କେନ୍ଦ୍ର ସରକାରଙ୍କ ନିଷ୍ପତ୍ତି : ୨୦୧୯ରୁ ବର୍ଷକୁ ଦୁଇଥର ହେବ JEE- ମେନ୍ ଏବଂ NEET ପରୀକ୍ଷା , NTA କରିବ ପରୀକ୍ଷା ପରିଚାଳନା
ଭୁବନେଶ୍ବର : ଏଣିକି ବର୍ଷକୁ ଦୁଇଥର ଜାତୀୟ ସ୍ତରୀୟ ଇଂଜିନିୟରିଂ ଏବଂ ଡାକ୍ତରୀ ପ୍ରବେଶିକା । ୨୦୧୯ରୁ ବର୍ଷକୁ ଦୁଇଥର ହେବ JEE- ମେନ୍ ଏବଂ NEET ପରୀକ୍ଷା ।ଶିକ୍ଷାମନ୍ତ୍ରୀ ପ୍ରକାଶ ଜାଭେଡକର ଏହି ଘୋଷଣା କରିଛନ୍ତି । ନୂଆଦିଲ୍ଲୀରେ ଏକ ସମ୍ବାଦିକ ସମ୍ମିଳନୀରେ ଏହି ଘୋଷଣା କେନ୍ଦ୍ର ଶିକ୍ଷା ମନ୍ତ୍ରୀ କହିଛନ୍ତି, ଯୁଗଦ୍ମ ପ୍ରବେଶିକା ପରୀକ୍ଷା- ମେନ୍ ଏବଂ ନ୍ୟାସନାଲ ଅଲିଜିବିଲିଟି କମ୍ ଏଣ୍ଟ୍ରାନ୍ସ ଏକଜାମିନେସନ ଆସନ୍ତାବର୍ଷରୁ ପ୍ରତିବର୍ଷ ଦୁଇଥର ହେବ । ଅନଲାଇନ୍ ମୋଡ୍ ରେ ପରୀକ୍ଷା ହେବ । ନୂତନଭାବେ ପରୀକ୍ଷା ପରିଚାଳନା ଲାଗି ଗଠିତ ଏଜେନ୍ସୀ ନ୍ୟାସନାଲ ଟେଷ୍ଟିଙ୍ଗ୍ ଏଜେନ୍ସି ଏହି ପ୍ରବେଶିକା ପରୀକ୍ଷା ପରିଚାଳନା କରିବେ । ଦୁଇ ପ୍ରବେଶିକା ଭିନ୍ନ ଭିନ୍ନ ତାରିଖରେ ହେବ । ଜେଇଇ ମେନ୍ ଜାନୁଆରୀ ଏବଂ ଏପ୍ରିଲ୍ ରେ ହେବ । ସେହିପରି NEET ବର୍ଷକୁ ଦୁଇଥର ଫେବୃଆରୀ ଏବଂ ମେଁ ମାସରେ ହେବ । ତେବେ ବର୍ତ୍ତମାନ ଏହି ଆଜି ପର୍ଯ୍ୟନ୍ତ ନୋଡାଲ ଏଜେନ୍ସି ଭାବେ ସିବିଏସ୍ ଇ ଏହି ଦୁଇ ପ୍ରବେଶିକା ପରିଚାଳନମା କରିଆସୁଥିଲା । ନବଗଠିତ ନ୍ୟାସନାଲ ଟେଷ୍ଟଟିଙ୍ଗ ଏଜେନ୍ସି NTA ଆସନ୍ତା ବର୍ଷରୁ JEE ମେନ୍ ଏବଂ NEET ପରୀକ୍ଷା ବ୍ୟତିତ UGC NET ଏବଂ CMAT ପରୀକ୍ଷା ମଧ୍ୟ ପରିଚାଳନା କରିବେ ।