ନିୟନ୍ତ୍ରଣ ରେଖା ନିକଟରେ ବିସ୍ଫୋରଣ, ୮ ଯବାନ ଆହତ

ଜାମ୍ମୁ: ୨୦୧୯ ଲୋକସଭା ନିର୍ବାଚନର ଫଳାଫଳ ପ୍ରକାଶ ପାଇବାର ଦିନକ ପୂର୍ବରୁ ଜାମ୍ମୁ-କାଶ୍ମୀରରେ ଆଇଇଡି ବିସ୍ଫୋରଣ ଘଟିଛି। ବୁଧବାର ପୂର୍ବାହ୍ନରେ ପୁଞ୍ଚ ଜିଲାର ମେନ୍ଦହାର ଅନ୍ତର୍ଗତ ଦେହରି ଦବାସି ନିକଟ ନିୟନ୍ତ୍ରଣ ରେଖା ପାଖରେ ଏହି ବିସ୍ଫୋରଣ ହୋଇଛି। ଏଥିରେ ୮ ଯବାନ ଆହତ ହୋଇଥିବା ସୂଚନା ମିଳିଛି। ତେବେ କିଏ ଏହି ବିସ୍ଫୋରଣ ଘଟାଇଛି ତାହା ଜଣାପଡ଼ି ନ ଥିବାବେଳେ ଏହା ଆତଙ୍କବାଦୀଙ୍କ କାର୍ଯ୍ୟକଳାପ ହୋଇଥାଇପାରେ ବୋଲି ସନ୍ଦେହ କରାଯାଉଛି। ଯବାନମାନେ ପାଟୋଲିଂ କରୁଥିବାବେଳେ ସେମାନଙ୍କୁ ଟାର୍ଗେଟ କରି ଏହି ବିସ୍ଫୋରଣ କରାଯାଇଥିବା ସୂଚନା ମିଳିଛି। ଆହତ ଯବାନମାନଙ୍କୁ ଚିକିତ୍ସା ପାଇଁ ଉଦ୍ଧମପୁରସ୍ଥିତ କମାଣ୍ଡ ହସ୍ପିଟାଲକୁ ନିଆଯାଇଛି। ସେମାନଙ୍କ ମଧ୍ୟରୁ ଜଣେ ଯବାନଙ୍କ ଅବସ୍ଥା ଗୁରୁତର ଥିବା ସୂଚନା ମିଳିଛି।