ହନିମୁନ ପରେ ପ୍ରିୟଙ୍କାଙ୍କୁ ଛାଡି ଚାଲିଗଲେ ନିକ, କେମିତି ପୁରଣ ହେବ ଏକାଧିକ ସନ୍ତାନର ସ୍ୱପ୍ନ

ମୁମ୍ବାଇ : ବିଦେଶୀ ବନ୍ଧୁଙ୍କୁ ବାହାହେବା ପରେ ଓମାନରେ ହନିମୁନ ମନାଇ ସାରିଲେଣୀ ଦେଶୀଗର୍ଲ ପ୍ରିୟଙ୍କା ଚୋପ୍ରା । ହଲେ ହନିମୁନ ସରୁ ସରୁ ତାଙ୍କ ସ୍ୱାମୀ ନିକ ତାଙ୍କୁ ଛାଡି ଚାଲିଯାଇଛନ୍ତି । ବେଦେଶୀ ସ୍ୱାମୀ ନିକ ଆମେରିକା ଯାଇଥିବାବେଳେ ଭାରତରେ ରହିଯାଇଛନ୍ତି ପ୍ରିୟଙ୍କା । ନୂଆ ନୂଆ ବାହାଘର ଆଉ ହନିମୁନ ସରୁ ସରୁ ସ୍ୱାମୀ ନିକ ତାଙ୍କୁ ଛାଡି ସ୍ୱଦେଶ ଫେରି ଯିବାକୁ ନେଇ ଏବେ ବେଶୀ ଦୁଖି ଅଛନ୍ତି ପ୍ରିୟଙ୍କା ବୋଲି ଜଣା ପଡିଛି । ଏହି ଖବର ବି ଟାଉନରେ ଚର୍ଚ୍ଚା ।
ବଲିଉଡର ଲୋକପ୍ରିୟ ନାୟିକା ପ୍ରିୟଙ୍କା ଚୋପ୍ରା ତାଙ୍କର ପ୍ରେମିକ ନିକ୍‌ ଜୋନସ ଯୋଧପୁରରେ ବିବାହ କରିଥିଲେ। ଏହି ବାହାଘର ଉଭୟ ହିନ୍ଦୁ ଓ ଖ୍ରୀଷ୍ଟିଆନ୍‌ ରୀତିରେ ଆୟୋଜିତ ହୋଇଥିଲା। ପ୍ରିୟଙ୍କା ଓ ନିକ ଦିଲ୍ଲୀରେ ଏକ ରିସେପସନ୍‌ ପାର୍ଟି ଦେଇଥିଲେ, ଯେଉଁଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗଦେଇଥିଲେ।

ବିବାହ ପରେ ନିକ୍‌ ଭାରତରେ ପ୍ରାୟ ୧୫ ଦିନ ଯାଏଁ ରହିଥିଲେ। ସେ ଦୁହେଁ ଈଶା ଅମ୍ବାନିଙ୍କ ପ୍ରି ଓ୍ଵଡିଂ ପାର୍ଟି ଓ ବିବାହ ଉତ୍ସବରେ ମଧ୍ୟ ଯୋଗଦେଇଥିଲେ। ତା’ପରେ ଏହି ନବବିବାହିତ ଦଂପତି ଓମାନରେ ହନିମୁନ୍‌ ମନାଇଥିଲେ। ଏବେ ନିକ୍‌ ଜୋନ୍‌ସ ଆମେରିକା ଫେରିଯାଇଛନ୍ତି। ଏଇ ନିକଟରେ ନିକ୍‌ଙ୍କର ଏକ ସାକ୍ଷାତକାର ସମସ୍ତଙ୍କ ସାମ୍ନାକୁ ଆସିଛି। ସେଥିରେ ସେ ସୂଚନା ଦେଇଛନ୍ତି ଯେ ଶୀଘ୍ର ପିତା ହେବା ତାଙ୍କର ସ୍ୱପ୍ନ। ପ୍ରିୟଙ୍କାଙ୍କୁ ଶିଶୁମାନେ ବହୁତ ଭଲ ଲାଗନ୍ତି। ଏଣୁ ସେ ଆଶାବୀଦ ଯେ ସେ ନିଜର ପିଲାମାନଙ୍କ ସହିତ ସମସ୍ତଙ୍କ ସାମ୍ନାକୁ ଆସିବେ। ପ୍ରିୟଙ୍କା କିଛିଦିନ ତଳେ ଏକ ସାକ୍ଷାତକାରରେ କହିଥିଲେ ଯେ ସେ ଏକାଧିକ ପିଲାଙ୍କର ମାଆ ହେବାକୁ ଚାହାଁନ୍ତି।
ତେବେ ପ୍ରିୟଙ୍କା ଓ ନିକ ପୁଣି ଡିସେମ୍ବର ୧୯ ଓ ୨୦ରେ ମୁମ୍ବାଇରେ ଏକାଠି ହେବେ ବୋଲି ଜଣାପଡିଛି । କାହିଁକି ନା ଏହି ଦୁଇ ଦିନ ବି- ଟାଉନରେ ଦୁଇଟି ରିସେପସନ ପାର୍ଟି ରଖିଛନ୍ତି ନବବିବାହିତା ।

ହାତରୁ ମେହେନ୍ଦି ଲିଭିନି, ହେଲେ ପୁଣି ଥରେ ବାହାହେବେ ପ୍ରିୟଙ୍କା, କାହିଁକି ?