ଗୁଗୁଲ୍ ସିଇଓଙ୍କ ଭବିଷ୍ୟବାଣୀ, ଭାରତ ସହ ଫାଇନାଲ୍ ଖେଳିବ ଏହି ଟିମ୍

ନୂଆଦିଲ୍ଲୀ: ବିଶ୍ୱକପର ଦ୍ୱାଦଶ ସଂସ୍କରଣ ତା’ର ନିର୍ଦ୍ଧାରିତ କାର୍ଯ୍ୟକ୍ରମ ଅନୁଯାୟୀ ଆଗକୁ ବଢ଼ିବାରେ ଲାଗିଛି। କିଛି ଟିମ୍ ମ୍ୟାଚ୍ ଜିତୁଛନ୍ତି ଏବଂ ହାରୁଛନ୍ତି। ଏହାସହ କେଉଁ ଟିମ୍ ଏଥର ବିଶ୍ୱକପ୍ ଫାଇନାଲ୍ ଖେଳିବ, ତାହାର ମଧ୍ୟ ଆକଳନ କରାଯାଉଛି। ଏହି...

ନୂଆଦିଲ୍ଲୀ: ବିଶ୍ୱକପର ଦ୍ୱାଦଶ ସଂସ୍କରଣ ତା’ର ନିର୍ଦ୍ଧାରିତ କାର୍ଯ୍ୟକ୍ରମ ଅନୁଯାୟୀ ଆଗକୁ ବଢ଼ିବାରେ ଲାଗିଛି। କିଛି ଟିମ୍ ମ୍ୟାଚ୍ ଜିତୁଛନ୍ତି ଏବଂ ହାରୁଛନ୍ତି। ଏହାସହ କେଉଁ ଟିମ୍ ଏଥର ବିଶ୍ୱକପ୍ ଫାଇନାଲ୍ ଖେଳିବ, ତାହାର ମଧ୍ୟ ଆକଳନ କରାଯାଉଛି। ଏହି ପ୍ରଶ୍ନକୁ ନେଇ ଅନେକ ପୂର୍ବତନ କ୍ରିକେଟର ଓ ବିଶେଷଜ୍ଞ ନିଜ ନିଜର ମତ ଦେଇ ସାରିଛନ୍ତି।

ତେବେ ଏହି ପ୍ରଶ୍ନକୁ ନେଇ ଆଉ ଜଣେ ବ୍ୟକ୍ତି ମଧ୍ୟ ନିଜର ମତ ଦେଇଛନ୍ତି। ଏଥର ଅନୁମାନ କରିଥିବା ବ୍ୟକ୍ତି ଜଣକ କୌଣସି ପୂର୍ବତନ କ୍ରିକେଟର୍ କିମ୍ବା କୌଣସି ବିଶେଷଜ୍ଞ ନୁହଁନ୍ତି । ସେ ହେଉଛନ୍ତି ଗୁଗୁଲ୍ର ଭାରତୀୟ ବଂଶୋଦ୍ଭାବ ସିଇଓ ସୁନ୍ଦର ପିଚାଇ। ପିଚାଇ ଭବିଷ୍ୟବାଣୀ କରିଛନ୍ତି ଯେ, ଆଇସିସି ବିଶ୍ୱକପ୍ ଫାଇନାଲ୍ ମ୍ୟାଚ୍ ଭାରତ ଓ ଇଂଲଣ୍ଡ ମଧ୍ୟରେ ଖେଳାଯିବ। ତେବେ ପିଚାଇ ଚାହାନ୍ତି, ବିରାଟ କୋହଲିଙ୍କ ନେତୃତ୍ୱାଧୀନ ଟିମ୍ ଇଣ୍ଡିଆ ଭଲ ପ୍ରଦର୍ଶନ କରି ଟାଇଟଲ୍ ଜିତୁ।

ନିଜକୁ ଜଣେ କ୍ରିକେଟ୍ ପ୍ରଶଂସକ କହିଆସୁଥିବା ୪୬ ବର୍ଷୀୟ ପିଚାଇ କହିଛନ୍ତି, ଯେତେବେଳେ ମୁଁ ଆମେରିକା ଆସିଲି, ମୋତେ ବେସବଲ୍ ଟିକେ ଚ୍ୟାଲେଞ୍ଜିଂ ଲାଗିଥିଲା। ପିଚାଇ ୟୁଏସଆଇବିସିର ‘ଇଣ୍ଡିଆ ଆଇଡିଆଜ୍ ସମିଟ’ରେ କହିଛନ୍ତି, ଚଳିତ ବିଶ୍ୱକପ୍ ଫାଇନାଲ୍ ଭାରତ ଓ ଇଂଲଣ୍ଡ ମଧ୍ୟରେ ହେବା ଦରକାର। କିନ୍ତୁ ନ୍ୟୁଜିଲ୍ୟାଣ୍ଡ୍ ଓ ଅଷ୍ଟ୍ରେଲିଆ ଟିମ୍ ମଧ୍ୟ ଭଲ ପ୍ରଦର୍ଶନ କରୁଛନ୍ତି। କିନ୍ତୁ ମୋ ମତରେ ଭାରତ ନିଶ୍ଚିତ ଫାଇନାଲ୍ ଯିବ।’

ଏହାଛଡ଼ା ପିଚାଇ ଆମେରିକାରେ କ୍ରିକେଟ୍ ଓ ବେସବଲ ସହ ନିଜର ଅନୁଭୂତି ବାଣ୍ଟିଛନ୍ତି। ସେ କହିଛନ୍ତି, ମୁଁ ଏଠାରେ ବେସବଲ ଖେଳିବା ଆରମ୍ଭ କରିଥିଲି। ପ୍ରଥମ ମ୍ୟାଚରେ ମୁଁ ବଲକୁ ପଛକୁ ହିଟ୍ କରିଥିଲି। କ୍ରିକେଟରେ ଏହାକୁ ଏକ ଭଲ ଶଟ୍ କୁହାଯିବ, କିନ୍ତୁ ଲୋକେ ଏହି ଶଟକୁ ସେତେଟା ପ୍ରଶଂସା କରନ୍ତି ନାହିଁ।

କ୍ରିକେଟରେ ରନ୍ ନେବା ପାଇଁ ବ୍ୟାଟ୍ ହାତରେ ଧରିବାକୁ ପଡ଼ିଥାଏ। ମୁଁ ମଧ୍ୟ ବେସବଲରେ ନିଜ ବ୍ୟାଟ୍ ହାତରେ ଧରି ଦୌଡ଼ିଥିଲି। ଏଥିପାଇଁ ମୁଁ ଭାବୁଛି ଯେ, ବେସବଲ ଟିକେ ଚ୍ୟାଲେଞ୍ଜିଂ। କିନ୍ତୁ କ୍ରିକେଟ୍ ପ୍ରତି ମୋର ଭଲ ପାଇବା କାଏମ ରହିବ। ୱାର୍ଲ୍ଡ କପରେ ମୁଁ ଭାରତର ଭଲ ପ୍ରଦର୍ଶନ ପାଇଁ ଆଶାବାଦୀ ଅଛି।

Spread the love
Categories
ସ୍ପୋର୍ଟସ

RELATED BY

  • ପାକିସ୍ତାନକୁ ୮୯ ରନରେ ହରାଇଲା ଭାରତ

    ମଂଚେଷ୍ଟର: କ୍ରିକେଟ ବିଶ୍ୱକପର  ବହୁ ପ୍ରତୀକ୍ଷିତ ଭାରତ-ପାକିସ୍ତାନ ମହାମୁକାବିଲାରେ ଭାରତ ପାକିସ୍ତାନକୁ ୮୯ ରନରେ  ପରାଜିତ କରିଛି। ଭାରତୀୟ ବୋଲରଙ୍କ ଆକ୍ରମଣରେ ପାକିସ୍ତାନର ବ୍ୟାଟସମ୍ୟାନ ମାନେ କ୍ରିଜରେ ତିଷ୍ଠି ରହି ପାରି ନଥିଲେ। ଭାରତ ପ୍ରଥମେ ବ୍ୟାଟିଂ କରି ୫୦...
  • ପୁଣି ଭାରତ-ପାକିସ୍ତାନ ମ୍ୟାଚର ବାଧକ ସାଜିଲା ବର୍ଷା

    ମଂଚେଷ୍ଟର: ବର୍ଷା ଯୋଗୁଁ ପୁଣି ଥରେ ଭାରତ-ପାକିସ୍ତାନ ମ୍ୟାଚ ଅଟକିଯାଇଛି। ଆଇସିସି ବିଶ୍ୱକପ୍‌ର ୨୨ ତମ ମ୍ୟାଚ୍‌ ମଂଚେଷ୍ଟରସ୍ଥିତ ଓଲଡ୍‌ ଟ୍ରଫେଡ ଷ୍ଟାଡିୟମ୍‌ରେ ଜାରି ଥିବା ବେଳେ ବାରମ୍ବାର ବର୍ଷା ଦାଉ ସାଜୁଛି। ରିପୋର୍ଟ ଲେଖାଯିବା ବେଳକୁ ପାକିସ୍ତାନ ୩୫...
  • ବର୍ଷା ଯୋଗୁ ଅଟକିଲା ମ୍ୟାଚ୍‍

    ମାଞ୍ଚେଷ୍ଟର: ଭାରତ ଓ ପାକିସ୍ତାନ ମଧ୍ୟରେ ଏଠାରେ ଖେଳାଯାଉଥିବା ବିଶ୍ୱକପ୍ ମ୍ୟାଚ୍ ବର୍ଷା ବାଧାପ୍ରାପ୍ତ ହୋଇଛି। ବର୍ଷା ସୁଦ୍ଧା ଭାରତ ୪୬.୪ ଓଭରରେ ୪ ୱିକେଟ୍ ହରାଇ ୩୦୪ ରନ୍ କରି ବଡ଼ ସ୍କୋର ଅଭିମୁଖେ ଅଗ୍ରସର ହୋଇଛି। ଏହି ସମୟରେ କ୍ୟାପଟେନ୍ ବିରାଟ୍...
  • ରୋହିତ୍ ମାରିଲେ ୨୪ତମ ଶତକ

    ମାଞ୍ଚେଷ୍ଟର: ଚଳିତ ବିଶ୍ୱକପରେ ରୋହିତ୍ ଶର୍ମାଙ୍କ ବ୍ୟାଟ୍ ଖୁବ୍ ଚାଲିଛି। ଆଜି ପାକିସ୍ତାନ ବିପକ୍ଷ ମ୍ୟାଚରେ ସେ ଆଉ ଏକ ଦମଦାର ଇନିଂସ୍ ଖେଳି ଶତକ ହାସଲ କରିଛନ୍ତି। ଚଳିତ ବିଶ୍ୱକପରେ ରୋହିତଙ୍କ ଏହା ଦ୍ୱିତୀୟ ଶତକ । ସେ...