବଦ୍ରିନାଥରେ ପହଂଚିଥିଲେ ।ସେ କେଦାରନାଥର ଗୁମ୍ଫାରେ ପ୍ରାୟ ୧୭ ଘଣ୍ଟା ରହି ଆଜି ସକାଳେ ସେଠାରୁ ବାହାରିଥିଲେ। ଭଗବାନ ବିଷ୍ଣୁଙ୍କର ଆଶୀର୍ବାଦ ନେବା...
  • ଡିୟୁଟିରେ ଥିବା ତିନି ସରକାରୀ କର୍ମଚାରୀ ମୃତ

    ଶିମ୍‌ଲା: ନିର୍ବାଚନ ଡିୟୁଟି କରୁଥିବା ସମୟରେ ହିମାଚଳ ପ୍ରଦେଶରେ ଭିନ୍ନ ଭିନ୍ନ କାରଣରୁ ତିନି ଜଣ ସରକାରୀ କର୍ମଚାରୀଙ୍କର ମୃତ୍ୟୁ ଘଟିଛି ବୋଲି ରାଜ୍ୟର ଜଣେ ନିର୍ବାଚନ କର୍ମଚାରୀ କହିଛନ୍ତି। ମୃତ କର୍ମଚାରୀଙ୍କ ମଧ୍ୟରେ ଅଛନ୍ତି ଜନଜାତି ଅଧ୍ୟୁଷିତ କିନ୍ନୌର...
  • ପଶ୍ଚିମ ଓ ଦକ୍ଷିଣ ଭାରତର ୬ ରାଜ୍ୟରେ ମରୁଡ଼ି ଆଶଙ୍କା

    ନୂଆଦିଲ୍ଲୀ: ସମ୍ଭାବ୍ୟ ମରୁଡ଼ି ଆଶଙ୍କାରେ କେନ୍ଦ୍ର ସରକାର ୬ଟି ରାଜ୍ୟକୁ ପରାମର୍ଶବଳୀ ଜାରି କରିଛନ୍ତି। ଏହି ରାଜ୍ୟଗୁଡ଼ିକରେ ଜଳସ୍ତର ଚିନ୍ତାଜନକ ଭାବେ ହ୍ରାସ ପାଇବା ପରିପ୍ରେକ୍ଷୀରେ ଏଭଳି ପରାମର୍ଶବଳୀ ଜାରି କରାଯାଇଛି। କେନ୍ଦ୍ର ଜଳ ଆୟୋଗଙ୍କ ପକ୍ଷରୁ ସଦସ୍ୟ ଏସ୍‌.କେ...