ଭାରତରେ ଆତଙ୍କାବାଦୀ ଆକ୍ରମଣ ସୂଚନା ଗୁଜବ: ପୂର୍ବତନ ସେନା କର୍ମଚାରୀ ଗିରଫ

ବେଙ୍ଗାଲୁରୁ : ଦେଶର ସମୁଦ୍ର ତଟବର୍ତ୍ତୀ ୮ ରାଜ୍ୟରେ ଆତଙ୍କବାଦୀ ଆକ୍ରମଣ ନେଇ ଦିଆଯାଇଥିବା ସୂଚନା ଏକ ଗୁଜବ ବୋଲି ଜଣାପଡିଛି। କର୍ଣ୍ଣାଟକ ପୁଲିସକୁ ଜଣେ ଅବସରପ୍ରାପ୍ତ ସେନା କର୍ମଚାରୀ ତଥା ଟ୍ରକ ଚାଳକ ସୁନ୍ଦର ମୂର୍ତ୍ତୀ(୬୫) ଭାରତର ୮ଟି ରାଜ୍ୟରେ ଆତଙ୍କବାଦୀ ଆକ୍ରମଣ ଘଟିବାର ସୂଚନା ଦେଇଥିଲେ। ପରେ ଏହି ସୂଚନା ଏକ ଗୁଜବ ବୋଲି ଜଣାପଡିବା ସହ ସମ୍ପୃକ୍ତ ଅବସରପ୍ରାପ୍ତ ସେନା କର୍ମଚାରୀଙ୍କୁ ଗିରଫ କରାଯାଇଛି।
ସୁନ୍ଦର ମୂର୍ତ୍ତୀ କର୍ଣ୍ଣାଟକ ପୁଲିସ କଣ୍ଟ୍ରୋଲ ରୁମକୁ ଫୋନ କରି ଦେଶରର ୮ଟି ରାଜ୍ୟରେ ଆତଙ୍କବାଦୀ ଆକ୍ରମଣ ହୋଇପାରେ ବୋଲି ସୂଚନା ଦେଇଥିଲେ। ଏଥିରେ ତାମିଲନାଡୁ, ମହାରାଷ୍ଟ୍ର, ତେଲେଙ୍ଗାନା, କର୍ଣ୍ଣାଟକ, ଆନ୍ଧ୍ରପ୍ରଦେଶ, କେରଳ, ଗୋଆ, ପଣ୍ଡିଚେରୀ ସାମିଲ ରହିଛି। ତାମିଲନାଡୁରେ ୧୯ଜଣ ଆତଙ୍କବାଦୀ ଲୁଚି ରହିଥିବା ସୁନ୍ଦର କହିଥିଲା। ପରେ କର୍ଣ୍ଣାଟକ ଡିଜିପି ସମସ୍ତ ୭ଟି ରାଜ୍ୟକୁ ପତ୍ର ଲେଖି ଆଲର୍ଟ ଜାରି କରିଥିଲେ। ପୁଲିସ ଏହି ଘଟଣାର ତଦନ୍ତ କରି ମିଥ୍ୟା ଖବର ଦେଇଥିବା ଅଭିଯୋଗରେ ଅବସରପ୍ରାପ୍ତ ସୈନିକ ସୁନ୍ଦର ମୂର୍ତ୍ତିଙ୍କୁ ଗିରଫ କରିଥିଲା। ସୂଚନାଯୋଗ୍ୟ ଯେ ପଡୋଶୀ ରାଜ୍ୟ ଶ୍ରୀଲଙ୍କାରେ ଇଷ୍ଟର ପର୍ବରେ ୮ଟି ସ୍ଥାନରେ ଆତ୍ମଘାତୀ ଆକ୍ରମଣ ହୋଇଥିଲା। ଏହି ଘଟଣାରେ ୨୫୩ ଜଣ ଲୋକଙ୍କ ମୃତ୍ୟୁ ହୋଇଥିବା ବେଳେ ୫୦୦ରୁ ଊର୍ଦ୍ଧ୍ବ ଲୋକ ଆହତ ହୋଇଛନ୍ତି।