ମର୍ମନ୍ତୁଦ ଦୁର୍ଘଟଣା : ବୋଲେରୋକୁ ଧକ୍କା ଦେଲା ଟ୍ରକ୍‌ ୧୦ ମୃତ୍ୟୁ

ନୂଆପଡ଼ା: ବୈଷ୍ଣଦେବୀ ଦର୍ଶନ ହେଲା ଶେଷ ଦର୍ଶନ । ଦୁର୍ଘଟଣାରେ ଗଲା ୧୦ ଜୀବନ । ନୂଆପଡା ସିଲଦା ନିକଟରେ ଏକ ବଡ ଧରଣର ଦୁର୍ଘଟଣା ଘଟିଛି । ବୋଲେରକୁ ଟ୍ରକ ଧକ୍କା ଦେବା ଫଳରେ ୧୦ ଜଣଙ୍କ ମୃତ୍ୟୁ ହୋିଛି । ଏମାନଙ୍କ ମଧ୍ୟରେ ଅଛନ୍ତି ଗୋଟିଏ ପରିବାରର ୪ ସଦସ୍ୟଙ୍କ ସହ ୩ ନାବାଳକ । ଏମାନେ ସମସ୍ତେ ଛତିଶଗଡର ବୋଲି ଜଣାପଡିଛି । ବୈଷ୍ଣଦେବୀ ଦର୍ଶନ ସାରି ବିଳମ୍ବିତ ରାତିରେ ଏମାନେ ଘରକୁ ଫେରିବାବେଳେ ଘଟିଛି ଦୁର୍ଘଟଣା ।

ମଙ୍ଗଳବାର ରାତି ପ୍ରାୟ ୨ଟା ସମୟରେ ନୂଆପଡ଼ା ଜଲ୍ଲା ନୂଆପଡ଼ା ପେଟ୍ରୋଲ୍‌ ପମ୍ପ୍‌ ଓ ସିଲିଦା ଗାଁ ମଝିରେ ଜାତୀୟ ରାଜପଥ ୩୫ଠାରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏକ ବୋଲେରୋକୁ ଦୃତଗତିର ଆସୁଥିବା ଏକ ଟ୍ରକ୍‌ ଧକ୍କା ଦେବା ଫଳରେ ଘଟଣାସ୍ଥଳରେ ବୋଲେରୋରେ ଥିବା ୧୦ ଜଣଙ୍କର ମୃତ୍ୟୁ ଘଟିଛି। ସମସ୍ତ ମୃତକମାନେ ଏକ ସାସ୍କୃତିକ କାର‌୍ୟ୍ୟକ୍ରମରେ ଯୋଗ ଦେଇ ଛତିଶଗଡ଼ର ମହାସମୁନ୍ଦ ଜିଲ୍ଲାର ସଙ୍କାରା, ଅଂଶୁଳା ଏବଂ ବଳଦିଡିହି ଗ୍ରାମକୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଛି। ଖବର ପାଇ ପୁଲିସ୍‌ ଘଟଣାସ୍ଥଳରେ ପହଞ୍ଚି ମୃତଦେହଗୁଡ଼ିକୁ ଉଦ୍ଧାର କରି ବ୍ୟବଛେଦ ପାଇଁ ନୂଆପଡ଼ା ଡାକ୍ତରଖାନାକୁ ପଠାଇଛି। ମୃତକମାନଙ୍କ ମଧ୍ୟରେ ଗୋଟିଏ ପରିବାରର ୪ ଜଣ ଥିବା ବେଳେ ଏଥିରେ ମୋଟ ୫୬ ଜଣ ପୁରୁଷ, ଜଣେ ମହିଳା ଓ ୩ ଜଣ ନାବାଳକଙ୍କର ମୃତ୍ୟୁ ଘଟିଛି। ସମସ୍ତେ ଗୋଟିଏ ସାଂସ୍କୃତିକ ଦଳର ସଦସ୍ୟ ବୋଲି ଜଣାପଡ଼ିଛି।

ମିଳିଥିବା ସୂଚନା ଅନୁଯାୟୀ, କୋମନା ବୈଷ୍ଣୋଦେବୀ ମନ୍ଦିରରେ ଦୁର୍ଗାପୂଜା ଉପଲକ୍ଷେ ଆୟୋଜିତ ସାଂସ୍କୃତିକ କାର‌୍ୟ୍ୟକ୍ରମରେ ଭଜନ ପରିବେଷଣ କରି ଏକ ବୋଲେରୋ ଯୋଗେ ଦିନେଶ ଦଣ୍ଡସେନା, ତାଙ୍କ ପତ୍ନୀ ଚାନ୍ଦନୀ ଦଣ୍ଡସେନା, ପୁଅ ଧନଞ୍ଜୟ ଦଣ୍ଡସେନା, ଝିଅ ଭାରତୀ ଦଣ୍ଡସେନାଙ୍କ ସହିତ ମେଘନାଦ ନିଷାଦ, ସୁରଜିତ ସିଂ ଛାବଡ଼ା , ନୀନର ପାନେଶ୍ୱର, ଦିନେଶ୍ୱର ନେତାମ ଓ ଧର୍ମେନ୍ଦ୍ର ନେତାମ ସଙ୍ଗୀତ ପରିବେଷଣ କରି ସାରିଲା ପରେ ଡ୍ରାଇଭର ମୁକେଶ ୍ରଗ୍ରଓ୍ଵାଲଙ୍କ ସହିତ ଗାକୁ ଫେରୁଥିଲେ। ଏ ସମସ୍ତଙ୍କ ଘର ଛତିଶଗଡ଼ର ମହାସମୁନ୍ଦ ଜିଲ୍ଲାର ସଂକାରା, ଅଂଶୁଳା ଏବଂ ବଡ଼ ବଳଦଡିହି ଗ୍ରାମରେ।ଏହି ସମୟରେ ରାତି ପ୍ରାୟ ୨ଟା ବେଳେ ଜାତୀୟ ରାଜପଥ ୩୫ର ନୂଆପଡ଼ା ପେଟ୍ରୋଲ୍‌ ପମ୍ପ୍‌ ଓ ସିଲିଦା ଗାଁ ମଝିରେ ଏକ ଟ୍ରକ୍‌ ଦୃତଗତିରେ ଆସି ସେମାନଙ୍କୁ ଧକ୍କାଦେଇଥିଲା । ଦୁର୍ଘଟଣା ପରେ ଟ୍ରକ୍‌ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଥିିବା ବେଳେ ଘଟଣାସ୍ଥଳରେ ହିଁ ସମସ୍ତ ବୋଲେରୋ ଯାତ୍ରୀଙ୍କର ମୃତ୍ୟୁ ଘଟିଛି।