ଓସିସିଏଫ୍‍ ବୈଠକ : କ୍ୟାନସର ହସ୍ପିଟାଲ ପାଇଁ ଚଳିତ ମାସ ଶେଷସୁଦ୍ଧା ଟାଟା ଟ୍ରଷ୍ଟକୁ ଜମି ହସ୍ତାନ୍ତର କରାଯିବ

ଭିମ୍‍ସାର, ଏମ୍‍କେସିଜି, କୋରାପୁଟ ଓ କେନ୍ଦୁଝରରେ ରେଡିଓଥେରାପି, କେମୋଥେରାପି, କ୍ୟାନସର ଚିହ୍ନଟ ଓ ଚିକିତ୍ସାର ବିକାଶ କରାଯିବ ଭୁବନେଶ୍ୱର : ବାରଙ୍ଗ ଠାରେ ପ୍ରସ୍ତାବିତ କ୍ୟାନସର ହସ୍ପିଟାଲ ପାଇଁ ଆବଶ୍ୟକ ପଡୁଥିବା ଜମି ଚଳିତମାସ ଶେଷ ସୁଦ୍ଧା ଟାଟା ଟ୍ରଷ୍ଟକୁ...

ଭିମ୍‍ସାର, ଏମ୍‍କେସିଜି, କୋରାପୁଟ ଓ କେନ୍ଦୁଝରରେ ରେଡିଓଥେରାପି, କେମୋଥେରାପି, କ୍ୟାନସର ଚିହ୍ନଟ ଓ ଚିକିତ୍ସାର ବିକାଶ କରାଯିବ

ଭୁବନେଶ୍ୱର : ବାରଙ୍ଗ ଠାରେ ପ୍ରସ୍ତାବିତ କ୍ୟାନସର ହସ୍ପିଟାଲ ପାଇଁ ଆବଶ୍ୟକ ପଡୁଥିବା ଜମି ଚଳିତମାସ ଶେଷ ସୁଦ୍ଧା ଟାଟା ଟ୍ରଷ୍ଟକୁ ହସ୍ତାନ୍ତର କରାଯିବା । କଟକ ଜିଲ୍ଲାପାଳଙ୍କ ସହିତ ଆଲୋଚନା ପରେ ହସ୍ପିଟାଲ ନିକଟକୁ ମାସକ ମଧ୍ୟରେ ରାସ୍ତା କାର୍ଯ୍ୟ ଆରମ୍ଭ ପାଇଁ ନିଷ୍ପତ୍ତି ହୋଇଛି । ଏହି ଗବେଷଣା କେନ୍ଦ୍ର ଲାଗି ରାଜ୍ୟ ସରକାର ଓ ଟାଟା ଟ୍ରଷ୍ଟ ମଧ୍ୟରେ ଚୁକ୍ତି ସ୍ୱାକ୍ଷରିତ ହୋଇଥିବାବେଳେ ମୁଖ୍ୟମବୀ ନବୀନ ପଟ୍ଟନାୟକ ଏହାର ଭିତ୍ତିପ୍ରସ୍ତର ସ୍ଥାପନ କରିଛନ୍ତି ।

ଆଜି ଓଡିଶା କ୍ୟାନସର କେୟାର ଫାଉଣ୍ଡେସନ (ଓସିସିଏଫ୍‍)ର ଦ୍ୱିତୀୟ ପରିଚାଳନା ମଣ୍ଡଳୀ ବୈଠକରେ ଏହି ନିଷ୍ପତ୍ତି ହୋଇଥିବା ଜଣାଯାଇଛି । ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର କମିଶନର ତଥା ଶାସନ ସଚିବ ଡାକ୍ତର ପ୍ରମୋଦ କୁମାର ମେହେର୍ଦ୍ଦାଙ୍କ ଅଧ୍ୟକ୍ଷତାରେ ବସିଥିବା ଏହି ବୈଠକରେ ବିଭାଗର ଯୁଗ୍ମ ସଚିବ ଗୁହା ପୁନମ ତାପସ କୁମାର, ଟାଟା ଟ୍ରଷ୍ଟର ସଦସ୍ୟ, କଟକ ସ୍ଥିତ ଆଚାର୍ଯ୍ୟ ହରିହର କର୍କଟ ଗବେଷଣା କେନ୍ଦ୍ରର ନିର୍ଦ୍ଦେଶକ ଲଲାଟେନ୍ଦୁ ଷଡଙ୍ଗୀ, ଖ୍ୟାତନାମା କ୍ୟାନସର ବିଶେଷଜ୍ଞ ଡାକ୍ତର ଦିନେଶ ପେନ୍ଧାରକର ଓ ବିଭାଗୀୟ ପଦାଧିକାରୀମାନେ ଉପସ୍ଥିତ ଥିଲେ । ବୈଠକର ସୂଚନା ଅନୁଯାୟୀ ଭିମ୍‍ସାର, ଏମ୍‍କେସିଜି, କୋରାପୁଟ ଓ କେନ୍ଦୁଝରରେ ରେଡିଓଥେରାପି, କେମୋଥେରାପି, କ୍ୟାନସର ଚିହ୍ନଟ ଓ ଚିକିତ୍ସାର ବିକାଶ କରାଯିବ । ଆଚାର୍ଯ୍ୟ ହରିହର କର୍କଟ ଗବେଷଣା କେନ୍ଦ୍ରରେ ରେଡିଓ ଥେରାପି ପାଇଁ ସ୍ୱତବ ବ୍ଲକ, ସମ୍ପ୍ରସାରଣ ପାଇଁ ସ୍ୱତବ ମାଷ୍ଟରପ୍ଲାନ ଯଥାଶୀଘ୍ର ପ୍ରସ୍ତୁତ କରାଯିବ ।ସେହିପରି କ୍ୟାନସରକୁ ଏକ ନୋଟିଫିକେବୁଲ ରୋଗ ହିସାବରେ ବିବେଚନା ଲାଗି ନିଷ୍ପତ୍ତି ହୋଇଛି ।

Spread the love
Categories
ଅଧିକ ଖବର

RELATED BY