ଖୋର୍ଦ୍ଧା : ବ୍ୟାଙ୍ଗ ନାଟକ ଓ ଉପସ୍ଥାପନା ମାଧ୍ୟମରେ ଋତୁଶ୍ରାବ ସ୍ୱଚ୍ଛତା ଏବଂ ମହିଳାଙ୍କ କଲ୍ୟାଣ ଉପରେ ସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ଜାତୀୟ ନ୍ୟାୟ ବିଭାଗ, କଟକ, ଓଡିଶା (ଏନ୍ଏଲ୍ୟୁଓ), ଆଇନ ବିଭାଗ ପ୍ରୋ ବୋନୋ କ୍ଲବ ଏବଂ ମିଡିଏସନ୍ ଓ ନେଗୋସିଏସନ୍ କେନ୍ଦ୍ରର ମିଳିତ ସହଯୋଗରେ ଦିଶା ଯୋଜନା ଅଧିନରେ ଏକ ମେଗା ଆଇନ ସଚେତନତା କାର୍ଯ୍ୟକ୍ରମ ଏବଂ ମିଡିଏସନ୍ ଶିବିରର ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମ ଖୋର୍ଦ୍ଧା, ଜଙ୍କିଆ ସ୍ଥିତ ଏନ୍ଏଲ୍ୟୁଓର ନିଜସ୍ୱ ଆଇନ ସହାୟତା କ୍ଲିନିକ୍ରେ ଅନୁଷ୍ଠିତ ହୋଇଥିଲା ।
ଏନ୍ଏଲ୍ୟୁର ଅଧ୍ୟାପକ ପରାମର୍ଶଦାତା ଡ. କୁନ୍ତିରାନୀ ପଧାନ୍, ଶ୍ରୀମତୀ ନିକିତା ପଟ୍ଟାଜୋସି ଏବଂ ଅକ୍ଷୟ ବର୍ମାଙ୍କ ନେତୃତ୍ୱରେ ଏନ୍ଏଲ୍ୟୁର ଲିିଗାଲ୍ ଏଡ୍ ସୋସାଇଟିର ୨୩ ଜଣ ଛାତ୍ରଛାତ୍ରୀ ଏହି କାର୍ଯ୍ୟକ୍ରମରେ ଯୋଗଦେବା ପାଇଁ ଆଗେଇ ଆସିଥିଲେ ଏବଂ ଉପସ୍ଥିତ ସମସ୍ତ ଲୋକଙ୍କୁ ମାଗଣା ସାନିଟାରୀ ନାପ୍କିନ୍ ବଣ୍ଟନ କରିଥିଲେ । ମିଡିଏସନ୍ ଶିବିରର ଅଂଶ ଭାବରେ, ଛାତ୍ରଛାତ୍ରୀମାନଙ୍କ ଏକ ଗୋଷ୍ଠୀ ଉପସ୍ଥିତ ଲୋକଙ୍କୁ ମିଡିଏସନ୍ର ଗୁରୁତ୍ୱ ଏବଂ ସମସ୍ୟାର ସମାଧାନ ଉପରେ ଏକ ବ୍ୟାଙ୍ଗ ନାଟକ ପ୍ରଦର୍ଶନ କରିଥିଲେ । ଏହାପରେ ମାତୃତ୍ୱ ଲାଭ (ସଂଶୋଧନ) ଅଧିନିୟମ, ୨୦୧୭ରେ ହୋଇଥିବା ପରିବର୍ତ୍ତନ ଏବଂ ମହିଳାମାନେ କିପରି ଉପକୃତ ହୋଇଥିବା ସେ ସମ୍ବନ୍ଧରେ ଏକ ଉପସ୍ଥାପନା କରାଯାଇଥିଲା ।
ଏହି କାର୍ଯ୍ୟକ୍ରମରେ ପଞ୍ଚାୟତ ରାଜ୍ ଅନୁଷ୍ଠାନ (ପିଆର୍ଆଇ) ର ସଦସ୍ୟ, ସ୍ୱୟଂ ସହାୟକ ଗୋଷ୍ଠୀର ମହିଳା ସଦସ୍ୟ ଏବଂ ସ୍ଥାନୀୟ ବିଦ୍ୟାଳୟର ଛାତ୍ରୀମାନେ ଯୋଗ ଦେଇଥିଲେ ଏବଂ ପ୍ରଶ୍ନ ଉତ୍ତର ଅଧିବେଶନରେ ମିଡିଏସନ୍ର ର ବିଶେଷ୍ୟତା ସମ୍ବନ୍ଧରେ ଉପସ୍ଥିତ ଲୋକଙ୍କ ସହ ଆଲୋଚନା କରାଯାଇଥିଲା ।
ସୂଚନା ଥାଉକି ଯେ, ଭୁବନେଶ୍ୱର ଅବସ୍ଥିତ ସ୍ୟାଡୋ ଆଡ୍ଭାଟାଇଜିଂ ଆଣ୍ଡ କମ୍ୟୁନିକେଶନ ପ୍ରାଇଭେଟ୍ ଲିମିଟେଡ୍ ଏହି ସଚେତନତା କାର୍ଯ୍ୟକ୍ରମର କାର୍ଯ୍ୟକାରୀ ସହଭାଗୀ ଭାବେ କାର୍ଯ୍ୟ କରିଛନ୍ତି ।
Mega Legal Awareness Programme on Maternity Benefit