ଓଡ଼ିଆ ନବ ବର୍ଷ ଓ ପଣା ସଂକ୍ରାନ୍ତି ଉପଲକ୍ଷେ ଟୁଇଟ୍‍ କରି ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ : ମହାବିଷୁବ ସଂକ୍ରାନ୍ତି ତଥା ଓଡ଼ିଆ ନବବର୍ଷ ଅବସରରେ ରବିବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟୁଇଟ୍‍ କରି ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ସେ ଉଭୟ ଓଡ଼ିଆ ଏବଂ ଇଂରାଜୀ ଭାଷାରେ ଟୁଇଟ୍‍ କରି କହିଛନ୍ତି, ଓଡ଼ିଆ ନବବର୍ଷ ପବିତ୍ର ମହାବିଷୁବ ସଂକ୍ରାନ୍ତି ଅବସରରେ ଆପଣଙ୍କର ସମସ୍ତ ସ୍ୱପ୍ନ ସାକାର ହେଉ। ସମସ୍ତଙ୍କ ସୁଖସମୃଦ୍ଧି , ଉତ୍ତମ ସ୍ୱାସ୍ଥ୍ୟ ଓ ଜୀବନରେ ସଫଳତା କାମନା କରିଛନ୍ତି। ଦେଶବାସୀଙ୍କୁ ଆହାର ଦେଉଥିବା କଠୋର ପରିଶ୍ରମୀ କୃଷକମାନଙ୍କୁ ସେ ଏହି ଅବସରରେ ଅଭିବାଦନ ଜଣାଇଛନ୍ତି।