ରାକେଶ ଚୌଧୁରୀ ହତ୍ୟା ଘଟଣାର ମାଷ୍ଟରମାଇଣ୍ଡ ଉତ୍ତରପ୍ରଦେଶରୁ ଗିରଫ

ଜଳେଶ୍ୱର: ବାଲେଶ୍ୱର ଜିଲ୍ଲା ବାଲିଆପାଳ ଥାନା ଅଧୀନସ୍ଥ ଡାଙ୍ଗପିଟା ଗାଁରେ ଗତ ଜୁନ୍‌ ୨୫ ତାରିଖ ରାତି ୮ଟା ସମୟରେ ରାକେଶ ଚୌଧୁରୀ ଦୁର୍ବୃତ୍ତଙ୍କ ଗୁଳିକାଣ୍ଡର ଶିକାର ହୋଇଥିଲେ। ରାକେଶ ଚୌଧୁରୀ ହତ୍ୟା ଘଟଣାର ମାଷ୍ଟରମାଇଣ୍ଡକୁ ବାଲିଆପାଳ ପୁଲିସ ଗିରଫ...

ଜଳେଶ୍ୱର: ବାଲେଶ୍ୱର ଜିଲ୍ଲା ବାଲିଆପାଳ ଥାନା ଅଧୀନସ୍ଥ ଡାଙ୍ଗପିଟା ଗାଁରେ ଗତ ଜୁନ୍‌ ୨୫ ତାରିଖ ରାତି ୮ଟା ସମୟରେ ରାକେଶ ଚୌଧୁରୀ ଦୁର୍ବୃତ୍ତଙ୍କ ଗୁଳିକାଣ୍ଡର ଶିକାର ହୋଇଥିଲେ। ରାକେଶ ଚୌଧୁରୀ ହତ୍ୟା ଘଟଣାର ମାଷ୍ଟରମାଇଣ୍ଡକୁ ବାଲିଆପାଳ ପୁଲିସ ଗିରଫ କରିବାରେ ସଫଳ ହୋଇଛି। ଗିରଫ ଅଭିଯୁକ୍ତ ଜଣକ ରାକେଶଙ୍କ ପ୍ରଥମ ପତ୍ନୀଙ୍କ ବଡ଼ ପୁଅ ଗୁଡୁ ଓରଫ ମନୋଜ କୁମାର ବୋଲି ପୁଲିସ ସୂତ୍ରରୁ ପ୍ରକାଶ। ତେବେ ସମ୍ପତ୍ତି ବିବାଦରୁ ଏହି ହତ୍ୟାକାଣ୍ଡ ଘଟାଇଥିବା ମନୋଜ କୁମାର ନିଜେ ପୁଲିସ ନିକଟରେ ସ୍ୱୀକାର କରିଛି।

ସୂଚନାଯୋଗ୍ୟ, ଉତ୍ତରପ୍ରଦେଶର ବୁଲନ୍ଦସହର ଜିଲ୍ଲା ଜାହାଙ୍ଗୀରପୁର ଥାନା ନେକପୁର ଗାଁରେ ରାକେଶ ଚୌଧୁରଙ୍କ ଘର। ତେବେ  ପ୍ରାୟ ୧୦ବର୍ଷ ତଳେ ସେ ବାଲିଆପାଳକୁ ଆସି ଏହି ଡାଙ୍ଗପିଟା ଗାଁରେ ରହୁଥିଲେ।  ୨୦୦୬ ମସିହାରେ ସେ ଶ୍ୟାମସୁନ୍ଦର ମହାନ୍ତିଙ୍କ ଝିଅ ଆରତୀ ଦେବୀଙ୍କୁ ବିବାହ କରିଥିଲେ। ମାତ୍ର ଗତ କିଛିଦିନ ତଳେ ରାକେଶ ଉତ୍ତରପ୍ରଦେଶକୁ ଯାଇ ସେଠାରେ ନିଜର ଏକ ସମ୍ପତ୍ତିକୁ ୨୦ଲକ୍ଷ ଟଙ୍କାରେ ବିକିବା ସହ ଏହି ଅର୍ଥରୁ କାହାକୁ ଭାଗ ନ ଦେଇ ଡାଙ୍ଗପିଟା ଗାଁକୁ ଚାଲି ଆସିବା ପରେ ଏହି ଘଟଣାକୁ ନେଇ ମନୋଜ ପ୍ରତିଶୋଧ ପରାୟଣ ହୋଇ ହତ୍ୟାକାଣ୍ଡର ଯୋଜନା କରିଥିଲା।

ହତ୍ୟାକାଣ୍ଡ ପୂର୍ବରୁ କେଉଁଠି ଓ କିପରି ହତ୍ୟା କରିବ ସେ ନେଇ ଯୋଜନା ପ୍ରସ୍ତୁତ ପାଇଁ ମନୋଜ ନିଜ ବାପାଙ୍କ ସହ ଫୋନ୍‌ରେ ଯୋଗାଯୋଗ କରି ତାଙ୍କ ସହ ଭଲରେ କଥା ହୋଇଥିଲା। ଏପରିକି ବାଲେଶ୍ୱର,ବାଲିଆପାଳ, ଡଗରା ଓ ଚୌମୁଖକୁ ଆସି ମନୋଜ ଏଠାରେ ସମୟ ବିତାଇବା ସହ କିପରି ହତ୍ୟାକାଣ୍ଡକୁ ସଫଳ କରିବାର ଯୋଜନା କରିଥିବା  ପୁଲିସ ପ୍ରକାଶ କରିଛି। ୨୫ ତାରିଖରେ ଏହି ହତ୍ୟାକାଣ୍ଡ ପରେ ରାକେଶଙ୍କ ୨ୟ ପତ୍ନୀ ଆରତୀ ଦେବୀ ବାଲିଆପାଳ ଥାନାରେ ଲିଖିତ ଅଭିଯୋଗ କରିବା ପରେ ପୁଲିସ ୧୧୭ ନମ୍ବରର ମାମଲା ରୁଜୁ କରିଥିଲା। ଆଇଆଇସି ପ୍ରଭୁକଲ୍ୟାଣ ଆଚାର୍ଯ୍ୟଙ୍କୁ ଏହି ମାମଲାର ତଦନ୍ତ ଭାର ଦିଆଯାଇଥିବା ବେଳେ ପ୍ରାରମ୍ଭିକ ତଦନ୍ତରୁ ଏହି ହତ୍ୟାକାଣ୍ଡର ଲିଙ୍କ ଉତ୍ତରପ୍ରଦେଶ ସହ ରହିଛି ବୋଲି ପୁଲିସ ଜାଣିପାରିଥିଲା। ସେହି ଅନୁସାରେ ଏକ ସ୍ୱତନ୍ତ୍ର ଟିମ୍‌ ମଧ୍ୟ ଗଠନ କରାଯାଇ ଉତ୍ତରପ୍ରଦେଶକୁ ପଠାଯାଇଥିଲା। ଉତ୍ତରପ୍ରଦେଶ ପୁଲିସ ସହାୟତାରେ ମନୋଜକୁ ଗିରଫ କରାଯାଇଥିବା ବେଳେ ଏହି ହତ୍ୟାକାଣ୍ଡ ସହ ଅନ୍ୟ ଦୁଇଜଣ ସମ୍ପୃକ୍ତ ଥିବା କୁହାଯାଇଛି। ଏମାନେ ହେଲେ ପ୍ରବୀଣ ଅଗ୍ରଓ୍ଵାଲ ଓ ଭାଟି ଚୌଧୁରୀ। ଅଭିଯୁକ୍ତଙ୍କ ଠାରୁ ଏକ ବନ୍ଧୁକ ସହ ଘଟଣା ଦିନ ବ୍ୟବହାର ହୋଇଥିବା କାର ବି ପୁଲିସ ଦ୍ୱାରା ଅଟକି ରହିଛି। କାରଟି ବାଲେଶ୍ୱର ଆରଟିଓଙ୍କ ଅଧିନରେ ପଞ୍ଜିକୃତ ରହିଛି ବୋଲି ତଦନ୍ତ ସମୟରେ ଜଣାପଡ଼ିଛି।

Spread the love
Categories
କ୍ରାଇମ

RELATED BY

  • ବଡ଼ଭାଇଙ୍କ ଟାଙ୍ଗିଆ ଚୋଟରେ ସାନଭାଇ ମୃତ

    ହରିଚନ୍ଦନପୁର: ମଙ୍ଗଳବାର ସନ୍ଧ୍ୟା ବେଳେ କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ୍‌ ଅନ୍ତର୍ଗତ ରେବଣା ଗ୍ରାମରେ ଘର ତିଆରି କଥାରେ ଜଣେ ବଡ଼ଭାଇ ତା’ର ସାନଭାଇକୁ ଟାଙ୍ଗିଆରେ ହାଣି ହତ୍ୟା କରିଛି।ଟାଙ୍ଗିଆ ଚୋଟରେ ନିହତ ସାନଭାଇ ହେଉଛି ୧୬ ବର୍ଷିୟ କରମା...
  • ଭଣଜା ଟାଙ୍ଗିଆ ଚୋଟରେ ମାଇଁ ମୃତ

    ଆନନ୍ଦପୁର: ଗୁଣି ଗାରେଡ଼ି ସନ୍ଦେହରେ ପୁଣି ଗଡ଼ିଛି ମୁଣ୍ଡ। ଏଥର ଏପରି ନୃଶଂସ କାଣ୍ଡ ଘଟିଛି କେନ୍ଦୁଝର ଜିଲ୍ଲାରେ। ଆନନ୍ଦପୁର ବ୍ଲକ୍‌ କନ୍ତଳା ଗାଁରେ ଅନ୍ଧବିଶ୍ୱାସର ବଶବର୍ତ୍ତୀ ହୋଇଥିବା ଭଣଜାର ଟାଙ୍ଗିଆ ଚୋଟରେ ମାଇଁର ମୃତ୍ୟୁ ଘଟିଛି। ମୃତା ମହିଳା ହେଲେ...
  • ୪ ଭାଇଙ୍କୁ ଗୋଡ଼ାଇ ଗୋଡ଼ାଇ ହାଣିଲେ; ୨ ମୃତ, ୨ ଗୁରୁତର

    ସମ୍ବଲପୁର:ସମ୍ବଲପୁର ଜିଲ୍ଲା ଯୁଯୁମରା ଥାନା ଅନ୍ତର୍ଗତ ଭଣ୍ଡାରୀମାଳ ଗାଁରେ ହୋଇଛି ଦୁଇ ଦୁଇଟି ହତ୍ୟାକାଣ୍ଡ । ଗାଁରେ ଚାରି ଜଣ ଭାଇଙ୍କୁ ଗୋଡ଼ାଇ ଗୋଡ଼ାଇ ହଣାଯାଇଛି । ଏଥିରେ ଦୁଇ ଭାଇଙ୍କ ମୃତ୍ୟୁ ହୋଇଥିବାବେଳେ ଆଉ ଦୁଇ ଭାଇ ଆହତ...
  • ସ୍ତ୍ରୀ, ଝିଅକୁ ମାରି ସ୍ୱାମୀର ଆତ୍ମହତ୍ୟା

    ଗଡ଼ପୋଷ: ବିବାହର ତିନି ବର୍ଷ ପୂରିନି। ହେଲେ ସ୍ୱାମୀ, ସ୍ତ୍ରୀଙ୍କ ମଧ୍ୟରେ କଳହ ଓ ମନାନ୍ତର ୩ ଜଣଙ୍କ ଜୀବନ ନେଇଛି। ସ୍ତ୍ରୀକୁ ହତ୍ୟା ପରେ ନିଜର ଦୁଇ ବର୍ଷର ନିଷ୍ପାପ କନ୍ୟାକୁ ମଧ୍ୟ ହତ୍ୟା କରିବାକୁ ପଛାଇ ନାହିଁ।...