ନୂଆଦିଲ୍ଲୀ: ଗତ ସପ୍ତାହରେ ସୁନାଦର କମିଥିବାବେଳେ ଚଳିତ ସପ୍ତାହରେ ସୁନା ଦର ବଢ଼ିବାରେ ଲାଗିଛି । ତେବେ ଆଜି ମଧ୍ୟ ସୁନା ଦର ବଢ଼ିଛି ।
ନୂଆଦିଲ୍ଲୀରେ ମଙ୍ଗଳବାରଦିନ ସୁନାଦର ୧୦ ଗ୍ରାମ ପିଛା ୫୪ ଟଙ୍କା ବୃଦ୍ଧି ପାଇ ୪୦,୮୦୭ ଟଙ୍କାରେ ପହଂଚିଛି । ସୋମବାରଦିନ ମଧ୍ୟ ସୁନାଦର ୪୦,୭୫୩ ଟଙ୍କାକୁ ବୃଦ୍ଧି ପାଇଥିଲା । ତେବେ ରୁପାଦର ଆଜି ହ୍ରାସ ପାଇଛି । ରୁପା କିଲୋଗ୍ରାମ ପିଛା ୫୬ ଟଙ୍କା ହ୍ରାସ ପାଇ ୪୭,୮୦୪ ଟଙ୍କାରେ ପହଂଚିଛି । ଗତକାଲି ଏହା ୪୭,୮୬୦ ଟଙ୍କାରେ ବନ୍ଦ ହୋଇଥିଲା । ମଙ୍ଗଳବାରଦିନ ଆମେରିକୀୟ ଡଲାର ତୁଳନାରେ ଭାରତୀୟ ଟଙ୍କା ୬ ପଇସା ହ୍ରାସ ପାଇ ୭୧.୧୭ରେ ପହଂଚିଛି ।