ଦେଶ ସ୍ୱାଧୀନତାକୁ ୭୪ ବର୍ଷ, ଶୁଭେଚ୍ଛା ଜଣାଇଲେ ମୋଦି ଓ ଶାହା

ନୂଆଦିଲ୍ଲୀ: ଆଜି ଦେଶ ପାଳୁଛି ୭୪ ତମ ସ୍ଵାଧୀନତା ଦିବସ। କୋଭିଡ୍ କଟକଣା ପାଇଁ ଏହି ଦିବସର ଆନନ୍ଦ ଫିକା ପଡିଯାଇଥିବା ବେଳେ ନିରାଡମ୍ବର ଭାବେ ଏହାକୁ ଦେଶବାସୀ ମନାଉଛନ୍ତି। କାଶ୍ମୀର ଠୁ କନ୍ୟାକୁମାରୀ ସବୁଠି ଆଜି ଜାତୀୟ ପତାକା ଫରଫର ହୋଇଉଡୁଛି।

ଆଜିର ଏହି ସୁବର୍ଣ୍ଣ ମୁହୁର୍ତ୍ତରେ ବୀରପୁତ୍ରଙ୍କ ବଳିଦାନର କାହାଣୀ ପୁଣି ଥରେ ଆଖି ସାମ୍ନାରେ ଝଲସି ଉଠୁଛି। ବାସ୍ତବରେ ମାଟି ମାକୁ ବିଦେଶୀ ଶାସନ ମୁକ୍ତ କରିବାକୁ ସେମାନଙ୍କର ତ୍ୟାଗ, କର୍ତ୍ତବ୍ୟ ଓ ନିଷ୍ଠାର ସମକକ୍ଷ କେହି ହୋଇ ପାରିବେ ନାହିଁ।

pm-modi-and-home-minister-saha-extends-independence-day-wishes-to-nation

ତେବେ ଏହି ପବିତ୍ର ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ୭୪ ତମ ସ୍ଵାଧୀନତା ଦିବସର ଶୁଭେଚ୍ଛା ଜଣାଇଛନ୍ତି। ”ସ୍ଵତନ୍ତ୍ରତା ଦିବସର ପବିତ୍ର ଅବସରରେ ସମସ୍ତ ଦେଶବାସୀଙ୍କୁ ବହୁତ ବହୁତ ଶୁଭେଚ୍ଛା ଓ ଶୁଭକାମନା” ବୋଲି ପ୍ରଧାନମନ୍ତ୍ରୀ ଟୁଇଟ କରି କହିଛନ୍ତି।

pm-modi-and-home-minister-saha-extends-independence-day-wishes-to-nation

ସେହିପରି କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହା ଦେଶବାସୀଙ୍କୁ ସ୍ଵାଧୀନତା ଦିବସର ଶୁଭେଚ୍ଛା ଜଣାଇଛନ୍ତି। ଏହାସହ ମୋଦିଙ୍କ ଆତ୍ମନିର୍ଭରଶୀଳ ଭାରତର ସ୍ୱପ୍ନକୁ ପୂରଣ କରିବା ଏବଂ ସ୍ୱଦେଶୀ ଉତ୍ପାଦ ବ୍ୟବହାର କରି ଦେଶକୁ ନୂତନ ଉଚ୍ଚତାକୁ ଆଣିବାରେ ସହଯୋଗ କରିବା ପାଇଁ ଆହ୍ୱାନ ଦେଇଛନ୍ତି।

ଲାଲକିଲ୍ଲାରେ ପତାକା ଉତ୍ତୋଳନର କାର୍ଯ୍ୟକ୍ରମ ରହିଛି। ସକାଳ ୭ଟାରେ ମୋଦି ରାଜଘାଟରେ ପହଞ୍ଚି ୭ଟା ୧୮ ବେଳକୁ ଦିଲ୍ଲୀ ଲାହୋର ଗେଟରେ ପହଞ୍ଚିବେ । ସେଠାରେ ସେ ପ୍ରତିରକ୍ଷାମନ୍ତ୍ରୀ ଓ ସଚିବ ତାଙ୍କୁ ସ୍ଵାଗତ କରିବେ । ଏହାପରେ ପ୍ରଧାନମନ୍ତ୍ରୀଙ୍କୁ ଗାର୍ଡ ଅଫ ଅନର ପ୍ରଦାନ କରାଯିବ । ସକାଳ ପ୍ରାୟ ୦୭ଟା ୩୦ରେ ମୋଦି ଲାଲକିଲ୍ଲାରୁ ଜାତୀୟ ପତାକା ଉତ୍ତୋଳନ କରିବେ ।