ଆଇଆଇସିଙ୍କୁ କରୋନା

ଆଠଗଡ଼: କରୋନା ପଜିଟିଭ ଚିହ୍ନଟ ହେଲେ ଥାନା ଅଧିକାରୀ । କଣ୍ଟେନମେଣ୍ଟ ଜୋନ ଘୋଷଣା ହେଲା ଥାନା ପରିସର । ମିଳିଥିବା ସୂଚନା ଅନୁସାରେ,କରୋନା ପଜିଟିଭ ଚିହ୍ନଟ ହେଲେ ବଡ଼ମ୍ବା ଥାନା ଆଇଆଇସି । ଏହାପରେ ଥାନା ପରିସରକୁ କଣ୍ଟେନମେଣ୍ଟ୍ ଜୋନ୍ ଘୋଷଣା କରାଯାଇଛି।ଥାନା ଆଇଆଇସି ପଜିଟିଭ ଚିହ୍ନଟ ହେବା ପରେ ଥାନାର ଆଉ ୨୨ ଜଣ କର୍ମଚାରୀ ଏବଂ ଥାନା ଗାଡ଼ି ଚାଳକଙ୍କର ସ୍ୱାବ୍ ଟେଷ୍ଟ୍ କରାଯିବ। ଗୁରୁଡ଼ିଝାଟିଆ ଓ ଖୁଣ୍ଟୁଣି ଥାନା କର୍ମଚାରୀଙ୍କର ମଧ୍ୟ ନମୂନା ପରୀକ୍ଷା ହେବ ବୋଲି ସୂଚନା ଦେଇଛନ୍ତି ଚୌଦ୍ୱାର୍ ଏସଡିପିଓ ପ୍ରଶାନ୍ତ ମଲ୍ଲ।