କୋଭିଡ୍ ପ୍ରଭାବିତ ସେକ୍ଟର ପାଇଁ ୧.୧ ଲକ୍ଷ କୋଟିର ସ୍କିମ୍ ଘୋଷଣା କଲେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ

ନୂଆଦିଲ୍ଲୀ: କୋଭିଡ୍ ପ୍ରଭାବିତ ସେକ୍ଟର ପାଇଁ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ସୋମବାର ଦିନ ୧.୧ ଲକ୍ଷ କୋଟି ଟଙ୍କାର ସହାୟତା ସ୍କିମ୍ ଘୋଷଣା କରିଛନ୍ତି। କୋଭିଡ ଦ୍ୱାରା ସର୍ବାଧିକ ପ୍ରଭାବିତ ହୋଇଥିବା ସେକ୍ଟର ପାଇଁ କେନ୍ଦ୍ର ସରକାର ୮ ପଦକ୍ଷେପ ନେଉଛନ୍ତି ବୋଲି ସେ କହିଛନ୍ତି। ସ୍ୱାସ୍ଥ୍ୟସେବା କ୍ଷେତ୍ର ପାଇଁ ରିଲିଫ୍ ପ୍ୟାକେଜ୍ ଘୋଷଣଆ କରି ସେ ଏହି ସେକ୍ଟରକୁ ୫୦ ହଜାର କୋଟି ଟଙ୍କା ଦିଆଯିବ ବୋଲି କହିଛନ୍ତି। ସେହିଭଳି ଅନ୍ୟକ୍ଷେତ୍ରଙ୍କୁ ୬୦ ହଜାର କୋଟି ଟଙ୍କାର ବୁଷ୍ଟର ପ୍ୟାକେଜ୍ ଦିଆଯିବ। ଦୁଇ କ୍ଷେତ୍ରକୁ ସର୍ବମୋଟ ୧.୧ ଲକ୍ଷ କୋଟିର ସହାୟତା ଦିଆଯିବ। ଏଥିପାଇଁ ସ୍ୱାସ୍ଥ୍ୟ କ୍ଷେତ୍ରକୁ ବାର୍ଷିକ ୭.୯୫ ପ୍ରତିଶତ ସୁଧ ଦେବାକୁ ପଡିବ। ଲୋନ୍ ଗ୍ୟାରେଣ୍ଟି ସ୍କିମ ଅନ୍ତର୍ଗତରେ ହେଲ୍ଥ ସେକ୍ଟରୁରେ କାମ କରୁଥିବା ସଂସ୍ଥାଙ୍କୁ ସର୍ବାଧିକ ୧ଶହ କୋଟିର ଲୋନ୍ ମିଳି ପାରିବ। ସେହିଭଳି ଅନ୍ୟକ୍ଷେତ୍ରଙ୍କୁ ବାର୍ଷିକ ୮.୨୫ ପ୍ରତିଶତ ସୁଧ ଦେବାକୁ ପଡିବ।

ପର୍ଯ୍ୟଟନ ଶିଳ୍ପର ଗୁରୁତ୍ୱକୁ ସ୍ୱୀକାର କରି ଅର୍ଥମନ୍ତ୍ରୀ କହିଛନ୍ତି ଯେ, ଏହା ରୋଜଗାର ଓ ସ୍ୱରୋଜଗାର ସୃଷ୍ଟି କରିଥାଏ। ଟୁରିଷ୍ଟ ଗାଇଡ୍ ଓ ଅନ୍ୟ ଷ୍ଟେକ୍ ହୋଲ୍ଡରଙ୍କ ପାଇଁ ମଧ୍ୟ ସେ ଆର୍ଥିକ ସହାୟତା ଘୋଷଣା କରିଛନ୍ତି। ଏହା ଅନ୍ତର୍ଗତରେ ସେମାନଙ୍କୁ ବ୍ୟବସାୟିକ ଓ ବ୍ୟକ୍ତିଗତଋଣ ମିଳିବ। ଋଣ ପାଇଁ ସରକାର ଶତ ପ୍ରତିଶତ ଗ୍ୟାରେଣ୍ଟି ଦେବ। ପ୍ରତି ଟୁରିଷ୍ଟ ଏଜେନ୍ସିଙ୍କୁ ୧୦ ଲକ୍ଷ ପର୍ଯ୍ୟନ୍ତ ଋଣ ଦିଆଯିବ। ଅନ୍ୟପକ୍ଷରେ ପଂଜିକୃତ ଟୁରିଷ୍ଟ୍ ଗାଇଡଙ୍କୁ ୧ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ମିଳିବ। ଏଥିପାଇଁ ସେମାନଙ୍କୁ କୌଣସି ପ୍ରୋସେସିଂ ଚାର୍ଜ୍ କିମ୍ବା କ୍ଲୋଜର ଚାର୍ଜ୍ ଦେବାକୁ ପଡିବ ନାହିଁ।

କ୍ରେଡିଟ୍ ଗ୍ୟାରେଣ୍ଟି ସ୍କିମ୍
କ୍ଷୁଦ୍ର ବ୍ୟବସାୟୀ ଏନବିଏଫସି,ମାଇକ୍ରୋ ଫାଇନାନ୍ସ କମ୍ପାନୀଙ୍କଠାରୁ ୧.୨୫ ଲକ୍ଷ ଟଙ୍କା ପର୍ଯ୍ୟନ୍ତ ଲୋନ୍ ନେଇ ପାରିବେ

ଏହା ଉପରେ ବ୍ୟାଙ୍କର MCLR ଉପରେ ସର୍ବାଧିକ ୨ ପ୍ରତିଶତ ମିଶାଇ ସୂଧ ନିଆ ଯିବ

ଏହି ଲୋନର ଅବଧି ୩ ବର୍ଷ ରହିବ ଓ କେନ୍ଦ୍ର ସରକାର ଏଥିପାଇଁ ଗ୍ୟାରେଣ୍ଟିଅର ରହିବେ

ଏହାର ମୁଖ୍ୟ ଉଦ୍ଦେଷ୍ୟ ନୂଆ ଲୋନ୍ ବିତରଣ କରିବା

୮୯ ଦିନର ଡିଫଲ୍ଟର ସମେତ ସବୁ ପ୍ରକାରର ଋଣଗ୍ରହିତା ଏହାର ସୁଯୋଗ ନେଇ ପାରିବେ

ଏହାର ଲାଭ ପ୍ରାୟ ୨୫ ଲକ୍ଷ ବ୍ୟକ୍ତି ନେଇ ପାରିବେ

ଏଥିପାଇଁ ସରକାର ୭ ହଜାର ୫ଶହ କୋଟିର ବ୍ୟବସ୍ଥା କରିଛନ୍ତି,୩୧ ମାର୍ଚ୍ଚ ୨୦୨୨ ପର୍ଯ୍ୟନ୍ତ ଏହାର ଲାଭ ମିଳିବ ।

ଆତ୍ମନିର୍ଭର ଭାରତ ଯୋଜନା

ଏହାର ଅବଧିକୁ ୩୧ ମାର୍ଚ୍ଚ ୨୦୨୨ ପର୍ଯ୍ୟନ୍ତ ବଢିଲା

୨୧.୪୨ ଲାଭର୍ଥିଙ୍କ ପାଇଁ ୯୦୨ କୋଟି ଟଙ୍କା ଖର୍ଚ୍ଚ ହୋଇ ସାରିଛି

ଏହି ଯୋଜନା କ୍ରମରେ ସରକାର ୧୫ ହଜାର ଟଙ୍କାରୁ କମ ଦରମା ପାଉଥିବା କର୍ମଚାରୀ ଓ କମ୍ପାନୀଙ୍କ ପିଏଫ୍ ଦେଉଛନ୍ତି

ସରକାର ଏହି ସ୍କିମରେ ୨୨ ହଜାର ୮୧୦ କୋଟି ଟଙ୍କା ଖର୍ଚ୍ଚ କରିବାର ଲକ୍ଷ୍ୟ ରଖିଛନ୍ତି । ଯେଉଁଥିରେ ପ୍ରାୟ ୫୮.୫୦ ଲକ୍ଷ ଲୋକଙ୍କୁ ରୋଜଗାର ମିଳିବ ।

କୃଷି କ୍ଷେତ୍ର
ଅର୍ଥମନ୍ତ୍ରୀ ସୀତାରମଣ କହିଛନ୍ତି ଯେ, ରବି ଋତୁ ୨୦୨୦-୨୧ରେ ସରକାର ୩୮୯.୯୨ ଲକ୍ଷ ମେଟ୍ରିକ୍ ଟନ୍ ଗହମ କିଣିଥିଲେ । ଅନ୍ୟପକ୍ଷରେ ୨୦୨୧-୨୨ରେ ୪୩୨.୪୮ ଲକ୍ଷ ଟନ୍ ଗହମ କିଣିଛନ୍ତି । ଏଥିପାଇଁ ୮୫ ଲକ୍ଷ କୋଟିରୁ ଅଧିକ ଟଙ୍କା ଦିଆଯାଇଛି ।

Finance minister nirmala sitharaman announces loan-guarantee scheme for covid hit sectors