ଲଭର ୪୨୦ : ଲଭ,ସେକ୍ସ ଓ ଲୁଟ କରି ଧରା ପଡିଲା ଧୁର୍ତ ପ୍ରେମିକ

ଭୁବନେଶ୍ୱର : ପ୍ରଥମେ ପ୍ରେମ । ତା ପରେ ଶାରୀରିକ ସଂପର୍କ ରଖିବା ଆଇ ବିଶ୍ୱାସ ଆସିବା ପରେ ଲୁଟ । କହିବାକୁ ଗଲେ ଲଭ,ସେକ୍ସ ଓ ଲୁଟ । ଲଭ କରି ଦେହ ଲୁଟିବା ପରେ ଧନ ଲୁଟୁଥିଲା ଧୁର୍ତ ପ୍ରେମିକ । କେବଳ ଗୋଟିଏ ନୁହେଁ, ଏହି ଫଣ୍ଡାରେ ଜଣଙ୍କ ପରେ ଜମେ ଯୁବତୀଙ୍କୁ ଲୁଟି ଚାଲିଥିଲା । ଶେଷରେ ଏମିତି ଫୋର ଟ୍ୱଣ୍ଟି ପ୍ରେମିକ ପୋଲିସ ହାବୁଡରେ ପଡିଛି ।
ଲଭ୍‌, ସେକ୍ସ ଆଉ ତା’ପରେ ଲୁଟ୍। ଜଣେ ନୁହେଁ କି ଦୁଇଜଣ ନୁହେଁ, ଏକାଧିକ ମହିଳା ଓ ଯୁବତୀଙ୍କୁ ଧୋକା ଦେଉଥିବା ପ୍ରମୀକକୁ ଶେଷରେ ଭୁବନେଶ୍ୱର କମିଶନରେଟ୍‌ ପୁଲିସ ଗିରଫ କରିଛି।
ଅଭିଯୁକ୍ତ ପ୍ରିୟରଞ୍ଜନ ନାୟକର ଘର କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ଅଞ୍ଚଳରେ। ସେ ନିଜକୁ କେତେବେଳେ ଡାକ୍ତର ତ ଆଉ କେତେବେଳେ ଓଏଏସ୍‌ ଅଫିସର ଓ ସରକାରୀ କର୍ମଚାରୀ କହି ଧନୀ ଘରର ଝିଅ ଏବଂ ମହିଳାଙ୍କୁ ଫସାଉଥିଲା। ପରେ ସେମାନଙ୍କୁ ନିଜ ପ୍ରେମ ଜାଲରେ ଫସାଇ ଶାରୀରିକ ସମ୍ପର୍କ ରଖି ସେମାନଙ୍କ ଟଙ୍କାରେ ଅୟସ୍ କରୁଥିଲା। ଏନେଇ ଜଣାପଡ଼ିବା ପରେ ଶେଷରେ ଥାନାର ଦ୍ୱାରସ୍ଥ ହୋଇଥିଲେ ପୀଡ଼ିତା। ତିନିଜଣ ମହିଳା ଏକ ସ୍ୱେଚ୍ଛାସେବୀ ଅନୁଷ୍ଠାନ ସହାୟତାରେ ମହିଳା ଥାନାରେ ଅଭିଯୋଗ କରିବା ପରେ ପୁଲିସ ଅଭିଯୁକ୍ତକୁ ଗିରଫ କରି ତଦନ୍ତ ଚଳାଇଛି।
ପୁଲିସର ସୂଚନା ଅନୁସାରେ, ଅଭିଯୁକ୍ତଙ୍କ ପାଖକୁ ଏକାଧିକ ଝିଅଙ୍କ ଫୋନ୍‌ କଲ ଆସୁଥିଲା। ଦିନେ ସେ ଜଣେ ପ୍ରେମିକାଙ୍କ ଘରେ ଫୋନ୍‌ ଛାଡ଼ି ବାହାରକୁ ଯାଇଥିବା ବେଳେ ଅନ୍ୟ ଜଣେ ପ୍ରେମିକା ଫୋନ୍‌ କରିଥିଲେ। ଏହି ସମୟରେ ସମ୍ପୃକ୍ତ ପ୍ରେମିକା ତାଙ୍କ ସହ କଥା ହୋଇଥିଲେ ଏବଂ କିଭଳି ପ୍ରେମିକ ବାବୁ ତାଙ୍କୁ ଧୋକା ଦେଇଥିଲା, ସେକଥା ଫୋନରେ ଜଣାଇଥିଲେ। ଯାହା ଧୋକାବାଜ୍ ପ୍ରେମିକର ପୁରା ଚାଲକୁ ପଦାରେ ପକାଇ ଦେଇଥିଲା।
ସେପଟେ ଅଭିଯୋଗକୁ ପ୍ରେମିକ ପ୍ରିୟ ରଂଜନ ଖଣ୍ଡନ କରିଛନ୍ତି। ତାଙ୍କୁ ଫସାଇ ଦିଆଯାଇଥିବା ସେ କହିଛନ୍ତି।