ସମ୍ଭାବ୍ୟ ବାତ୍ୟା ନେଇ ଏସଆରସିଙ୍କ ପ୍ରସ୍ତୁତି ବୈଠକ : ପ୍ରସ୍ତୁତ ରହିବାକୁ ଜିଲ୍ଲାପାଳମାନଙ୍କୁ ଦେଲେ ପରାମର୍ଶ

ଭୁବନେଶ୍ୱର : ମେ’ରେ ପୁଣି ବାତ୍ୟା ଭୟ । ଓଡିଶା ଉପରେ ବାତ୍ୟାର ପ୍ରଭାବ ପଡିବ ବୋଲି ପାଣିପାଣ ବିଭାଗ ପକ୍ଷରୁ ଅନୁମାନ କରାଯାଇଛି । ​ଉତ୍ତର ଆଣ୍ଡାମାନ ସାଗର ଓ ସଂଲଗ୍ନ ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ଆସନ୍ତା ୨୨ ତାରିଖରେ ସୃଷ୍ଟି ହେବାର ଆଶଙ୍କା ରହିଛି । ପରବର୍ତ୍ତୀ ୭୨ ଘଣ୍ଟାରେ ଅର୍ଥାତ୍ ୨୫ ତାରିଖ ସୁଦ୍ଧା ଏହା ବାତ୍ୟାରେ ପରିଣତ ହେବାର ସମ୍ଭାବନା ରହିଛି । ଏଯାଏ ଏହାର ସ୍ଥିତି, ରୂପ, ବାତ୍ୟା ହେବ କି ନାହିଁ ସେନେଇ କୌଣସି ଅନୁମାନ କରାଯାଇ ନାହିଁ । ପ୍ରାକ୍ ଆକଳନ ଅନୁସାରେ, ଲଘୁଚାପ ଘନୀଭୂତ ହୋଇ ବାତ୍ୟାରେ ପରିଣତ ହେଲେ ଏହା ପଶ୍ଚିମବଙ୍ଗ ଓ ଓଡ଼ିଶା ଉପକୂଳରେ ମେ ୨୬ ସନ୍ଧ୍ୟା ସମୟରେ ପହଞ୍ଚିପାରେ ।

Had a VC now with Collectors, SPs/ Fire officers, ADMs and emergency officers of 10 dists & advised them to start preparedness for probable cyclone. Shelters identification, staff deployment, training, facilities check, infrastructure check, evacuation planning, to be done

— Pradeep Jena IAS (@PradeepJenaIAS) May 19, 2021

Further all local officials,PRIs, WSHGs, ASHA to be mobilised. Covid guidelines to be followed. Dry/ cooked food, children food, fast aid, etc to be planned. Old, sick, physically and mentally challenged and vulnerable people to be give additional priority in cyclone planning.

— Pradeep Jena IAS (@PradeepJenaIAS) May 19, 2021

ସମ୍ଭାବ୍ୟ ବାତ୍ୟା ଆଶଙ୍କା କରି ଏସଆରସି ଉପକୂଳବର୍ତ୍ତୀ ଜିଲ୍ଲାର ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦେଇଛନ୍ତି । ପାଣିପାଗ ବିଭାଗ, ଏନଡିଆରଏଫ୍, ଓଡ୍ରାଫ, ଅଗ୍ନିଶମ ବାହିନୀ ସହ ଏସଆରସି ଆଲୋଚନା କରିଛନ୍ତି । ଉପକୂଳବର୍ତ୍ତୀ ୧୦ ଜିଲ୍ଲାର ଜିଲ୍ଲାପାଳ ଓ ଏସପିଙ୍କ ସହ ଏସଆରସି ପ୍ରଦୀପ ଜେନା କଥା ହୋଇ ପଦକ୍ଷେପ ନେବାକୁ କହିଛନ୍ତି ।
ସମୁଦ୍ରକୁ ଯାଇଥିବା ମତ୍ସ୍ୟଜୀବୀ ୨୩ ତାରିଖ ସକାଳ ପୂର୍ବରୁ କୂଳକୁ ଫେରି ଆସିବାକୁ ଏସଆରସି ଆହ୍ୱାନ ଦେଇଛନ୍ତି । ବାତ୍ୟା ନେଇ ବିବ୍ରତ ନହେବାକୁ ଏସଆରସି ଜନସାଧାରଣଙ୍କୁ କହିଛନ୍ତି । ସମ୍ଭାବ୍ୟ ବାତ୍ୟା ମୁକାବିଲା ନେଇ ଜିଲ୍ଲା ସ୍ତରରେ ସମସ୍ତ ପ୍ରସ୍ତୁତି ହୋଇଥିବା ସୂଚନା ଦେଇଛନ୍ତି ଏସଆରସି

src preparatory meeting on probable cyclone in bay of benga