ପ୍ରେମିକାକୁ ବୁଲେଇବାକୁ ସାଙ୍ଗକୁ କାର ମାଗିଲା ସାଙ୍ଗ, ପ୍ରେମିକା ସହ ଶାରୀରିକ ସଂପର୍କ ପାଇଁ ସର୍ତ୍ତ ରଖିବାରୁ ସାଙ୍ଗକୁ ହତ୍ୟା କଲା ସାଙ୍ଗ

ମେଙ୍ଗପୁର : ଦୁହେଁ ଦୁହିଁଙ୍କର ଭଲ ସାଙ୍ଗ ଥିଲେ । ଜଣଙ୍କର କାର ଥିଲା । ଜଣେ ଅନ୍ୟ ଜଣଙ୍କୁ ନ ଦେଖିଲେ ବ୍ୟସ୍ତ ହୋଇ ପଡୁଥିଲେ । ହେଲେ ପ୍ରେମ ସେମାନଙ୍କ ସଂପର୍କ ଉଜାଡିଲା । ସାଙ୍ଗକୁ ହତ୍ୟା କଲା ସାଙ୍ଗ । ତା ପୁଣି ପ୍ରେମିକାଙ୍କ ପାଇଁ । ସାଙ୍ଗ ନିଜ ପ୍ରେମିକାକୁ ବୁଲାଇ ନେବାକୁ ନିଜ ସାଙ୍ଗର ଆଇ-୨୦ କାର ମାଗିଲା । ହେଲେ କାର ଦେବାକୁ ରାଜି ହୋଇଗଲା ସାଙ୍ଗ । କିନ୍ତୁ ବଦଳରେ ସାଙ୍ଗର ପ୍ରେମିକା ସହ ଶାରୀରିକ ସଂପର୍କ ରଖିବାକୁ ସାଙ୍ଗ ପାଖରେ ଅଜବ ସର୍ତ୍ତ ରଖିଲା । ଆଉ ଏକଥା ସାଙ୍ଗ ମନକୁ ବାଧିଥିଲା । ସେଥି ଲାଗି ବାହାନା କରି ସାଙ୍ଗକୁ ହତ୍ୟା କଲା ସାଙ୍ଗ । ବିନୋଦ ହତ୍ୟା କାଣ୍ଡର ଏମିତି କାରଣ ଖୋଜି ପାଇଛି ପୋଲିସ ।

ଟ୍ରାନ୍ସପୋର୍ଟ ଠିକାଦାର ବିନୋଦ କୁମାର ହତ୍ୟାକାଣ୍ଡର ପର୍ଦ୍ଦାଫାସ କରିଛି ପୁଲିସ। ଅଭିଯୁକ୍ତ ବିକ୍ରମ ପୁଲିସର ରିମାଣ୍ଡରେ ଆସିବା ପରେ ହତ୍ୟାକାଣ୍ଡର ରହସ୍ୟ ଉପରୁ ପରଦା ହଟାଇଛି।
ପୁଲିସର ସୂଚନା ଅନୁଯାୟୀ ବିକ୍ରମ ଓ ବିନୋଦଙ୍କ ଭଲ ପରିଚୟ ଥିଲା। ଦିନେ ବିକ୍ରମ ନିଜର ପ୍ରେମିକାକୁ ବୁଲେଇବା ଲାଗି ବିନୋଦକୁ ତା’ର କାର୍‌ ମାଗିଥିଲା। ବିନୋଦ ଗାଡିି ଦେବାକୁ ସାଙ୍ଗେ ସାଙ୍ଗେ ରାଜି ହୋଇଗଲା। ମାତ୍ର ଗୋଟିଏ ଅଜବ ସର୍ତ୍ତ ରଖିଲା। ତାହା ହେଲା କି ବିନୋଦ ବିକ୍ରମର ପ୍ରେମିକା ସହିତ ଶାରୀରିକ ସଂପର୍କ ରଖିବ। ଏକଥାକୁ ନେଇ ବିକ୍ରମ ଓ ବିନୋଦଙ୍କ ଭିତରେ ଝଗଡ଼ା ହେଲା।
ବିନୋଦ ନିଜର ଆଇ-୨୦ କାର୍‌ରେ ଯେତେବେଳେ ନିଜ ଗାଆଁ ମେଙ୍ଗପୁରରୁ ପଲବଲ ଯାଉଥିଲା,ରାସ୍ତାରେ ବିକ୍ରମକୁ ନେଇଗଲା। ବାଟରେ ସେ ଦୁହେଁ ବିଅର୍‌ କିଣି ପିଇଲେ। ରାସ୍ତାରେ କାର୍‌ ରଖି ଦୁହେଁ କଥା ହେଲେ। ସେହି ସମୟରେ ବିକ୍ରମ ବିନୋଦର ତଣ୍ଟି ଚିପି ହତ୍ୟା କରିଥିଲା। ବିକ୍ରମ ନିଜେ ଏକୁଟିଆ ହତ୍ୟାକାଣ୍ଡ ଘଟାଇଛି ବୋଲି କହୁଥିବା ବେଳେ ପୁଲିସ ଏଥିରେ ଅନ୍ୟ କେହି ସାମିଲ ଥିବାର ସନ୍ଦେହ କରୁଛି। ଏହି ପ୍ରସଙ୍ଗରେ ବିକ୍ରମର ପ୍ରେମିକାକୁ ବି ପଚରାଉଚୁରା କରିଛି ପୁଲିସ।

ଦାମି ମୋବାଇଲ ପାଇଁ ସାଙ୍ଗକୁ ପିଟି ପିଟି ମାରିଦେଲା ୧୨ ବର୍ଷର ସାଙ୍ଗ