ସାହିତ୍ୟ ଏକାଡେମୀ ପୁରସ୍କାର ଘୋଷଣା: ଓଡ଼ିଶାର ପୂର୍ବତନ ଶାସନ ସଚିବ ତରୁଣକାନ୍ତି ହେବେ ସମ୍ମାନିତ

ନୂଆଦିଲ୍ଲୀ/ଭୁବନେଶ୍ୱର: ଚଳିତ ବର୍ଷ ପାଇଁ ସାହିତ୍ୟ ଏକାଡେମୀ ପୁରସ୍କାର ଘୋଷଣା କରାଯାଇଛି । ଆଜି ୨୩ ଭାଷାରେ ନିଜର ବାର୍ଷିକ ଏକାଡେମୀ ପୁରସ୍କାର ଘୋଷଣା କରିଛି । ୭ଟି କବିତା ସଂଗ୍ରହ, ୪ଟି ଉପନ୍ୟାସ, ୬ଟି କାହାଣୀ ସଂଗ୍ରହ, ୩ଟି ନିବନ୍ଧ ସଂଗ୍ରହ, ଆତ୍ମକଥା ଏବଂ ଜୀବନୀକୁ ନେଇ ଏହି ସମ୍ମାନ ଦିଆଯାଇଛି ।

ହିନ୍ଦୀରେ ନନ୍ଦ କିଶୋର ଆଚାର୍ଯ୍ୟଙ୍କୁ ତାଙ୍କ କବିତା-ସଂଗ୍ରହ “ଛିଲତେ ହୁଏ ଅପନେ କୋ” ପାଇଁ ଏହି ସମ୍ମାନ ଦିଆଯାଇଛି । କଂଗ୍ରେସ ସାଂସଦ ଶିଶ ଥରୁରଙ୍କୁ ଇଂରାଜୀ ଭାଷାରେ ନିଜର ଲେଖା “ An Era of Darkness” ପାଇଁ ଦିଆଯାଇଛି । ଉର୍ଦ୍ଦୁରେ ଶାଫେ କିଦବାଇଙ୍କୁ ଜୀବନୀ ସବନେହ-ଏ-ସର-ସୈୟଦ-ଏକ ବାଜଦୀଦ ପାଇଁ ସମ୍ମାନ ଦିଆଯାଇଛି । ସେହିପରି ଓଡିଶାର ପୂର୍ବତନ ମୁଖ୍ୟ ଶାସନ ସଚିବ ତରୁଣକାନ୍ତିଙ୍କୁ ନିଜର ଗଳ୍ପ ସଂକଳନ “ଭାସ୍ୱତି” ପାଇଁ ଏହି ସମ୍ମାନ ପାଇଁ ଘୋଷଣା ହୋଇଛି ।

ଅନ୍ୟ ଭାଷାରେ ସମ୍ମାନ ପାଇଥିବା ସାହିତ୍ୟକାର:

ଆସମିୟା-ଜୟ ଶ୍ରୀ ଗୋସ୍ୱାମୀ ମହନ୍ତ

ବଡ୍‌ଲା-ଚିନ୍ମୟା ଗୁହା

ବୋଡୋ-ଫୁକନ ଚନ୍ଦ୍ର

ଡୋଗରୀ-ଓମ ଶର୍ମା

ଗୁଜରାଟୀ-ରତିଲାଲ ଗୋରୀସାଗର

କନ୍ନଡ-ବିଜୟା

କଶ୍ମୀରୀ- ଅବଦୁଲା ଅହଦ ହାଜିନୀ

କୋଙ୍କଣୀ-ନିଲବା ଖାଣ୍ଡେକର

ମୈଥଲୀ-କୁମାର ମନୀଷ

ମଲୟାଲମ- ମଧୁସୂଦନ ନାୟକ

ମଣିପୁରୀ-ବେରିଲ

ମରାଠୀ-ଅନୁରାଧୀ ପାଟିଲ

ପଞ୍ଜାବୀ- କିରପାଲ କଜାକ

ରାଜସ୍ଥାନୀ-ରାମସ୍ୱରୁପ କିସାନ

ସଂସ୍କୃତ- ପେନ୍ନା ମଧୁସୂଦନ

ସାନ୍ତାଳୀ-କାଳୀ ଚରଣ

ତମିଲ-ଧର୍ମନ

ତେଲୁଗୁ-ବନ୍ଧି ନାରାୟଣ ସ୍ୱାମୀ

ନେପାଳୀ ଭାଷାରେ ପୁରସ୍କାର  ଘୋଷଣା ହୋଇ ନାହିଁ ।