“ବାଗି-୩”ରେ ଟିଭି ଆକ୍ଟ୍ରେସ ଅଙ୍କିତାଙ୍କ ଏଂଟ୍ରି

ମୁମ୍ୱାଇ:  ‘ବାଗି-୩’ ସୁଟିଂ ଆରମ୍ଭ ଦିନଠାରୁ ଏହା ଅଛି ଚର୍ଚ୍ଚାରେ । ତେବେ ସାଜିଦ୍ ନାଦିୱାଦୱାଲାଙ୍କ ବ୍ୟାନରରେ ନିର୍ମାଣ ହୋଇଥିବା ଏହାର ୨ଟି ଭାଗ ଦର୍ଶକଙ୍କୁ ବେଶ୍ ପସନ୍ଦ ଆସିଛି । ତେବେ ଏହାର ୩ୟ ଭାଗ ଯେପରି ଦର୍ଶକଙ୍କ ମନ କିଣିବ ସେ ନେଇ ମେକର ଫିଲ୍ମକୁ ଅଧିକ ଗୁରୁତ୍ୱ ଦେଉଛନ୍ତି । ତେବେ ଫିଲ୍ମରେ ଟାଇଗର ଶ୍ରଫ୍ ଏବଂ ଶ୍ରଦ୍ଧା କପୁରଙ୍କ ଯୋଡିଙ୍କୁ ଦର୍ଶକ ୨ୟଥର ପାଇଁ ଏକାଠି ଦେଖିବାକୁ ପାଇବେ । ଏହି ଫିଲ୍ମରେ ରିତେଶ ଦେଶମୁଖ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ଏବେ ଏହି ଫିଲ୍ମକୁ ନେଇ ମିଳିଥିବା ଖବର ଅନୁସାରେ, ଏଥିରେ ଟିଭି ଆକ୍ଟ୍ରେସ ଅଙ୍କିତା ଲୋଖଣ୍ଡେଙ୍କ ଏଂଟ୍ରି ହୋଇଥିବା ଜଣାପଡିଛି । ପ୍ରକାଶ ଯେ ଅଙ୍କିତା “ମଣିକର୍ଣ୍ଣିକା” ଫିଲ୍ମ ଜରିଆରେ ବଲିଉଡରେ ଡେବ୍ୟୁ କରିଛନ୍ତି ।