ବଡ଼ ସଂକଟରେ ଭାରତ, ୫ ରନରେ ହରାଇଲା ୩ ଓ୍ଵିକେଟ

ମାଞ୍ଚେଷ୍ଟର : ଗତ କାଲି ବର୍ଷା ଯୋଗୁଁ ଅସଂପୂର୍ଣ୍ଣ  ରହିଥିବା  ଭାରତ-ନ୍ୟୁଜିଲାଣ୍ଡ ସେମିଫାଇନାଲ ମ୍ୟାଚ ଆଜି ଆରମ୍ଭ ହୋଇଛି । ଅବଶିଷ୍ଠ ଓଭର ଖେଳି ନ୍ୟୁଜିଲାଣ୍ଡ ଭାରତ ଆଗରେ  ୨୪୦  ରନର ଲକ୍ଷ୍ୟ ଧାର୍ଯ୍ୟ କରିଛି । କିନ୍ତୁ ଏହାର...

ମାଞ୍ଚେଷ୍ଟର : ଗତ କାଲି ବର୍ଷା ଯୋଗୁଁ ଅସଂପୂର୍ଣ୍ଣ  ରହିଥିବା  ଭାରତ-ନ୍ୟୁଜିଲାଣ୍ଡ ସେମିଫାଇନାଲ ମ୍ୟାଚ ଆଜି ଆରମ୍ଭ ହୋଇଛି । ଅବଶିଷ୍ଠ ଓଭର ଖେଳି ନ୍ୟୁଜିଲାଣ୍ଡ ଭାରତ ଆଗରେ  ୨୪୦  ରନର ଲକ୍ଷ୍ୟ ଧାର୍ଯ୍ୟ କରିଛି । କିନ୍ତୁ ଏହାର ଜବାବରେ ବ୍ୟାଟିଂ କରୁଥିବା ଭାରତ ମୂଳରୁ ହିଁ ସଂକଟରେ ପଡିଯାଇଛି । ଭାରତ ମାତ୍ର ୫ ରନରେ ୩ଟି ଓ୍ଵିକେଟ ହରାଇଛି ।  ଭାରତ ପକ୍ଷରୁ ରୋହିତ ଶର୍ମା ଓ କେଏଲ ରାହୁଲ ଇଂନିସ ଆରମ୍ଭ କରିଥିବାବେଳେ ରୋହିତ ମାତ୍ର ୧ ରନରେ ଆଉଟ ହୋଇଛନ୍ତି ।  ତାଙ୍କ ପରେ ଆସିଥିବା ଅଧିନାୟକ ବିରାଟ କୋହଲି ମଧ୍ୟ ୧ ରନରେ ଆଉଟ ହୋଇଛନ୍ତି । ଅନ୍ୟତମ ଓପନର କେଏଲ ରାହୁଲ ମଧ୍ୟ ୧ ରନରେ ଆଉଟ ହୋଇଛନ୍ତି ।

ଏହା ପୂର୍ବରୁ କିଓ୍ଵି ଦଳ ୫୦ ଓଭରରେ ୮ ଓ୍ଵିକେଟରେ ୨୩୯ ରନ କରିଥିଲା । ଦଳ ପକ୍ଷରୁ ରସ ଟେଲର ସର୍ବାଧିକ ୭୪ ଓ ଓ୍ଵିଲିୟମସନ ୬୭ରନ ସଂଗ୍ରହ କରିଥିଲେ । ଭାରତପକ୍ଷରୁ ଭୁବନେଶ୍ୱର କୁମାର ୩ଟି ଓ ବୁମରା,ପାଣ୍ଡ୍ୟା,ଚହଳ ଓ ଜେଦାଜା ୧ଟି ଲେଖାଏଁ ଓ୍ଵିକେଟ ନେଇଥିଲେ ।  ଗତ କାଲି ୪୬.୧ ଓଭରରେ ବର୍ଷା ଯୋଗୁଁ ଖେଳ ଅଟକିବା ବେଳକୁ ନ୍ୟୁଜିଲାଣ୍ଡ  ୫ ଓ୍ଵିକେଟ ହରାଇ ୨୧୧ ରନ ସଂଗ୍ରହ କରିଥିଲା । ଆଜି ନ୍ୟୁଜିଲାଣ୍ଡ ସେହି ୪୬.୧ ଓଭରରୁ ନିଜର ବ୍ୟାଟିଂ ଆରମ୍ଭ କରିଥିଲା । ଭାରତ ପକ୍ଷରୁ ବୁମରା ନିଜର ଅଂସପୂର୍ଣ୍ଣ ଓଭରରୁ ବୋଲି ଆରମ୍ଭ କରିଥିଲେ । ଆଜି ଖେଳ ଆରମ୍ଭ ହେଉ ହେଉ ଭାରତକୁ ସଫଳତା ମିଳିଥିଲା । ୭୪ ରନରେ ଖେଳୁଥିବା ନ୍ୟୁଜିଲାଣ୍ଡର ଅଭିଜ୍ଞ ଖେଳାଳି ରସ ଟେଲରଙ୍କୁ ରବିନ୍ଦ୍ର ଜାଦେଜା ଚମତ୍କାର ଫିଲଡିଂ କରି ରନ ଆଉଟ କରିଥିଲେ । ସେହିପରି ୪୮.୧ ଓଭରରେ ଭୁବନେଶ୍ୱଲ କୁମାରଙ୍କ ବଲରେ ରବିନ୍ଦ୍ର ଜାଦେଜା ବାଉଣ୍ଡରୀରେ ଚମତ୍କାର କ୍ୟାଚ ଧରି ଟମ ଲିଥମଙ୍କୁ ଆଉଟ କରିଥିଲେ । ଗତ କାଲି ନ୍ୟୁଜିଲାଣ୍ଡ ଦଳ ଟସ ଜିଣି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ।

Spread the love
Categories
ସ୍ପୋର୍ଟସ

RELATED BY

  • ଇଣ୍ଡୋନେସିଆ ଓପନ୍: ସିନ୍ଧୁଙ୍କୁ ସିଲଭର

    ଜାକର୍ତ୍ତା: ଭାରତର ଟପ୍ ଶଟଲର୍ ପିଭି ସିନ୍ଧୁ ଚଳିତ ଇଣ୍ଡୋନେସିଆ ଓପନ୍ ବ୍ୟାଡମିଣ୍ଟନ୍ ଟୁର୍ଣ୍ଣାମେଣ୍ଟର ଫାଇନାଲରେ ହାରିଯାଇଛନ୍ତି। ରବିବାର ଖେଳାଯାଇଥିବା ଟାଇଟଲ୍ ଲଢ଼େଇରେ ସିନ୍ଧୁ ଜାପାନର ଆକାନେ ୟାମାଗୁଚିଙ୍କ ନିକଟରୁ ୧୫-୨୧, ୧୬-୨୧ ଗେମରେ ହାରି ରନର୍ସଅପ୍ ହୋଇଛନ୍ତି। ଏହି...
  • ୱେଷ୍ଟଇଣ୍ଡିଜ୍ ଗସ୍ତ ପାଇଁ ଭାରତୀୟ ଟିମ୍ ଘୋଷଣା

    ନୂଆଦିଲ୍ଲୀ: ୱେଷ୍ଟଇଣ୍ଡିଜ୍ ଗସ୍ତ ପାଇଁ ଆଜି ଭାରତୀୟ ଟିମ୍‌ ଘୋଷଣା କରାଯାଇଛି। ୨ଟି ଟେଷ୍ଟ, ୩ଟି ଦିନିଆ ଓ ୩ଟି ଟି-ଟ୍ୱେଣ୍ଟି ମ୍ୟାଚ୍‌ ପାଇଁ ଟିମ୍ ଘୋଷଣା କରାଯାଇଛି। ତିନୋଟି ଯାକ ଫର୍ମାଟ୍‌ରେ ବିରାଟ କୋହଲିଙ୍କୁ ଅଧିନାୟକ ଦାୟିତ୍ୱ ଦିଆଯାଇଛି।...
  • ୨ ମାସ କ୍ରିକେଟ ଖେଳିବେନି ଧୋନୀ

    ନୂଆଦିଲ୍ଲୀ: ଭାରତୀୟ ଟିମର ୱିକେଟକିପର ତଥା ଅନୁଭବୀ ବ୍ୟାଟସମ୍ୟାନ ମହେନ୍ଦ୍ର ସିଂ ଧୋନୀ ନିଜର ସନ୍ନ୍ୟାସ ଏବଂ ୱେଷ୍ଟଇଣ୍ଡିଜ ଗସ୍ତକୁ ନେଇ ହେଉଥିବା ବିଭିନ୍ନ ଆଲୋଚନା ଉପରେ ବିରାମ ଲଗାଇଛନ୍ତି । ୩୮ ବର୍ଷିୟ ଧୋନୀ ବିସିସିଆଇକୁ ଆସନ୍ତା ୨ମାସ...
  • ସଚିନ୍‌ଙ୍କୁ ଆଉ ଏକ ସମ୍ମାନ

    ନୂଆଦିଲ୍ଲୀ: ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଆଉ ଏକ ସମ୍ମାନରେ ଅଧିକାରୀ ହୋଇଛନ୍ତି। ‘କ୍ରିକେଟର ଭଗବାନ’ କୁହାଯାଉଥିବା ଏହି ପୂର୍ବତନ କ୍ରିକେଟ ଖେଳାଳି ଏବଂ ଦକ୍ଷିଣ ଆଫ୍ରିକାର ପୂର୍ବତନ ବୋଲର ଆଲନ ଡୋନାଲ୍ଡ ଆଇସିସିର ‘ହଲ୍‌ ଅଫ୍ ଫେମ୍‌’ରେ ସ୍ଥାନ...