ଯୋଗ୍ୟ ଅବସରପ୍ରାପ୍ତ ସେନା କର୍ମଚାରୀଙ୍କୁ ପ୍ରଶାସନିକ ସେବାରେ ମିଳିବ ସୁଯୋଗ: ରାହୁଲ ଗାନ୍ଧୀ

ନୂଆଦିଲ୍ଲୀ: ନିର୍ବାଚନୀ ଇସ୍ତାହାର ଘୋଷଣା କରିବାର ଗୋଟିଏ ଦିନ ପରେ ଅର୍ଥାତ ବୁଧବାର କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଅବସରପ୍ରାପ୍ତ ସେନା କର୍ମଚାରୀଙ୍କ ପାଇଁ ଏକ ନୂଆ ଘୋଷଣା କରିଛନ୍ତି। ସେ ଟ୍ୱିଟ ବାର୍ତ୍ତାରେ ଘୋଷଣା କରିଛନ୍ତି ଯେ ଯଦି କଂଗ୍ରେସ କେନ୍ଦ୍ରରେ କ୍ଷମତାକୁ ଆସେ, ପ୍ରଶାସନିକ ସେବାରେ ଯୋଗ୍ୟ ଅବସରପ୍ରାପ୍ତ ସେନା କର୍ମଚାରୀଙ୍କୁ ଲାଟେରାଲ ଏଣ୍ଟ୍ରି ମାଧ୍ୟମରେ ସୁଯୋଗ ଦେବ।

ରାହୁଲ ତାଙ୍କ ଟ୍ଵିଟରେ ଲେଖିଛନ୍ତି, ଆମ ଅବସରପ୍ରାପ୍ତ ସେନା କର୍ମଚାରୀ ଆମ ପାଇଁ ଗର୍ବ ଓ ଗୌରବର ବିଷୟ ଓ ସେମାନଙ୍କୁ ଉଚିତ ସମ୍ମାନ ମିଳିବ ଆବଶ୍ୟକ। ତେଣୁ ଆମେ କ୍ଷମତାକୁ ଆସିଲେ ଯୋଗ୍ୟ ଅବସରପ୍ରାପ୍ତ ସେନା କର୍ମଚାରୀଙ୍କୁ ଲାଟେରାଲ ଏଣ୍ଟ୍ରି ମାଧ୍ୟମରେ ପ୍ରଶାସନିକ ସେବାରେ ସୁଯୋଗ ଦେବୁ। ସେହିପରି କେନ୍ଦ୍ରୀୟ ସଶସ୍ତ୍ର ପୁଲିସ ବଳରେ ୪୦ ବର୍ଷରୁ କମ ଅବସରପ୍ରାପ୍ତ ସେନା କର୍ମଚାରୀଙ୍କୁ ସୁଯୋଗ ଦିଆଯିବା ନେଇ ରାହୁଲ ଗାନ୍ଧୀ ଟ୍ୱିଟ କରିଛନ୍ତି।