କୋଟା ରାଣୀ ଦୀପିକା

ମୁମ୍ବାଇ: ଦୀପିକା ପାଦୁକୋନ୍ ବିବାହ ପର କିଛିଦିନ ପାଇଁ ବଲିଉଡ ଜଗତରୁ ଟିକେ ଦୂରେଇ ଯାଇଥିଲେ । ତେବେ ପୁଣିଥରେ ସେ ବଡ଼ ପରଦାକୁ ଫେରିଛନ୍ତି । ଏବେ ତାଙ୍କ ହାତରେ ରହିଛି ବହୁ ଫିଲ୍ମ ପ୍ରୋଜେକ୍ଟ । ବିବାହ ପରେ ପରେ ସେ “ଛପାକ” ଏବଂ “୮୩”ର ସୁଟିଂରେ ବ୍ୟସ୍ତ ଅଛନ୍ତି । ତେବେ ଏହାପରେ କିଛିଦିନ ପୂର୍ବରୁ ଦୀପିକା ଏକ ଇଂଟରଭ୍ୟୁରେ କହିଥିଲେ ଯେ, ଫିଲ୍ମ “ମହାଭାରତ”ରେ ସେ ଦ୍ୱୈପଦୀ ଭୂମିକାରେ ନଜର ଆସିବେ । ଏହା ବ୍ୟତୀତ ଶକୁନ୍ ବତ୍ରାଙ୍କ ଆଗାମୀ ପ୍ରୋଜେକ୍ଟରେ ମଧ୍ୟ ଦୀପିକା କାମ କରିବେ ବୋଲି ଜଣାପଡିଛି । ଯେଉଁଥିରେ ତାଙ୍କ ଅପୋଜିଟରେ ରଣବୀର କପୁର ଦେଖାଦେବେ ବୋଲି ଶୁଣିବାକୁ ମିଳିଛି । ଏହା ବ୍ୟତୀତ ତାଙ୍କର ସବୁଠାରୁ ଭଲ ସାଙ୍ଗ ମଧୁ ମେଂଟେନାଙ୍କ ଆଗାମୀ ପ୍ରୋଜେକ୍ଟରେ କାମ କରିବେ ବୋଲି ଜଣାପଡିଛି ।

ମଧୁ କିଛିଦିନ ପୂର୍ବରୁ “କୋଟା ରାଣୀ” ଫିଲ୍ମ କରିବାକୁ ଯାଉଥିବା ନେଇ ଘୋଷଣା କରିଛନ୍ତି । ଯାହା କାଶ୍ମୀରର ଶେଷ ହିନ୍ଦୁ ରାଣୀଙ୍କ ଜୀବନ କାହାଣୀ ଉପରେ । ତେବେ ଏହି ଫିଲ୍ମରେ କୋଟା ରାଣୀ ଭୂମିକାରେ ଦୀପିକା ଦେଖାଦେବେ ବୋଲି ଶୁଣିବାକୁ ମିଳିଛି ।