ସୁନ୍ଦରଗଡ଼ ଜିଲ୍ଲାରେ ହାଇସ୍କୁଲ ଭିତ୍ତିଭୂମି ବିକାଶର ସମୀକ୍ଷା କଲେ ୫-ଟି ସଚିବ ଭି.କେ ପାଣ୍ଡିଆାନ

ଭୁବନେଶ୍ୱର: ସୁନ୍ଦରଗଡ଼ ଜିଲ୍ଲାରେ ହାଇସ୍କୁଲ ଭିତ୍ତିଭୂମି ବିକାଶର ସମୀକ୍ଷା କରିଛନ୍ତି ୫- ଟି ସଚିବ ଭି.କେ ପାଣ୍ଡିଆାନ।  ୫-ଟି ଅନ୍ତର୍ଗତ ହାଇସ୍କୁଲ ରୂପାନ୍ତର କାର୍ଯ୍ୟକ୍ରମରେ ହାଇସ୍କୁଲ ଭିତ୍ତିଭୂମି ବିକାଶର ସମୀକ୍ଷା କରିଛନ୍ତି ୫- ଟି ସଚିବ । ଏହି ଅବସରରେ ସେ ବିଭିନ୍ନ ସ୍କୁଲ ପ୍ରଧାନଶିକ୍ଷକ, ସହକାରୀ ଶିକ୍ଷକ ଓ ଛାତ୍ରଛାତ୍ରୀଙ୍କ ଆଲୋଚନା କରିଥିଲେ । ୫- ଟି ସଚିବ ଭି କେ ପାଣ୍ଡିଆାନ କହିଥିଲେ, ସାମୂହିକ ସହଭାଗିତାରେ ସ୍କୁଲର ବିକାଶ ସମ୍ଭବ । ସରକାରୀ ସ୍କୁଲର ମେଧାବୀ ପିଲାଙ୍କ ପାଇଁ ଉଚ୍ଚଶିକ୍ଷାରେ ସଂରକ୍ଷଣକୁ ସ୍ୱାଗତ କରିଥିଲେ । ଏହାଦ୍ବାରା ସରକାରୀ ସ୍କୁଲର ପିଲାମାନେ ମଧ୍ୟ ଉତ୍ତମ ଶିକ୍ଷା ଓ ନିଯୁକ୍ତି ପାଇପାରିବେ । ପାନପୋଷ ହାଇସ୍କୁଲ, ଲାଞ୍ଜିବେରଣା ହାଇସ୍କୁଲ, ଗୋପବନ୍ଧୁ ହାଇସ୍କୁଲ, ରାଷ୍ଟ୍ରୀୟ ହାଇସ୍କୁଲର ଭିତ୍ତିଭୂମି ବିକାଶର ସମୀକ୍ଷା କରିଥିଲେ ୫-ଟି ସଚିବ ଭି.କେ. ପାଣ୍ଡିଆନ । ସ୍କୁଲ ପ୍ରଧାନଶିକ୍ଷକ, ସହକାରୀ ଶିକ୍ଷକ ଓ ଛାତ୍ରଛାତ୍ରୀମାନେ ନିଜ ନିଜ ସ୍କୁଲର ସମସ୍ୟା ଉପସ୍ଥାପନ କରି ସମାଧାନ ପାଇଁ ଦୃଷ୍ଟି ଆକର୍ଷଣ କରିଥିଲେ । ତେବେ ଆଜିର ଏହି ଆଲୋଚନା ବେଳେ ସ୍କୁଲର ରୁପାନ୍ତରିକରଣ କାର୍ଯ୍ୟ ନିମନ୍ତେ ସ୍କୁଲ କର୍ତ୍ତୃପକ୍ଷ ଓ ସରପଞ୍ଚଙ୍କୁ ଉତ୍ସାହିତ କରିଥିଲେ ୫-ଟି ସଚିବ । ସେ କହିଥିଲେ, କାର୍ଯ୍ୟ ଏଭଳି କରନ୍ତୁ, ଯାହା ଫଳରେ ଆପଣଙ୍କ ପରପିଢ଼ି ମଧ୍ୟ ଆପଣଙ୍କୁ ମନେ ରଖିବ । ଏବଂ କହିବ ଆପଣଙ୍କ ସମୟରେ ଏଭଳି କାର୍ଯ୍ୟ ହୋଇଥିଲା ।

odisha 5 t secretary review on school transformation program at sundargarh