ସ୍ୱାଧୀନତା ଦିବସ ଉପଲକ୍ଷେ ୟୁନିଟ୍ -୮ ଡିଏଭି ସ୍କୁଲର ଛାତ୍ରଛାତ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ

ଭୁବନେଶ୍ୱର: ଆସନ୍ତାକାଲି ସାରା ଦେଶ ପାଳିବ ୭୩ତମ ସ୍ୱାଧୀନତା ଦିବସ । ତେବେ ସ୍ୱାଧୀନତା ଦିବସର ଅବ୍ୟବହିତ ପୂର୍ବରୁ ୟୁନିଟ୍ -୮ ଡିଏଭି ସ୍କୁଲର ୨ୟ ଶ୍ରେଣୀର ଛାତ୍ରଛାତ୍ରୀମାନେ ସ୍ୱାଧୀନତା ସଂଗ୍ରାମୀଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି । ମହାତ୍ମା ଗାନ୍ଧି, ଭଗତ ସିଂ, ସୁଭାଷ ଚନ୍ଦ୍ର ବୋଷ ଓ ଚନ୍ଦ୍ରଶେଖର ଆଜାଦଙ୍କ ପରି କ୍ରାନ୍ତିକାରୀଙ୍କୁ ମନେ ପକାଇବା ସହ ସେମାନଙ୍କ ଜୀବନରୁ ପ୍ରେରଣା ନେଇ ଆଗକୁ ବଢ଼ିବା ନେଇ ମଧ୍ୟ ଆଲୋଚନା ହୋଇଛି । ଶେଷରେ ଛାତ୍ରଛାତ୍ରୀଙ୍କ ଦ୍ୱାରା ଦେଶପ୍ରେମବୋଧକ ନୃତ୍ୟ ପ୍ରଦର୍ଶିତ ହୋଇଥିଲା ।