ନୂଆଦିଲ୍ଲୀ: କରୋନା ସଂକ୍ରମଣକୁ ରୋକିବା ପାଇଁ ଭାରତ ସରକାର ବିଭିନ୍ନ ଚେଷ୍ଟା ଚଳାଇଛନ୍ତି । ତେବେ ଏ ମଧ୍ୟରେ କରୋନା ଭାଇରସକୁ ଲଢ଼ିବା ପାଇଁ ଆରୋଗ୍ୟ ସେତୁ ଆପ୍ ଲଂଚ କରିଛନ୍ତି ।
ଯାହା କରୋନା ସଂକ୍ରମିତ ରୋଗୀଙ୍କୁ ଟ୍ରାକ୍ କରିବାରେ ସାହାଯ୍ୟ କରିଥାଏ ଏବଂ ବ୍ୟବହାରକାରୀଙ୍କୁ ଆଲର୍ଟ ପଠାଇ ସଂକ୍ରମଣକୁ ମଧ୍ୟ ରୋକିଥାଏ ଜ୍ଝଏହି ଆପ୍ କ୍ରମାଗତ ଭାବରେ ଲୋକଙ୍କ ମଧ୍ୟରେ ଲୋକପ୍ରିୟତା ହାସଲ କରୁଛି ଏବଂ ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଏହି ଆପ୍ ଡାଉନଲୋଡ୍ କରିବାକୁ ଲୋକଙ୍କୁ ଅନୁରୋଧ କରିଛନ୍ତି। ଏଥି ସହିତ, ଆରୋଗ୍ୟ ସେତୁ ଆପ୍ ଡାଉନଲୋଡ୍ କ୍ଷେତ୍ରରେ ଏକ ନୂତନ ରେକର୍ଡ ମଧ୍ୟ ସୃଷ୍ଟି କରିଛି ଜ୍ଝ ଲଞ୍ଚ ହେବାର ୧୩ ଦିନରେ ୫ କୋଟି ଉପଭୋକ୍ତା ଏହି ଆପକୁ ଡାଉନଲୋଡ୍ କରିଛନ୍ତି, ଯାହା ଏକ ରେକର୍ଡ ବୋଲି ଜଣାପଡିଛି।
ନୀତି ଆୟୋଗ ସିଇଓ ଅମିତାଭ କାନ୍ତ ଟ୍ୱିଟରରେ ଏକ ପୋଷ୍ଟ ମାଧ୍ୟମରେ ସୂଚନା ଦେଇଛନ୍ତି ଯେ ଆରୋଗ୍ୟ ସେତୁ ଆପ୍ ମାତ୍ର ୧୩ ଦିନରେ ୫୦ ନିୟୁତ ଉପଭୋକ୍ତା ଡାଉନଲୋଡ୍ କରିଛନ୍ତି ଏବଂ ମାତ୍ର ୧୩ ଦିନ ମଧ୍ୟରେ ଦୁନିଆର ଦ୍ରୁତତମ ଡାଉନଲୋଡ୍ ମୋବାଇଲ୍ ଆପ୍ ହୋଇପାରିଛି ।
ଏହି ଟ୍ୱିଟରେ ସୂଚନା ଦିଆଯାଇଛି ଯେ ଆରୋଗ୍ୟ ସେଟୁ ଆପ୍ ଲୋକପ୍ରିୟ ପୋକେମୋନ୍ ଗୋ ଗେମିଂ ଆପ୍ ରେକର୍ଡ ଭାଙ୍ଗିଛି। ୨୦୧୬ ରେ, ପୋକେମୋନ ଗୋ ଗେମିଂ ଆପ୍ ୧୯ ଦିନରେ ୫୦ ନିୟୁତ ଉପଭୋକ୍ତା ଡାଉନଲୋଡ୍ କରିଥିଲେ । ଏହି ରେକର୍ଡ ପରେ, ଆରୋଗ୍ୟ ସେତୁ ଆପର ବଢୁଥିବା ଲୋକପ୍ରିୟତାକୁ ଆକଳନ କରାଯାଇପାରିବ ।