ଭାଉଜଙ୍କ ପାଇଁ…

 

 

ଭଡା ଘରର ଗେଟ୍ ଖୋଲି ଗାଡି ବାହାର କରୁଥାଏ, କଣ ଗୋଟେ ଦୁଲ୍ କିନା ମୋ ପାଖ ଡ୍ରେନରେ ପଡିଲା ! ସବୁ ଆଡକୁ ଅନେଇଲି, କେହି କୁଆଡେ ନାହାଁନ୍ତି । କିଛି ବୁଝିପାରିଲିନି । ଅଫିସ ପଳେଇଲି । ପର ଦିନ ସମାନ ଘଟଣା ଘଟିଲା ମୋ ସହ । ଆଶ୍ଟର୍ଯ୍ୟ ! ତା ପରଦିନ ବି ସେୟା । କିଛି ବୁଝିପାରୁନଥାଏ, କଣ ହଉଚି ।

ସକାଳୁ ତର ତର ହୋଇ ଘରୁ ବାହାରୁଥାଏ । ଡେରି ହୋଇଗଲାଣି । ଠିକ୍ ୧୦ଟାରେ ମୋର ବ୍ରେକିଙ୍ଗ ନ୍ୟୁଜର ବୁଲେଟିନ । ରହୁଥିବା ଭଡା ଘରର ଗେଟ୍ ଖୋଲି ଗାଡି ବାହାର କରୁଥାଏ, କଣ ଗୋଟେ ଦୁଲ୍ କିନା ମୋ ପାଖ ଡ୍ରେନରେ ପଡିଲା ! ସବୁ ଆଡକୁ ଅନେଇଲି, କେହି କୁଆଡେ ନାହାଁନ୍ତି । କିଛି ବୁଝିପାରିଲିନି । ଅଫିସ ପଳେଇଲି । ପର ଦିନ ସମାନ ଘଟଣା ଘଟିଲା ମୋ ସହ । ଆଶ୍ଟର୍ଯ୍ୟ ! ତା ପରଦିନ ବି ସେୟା । କିଛି ବୁଝିପାରୁନଥାଏ, କଣ ହଉଚି । କିଏ କୋଉଠୁ କିଛି ପକଉଛି ନା ଶୂନ୍ୟରୁ କିଛି ଖସୁଛି ? ତା ପରଦିନ ମୋର ଉଇକ୍ଲି ଅଫ ଥାଏ । ଠିକ ସେଇ ସମୟରେ ଛକି କି ବସିଲି,କୋଉଠୁ କିଏ କଣ ପକଉଚି ନା କଣ ହଉଚି । ଯାହା ଦେଖିଲି ବିଶ୍ବାସ ହେଲାନି । ଆମ ଆଗ ଘରେ ରହୁଥିବା ଭାଉଜ,ତାଙ୍କ ଘରର ଅଳିଆ ସବୁକୁ ଗୋଟେ ଜରିରେ ପୁରେଇ ତାଙ୍କ ଗେଟ ପାଖରୁ ଲକ୍ଷ କରି ଡ୍ରେନକୁ ପକାଉଛନ୍ତି । ମୁଁ ସାଙ୍ଗେ ସାଙ୍ଗେ ଆମ ଗେଟ ପାଖକୁ ଚାଲିଆସିଲି, ମୋତେ ଦେଖି ଭାଉଜ ଟିକେ ମୁରୁକେଇ ହସିଦେଲେ ! ବୁଝିପାରୁନଥାଏ, ଭାଉଜ ଜଣେ ଉଚ୍ଚଶିକ୍ଷିତା ହେଇ ଏମିତି କଣ କରୁଛନ୍ତି । ପଚାରିଲି ,ଭାଉଜ ଏ କଣ ? ସେଠି ବା ଡଷ୍ଟବିନ୍ ଅଛି , ସେଠି ଅଳିଆ ପକଉନ । ନା ମୋ, ଏତେ ବାଟ କିଏ ଯିବ , ହସିକି କହିଦେଇ ଭାଉଜ ତାଙ୍କ ଘର ଭିତରକୁ ପଳେଇଲେ । ଆଗ ଘର ଭାଉଜଙ୍କ ଘର ଗେଟ୍ ଠାରୁ ଡଷ୍ଟବିନ୍ ଟା ମାତ୍ର ୨୦ କି ୩୦ ମିଟର ଦୂର ହେବ । କିନ୍ତୁ ସବୁ ଦିନ ସେ ଏମିତି ପଲିଥିନରେ ପୁରେଇ ଅଳିଆ ପକାନ୍ତି ଡ୍ରେନରେ ।

ଏବେ ଯୋଉ ଲଗାଣ ବର୍ଷା ହେଲା, ଆଗ ଘର ଭାଉଜ ଦେଇଥିବା ଜିନିଷ ସବୁ ସୁଧ ମୂଳ ସହ ଡ୍ରେନ ତାଙ୍କ ଘରକୁ ଫେରେଇଦେଇଛି । ତାଙ୍କ ଘର ଭିତରେ ଚେୟାର,ଟେବୁଲ ସହ ସେ ଡ୍ରେନରେ ପକାଇଥିବା ଅଳିଆ ବି ଭାସୁଛି ।

ଏମିତି ଅନେକ ଆଗ ଘର ଭାଉଜ,ଭାଇ,ଭଉଣୀ,ମଉସା ମାଉସୀ ପଲିଥିନରେ ଅଳିଆ ପୁରେଇ ଘର ପାଖ ଡ୍ରେନରେ ପକଉଛନ୍ତି, ରାସ୍ତା ଉପରେ ପକାଉଛନ୍ତି । ଯୋଉଥିପାଇଁ ଏପରି ଅବସ୍ଥା । ଆଜ୍ଞା, ଟିକେ ସଚେତନ ହୁଅନ୍ତୁ,ଅନ୍ୟକୁ ସଚେତନ କରାନ୍ତୁ । ସୁଧୁରି ଯାଆନ୍ତୁ ।