ମୁମ୍ବାଇ: ଘୋଷଣା ହେଲା ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ୨୦୨୦ ର ସମ୍ପୂର୍ଣ୍ଣ କାର୍ଯ୍ୟସୂଚୀ । ଆଇପିଏଲର ୧୩ ତମ ସିଜନ ୧୯ ସେପ୍ଟେମ୍ବରରୁ ଆବୁଧାବିରେ ଆରମ୍ଭ ହେବ । ଉଦ୍ଘାଟନୀ ମ୍ୟାଚ୍ ଗତ ଥର ଚାମ୍ପିଅନ୍ ମୁମ୍ବାଇ ଇଣ୍ଡିଆନ୍ସ ଏବଂ ରନର୍ସ ଅପ୍ ଚେନ୍ନାଇ ସୁପର କିଙ୍ଗ୍ସ (ସିଏସକେ) ବିପକ୍ଷରେ ହେବ।
ଏହା ପରେ, ୨୦ ସେପ୍ଟେମ୍ବର ରବିବାର ଦିନ, ଦୁବାଇରେ ଦିଲ୍ଲୀ କ୍ୟାପିଟାଲସ ଏବଂ କିଙ୍ଗସ ଇଲେଭେନ ପଞ୍ଜାବ ମଧ୍ୟରେ ଏକ ମ୍ୟାଚ୍ ହେବ ।ସୋମବାର, ୨୧ ସେପ୍ଟେମ୍ବରରେ, ଦୁବାଇରେ ସନରାଇଜର୍ସ ହାଇଦ୍ରାବାଦ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମୁକାବିଲା ହେବ । ୨୨ ସେପ୍ଟେମ୍ବର ମଙ୍ଗଳବାର ଦିନ ରାଜସ୍ଥାନ ରୟାଲ୍ସ ଏବଂ ଚେନ୍ନାଇ ସୁପର କିଙ୍ଗ୍ସ ଶାରଜାହଠାରେ ମୁହାଁମୁହିଁ ହେବେ।
ଆଇପିଏଲର ସର୍ବାଧିକ ୨୪ ଟି ମ୍ୟାଚ୍ ଦୁବାଇରେ ଖେଳାଯିବ । ଆବୁଧାବିରେ ୨୦ ଟି ଏବଂ ଶାରଜାହରେ ୧୨ ଟି ମ୍ୟାଚ୍ ଖେଳାଯିବ। ତେବେ ପ୍ଲେ ଅଫ୍ ଏବଂ ଫାଇନାଲ୍ ମ୍ୟାଚ୍ ପାଇଁ ସ୍ଥାନଗୁଡିକର ନାମ ପରେ ଘୋଷଣା କରାଯିବ ବୋଲି ଆଇପିଏଲ୍ ପରିଚାଳନା ପରିଷଦ କହିଛି।