ଭୁବନେଶ୍ବର : ବିଜେଡିରୁ ଦାମଙ୍କ ବହିଷ୍କାର ପରେ ରାଜ୍ୟ ରାଜନୀତି ସରଗରମ ହୋଇଯାଇଛି । ଉଭୟ କଂଗ୍ରେସ ଓ ବିରୋଧୀ ଏହି ପ୍ରସଙ୍ଗ ବିଜେଡିର ଆଭ୍ୟନ୍ତରୀଣ କନ୍ଦଳ କହିବା ସହ ରାଜ୍ୟ ସରକାର ଓ ବିଜେଡିକୁ ଟାର୍ଗେଟ କରିଛନ୍ତି । ଦାମଙ୍କୁ ବହିଷ୍କାର କରି ବିଜେଡି ଏକଛତ୍ରବାଦୀ ଦଳର ପରିଚୟ ଦେଇଥିବା ବିଜେପି କହିଛି । ଏହା ସହ ବିଜେଡିରେ ଗଣତନ୍ତ୍ର ନାହିଁ ବୋଲି କହିଛନ୍ତି ବିଜେପି ସାଧାରଣ ସଂପାଦକ ପୃର୍ଥୀରାଜ ହରିଚନ୍ଦନ । ଆଉ ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି, ଦାମ ବାବୁ ଯେଉଁ ପ୍ରଶ୍ନ ଉଠାଇଛନ୍ତି ତାହା ଉପରେ ସରକାର ତଦନ୍ତ କରି ସ୍ପଷ୍ଟ କରିବାକୁ ସତସାହସ କରୁନାହାନ୍ତି କାହିଁକି । ସେପଟେ ପଞ୍ଚାନନ କାନୁନୋଗ କହିଛନ୍ତି ଦାମ ବାବୁଙ୍କ ବହିଷ୍କାର ଜଗତସିଂହପୁର ଜିଲ୍ଲା ରାଜନୀତିକୁ ପ୍ରଭାବିତ କରିବ । ଦାମବାବୁ ପାର୍ଟି ଚୁପ କରିବା ଲୋକ ନୁହଁନ୍ତି । ତାଙ୍କ ତୁଣ୍ଡର ଫାଇଦା ନେବେ ବିରୋଧୀ ବୋଲି ମତ ଦେଇଛନ୍ତି ପଞ୍ଚାନନ କାନୁନଗୋ ।