ଆୟକର ରିଟର୍ଣ୍ଣ ଦାଖଲ ସମୟସୀମା ବୃଦ୍ଧି

ନୂଆଦିଲ୍ଲୀ: କରୋନା ଲକଡାଉନ ମଧ୍ୟରେ ଟିକସଦାତାଙ୍କ ପାଇଁ ବଡ଼ ଘୋଷଣା କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ। କେନ୍ଦ୍ର ସରକାର ଏବେ ଆୟକର ରିଟର୍ଣ୍ଣ ଦାଖଲ ସମୟସୀମାକୁ ବୃଦ୍ଧି କରିଛନ୍ତି। ଘୋଷଣା ଅନୁଯାୟୀ, ଆୟକର ରିଟର୍ଣ୍ଣ ଦାଖଲ ସମୟସୀମାକୁ ୩୧ ଜୁଲାଇ ଓ ଅକ୍ଟୋବର ୩୧ରୁ ନଭେମ୍ବର ୩୦ ଯାଏ ବୃଦ୍ଧି କରାଯାଇଛି।

ସେହିପରି ଟିକସ ଅଡିଟ୍‌ ତାରିଖକୁ ସେପ୍ଟେମ୍ବର ୩୦ରୁ ଅକ୍ଟୋବର ୩୧ ଯାଏ ବୃଦ୍ଧି କରାଯାଇଛି। ‘ବିବାଦ ସେ ବିଶ୍ୱାସ’ ସ୍କିମ ଜରିଆରେ ଟିକସ ଦାତା ଏଣିକି ୨୦୨୦ ଡିସେମ୍ବର ୩୧ ମଧ୍ୟରେ ନିଜର ଅର୍ଥ ପୈଠ କରିପାରିବେ। ପୂର୍ବରୁ ଏହା ଜୁନ ୪ ରହିଥିଲା। ଟିକସ ଦେଉ ନଥିବା ଲୋକଙ୍କୁ ବିନା କୌଣସି ଫାଇନରେ ଅର୍ଥ ପୈଠ କରିବା ପାଇଁ ଏହି ଯୋଜନା ଆରମ୍ଭ କରାଯାଇଥିଲା।

ଅନ୍ୟପକ୍ଷରେ ସରକାରଙ୍କ ଉପରେ ବକେୟା ରହିଥିବା ସମସ୍ତ ଚ୍ୟାରିଟେବୁଲ ଟ୍ରଷ୍ଟ, ନନ୍‌ କର୍ପୋରେଟ ବ୍ୟବସାୟୀଙ୍କ ଅର୍ଥକୁ ରିଲିଜ କରାଯିବ।