ଭୁବନେଶ୍ୱର : ଏକାମ୍ର ନିର୍ବାଚନ ମଣ୍ଡଳୀରେ ମୁଖ୍ୟମନ୍ତ୍ରୀ ସ୍ୱତନ୍ତ୍ର ଅନୁଦାନ ପାଣ୍ଠିରୁ ୨.୫୦ କୋଟି ଟଙ୍କାରେ ଲିଙ୍ଗରାଜ ଲେପର୍ଶି କଲୋନୀ ର ୩୧ ଜଣ ଅନ୍ତେବାସୀଙ୍କ ପାଇଁ ଗୃହ ନିର୍ମାଣ କାର୍ଯ୍ୟ ର ଭୂମିପୂଜନ ହୋଇଯାଇଛି। ଏହି କାର୍ଯ୍ୟକ୍ରମରେ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା, ମେୟର ସୁଲୋଚନା ଦାସ, ସ୍ଥାନୀୟ କର୍ପୋରେଟର ମହାମାୟା ସ୍ୱାଇଁ ଉପସ୍ଥିତ ଥିଲେ। ସୂଚନା ଯୋଗ୍ୟ ଯେ ଗତ ଡ଼ିସେମ୍ବର ମାସରେ ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ଏହି କାର୍ଯ୍ୟ ର ଭିତ୍ତିପ୍ରସ୍ତର ସ୍ଥାପନ କରିଥିଲେ। ପରେ ୱାର୍ଡ ନଂ ୫୪ରେ ଭୁବନେଶ୍ୱର ମହାନଗର ନିଗମ ଦ୍ଵାରା ଦୁଇ ଗୋଟି ରାସ୍ତା ଓ ନାଳ ନିର୍ମାଣ ପାଇଁ ୩୫ ଲକ୍ଷ୍, ପଣ୍ଡିତ ରଘୁନାଥ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ର ଶ୍ରେଣୀ ଗୃହ ନିର୍ମାଣ ପାଇଁ ୮ଲକ୍ଷ, ଅଙ୍ଗନୱାଡ଼ି ଗୃହ ପାଇଁ ୭ଲକ୍ଷ୍ ଟଙ୍କାର ମନ୍ତ୍ରୀ ଶ୍ରୀ ପଣ୍ଡା ଭିତ୍ତିପ୍ରସ୍ତର କରିଥିଲେ । ପରେ ପରେ ୱାର୍ଡ ନଂ ୫୩ରେ ବରିଷ୍ଠ ନାଗରିକ,ଯୁବ,ମହିଳା ମାନଙ୍କ ଦ୍ଵାରା ବୃକ୍ଷ ରୋପଣ, ୱାର୍ଡ ନଂ ୬୧ ରେ ବିଜୁ ମହିଳା ଜନତା ଦଳ ପକ୍ଷରୁ ଭିମଟାଙ୍ଗି ଭଗବତୀ ବିଜୁ ଆଦର୍ଶ କଲୋନୀ ଏବଂ ୱାର୍ଡ ନଂ ୬୫ ର ଜଗନ୍ନାଥ ମନ୍ଦିର ନିକଟ ରେ ବିଜୁ ଯୁବ ଜନତା ଦଳ ପକ୍ଷରୁ ମଧ୍ୟ ବୃକ୍ଷ ରୋପଣ ହୋଇଥିଲା।ଏହି ବୃକ୍ଷ ରୋପଣ କାର୍ଯ୍ୟକ୍ରମ ରେ ଗ୍ରିନ୍ ୱାଲ୍ଦ ଟ୍ରଷ୍ଟ ପକ୍ଷରୁ ଚାରା ଯୋଗାଇ ଦିଆଯାଇଥିଲା। ଅନ୍ୟମାନଙ୍କ ମଧ୍ୟରେ ଡେପୁଟି ମେୟର ମଞ୍ଜୁଲତା କହଁର , ବିଜୁ ମହିଳା ସଭାନେତ୍ରୀ ବିଜୟଲକ୍ଷ୍ମୀ ମହାପାତ୍ର,କର୍ପୋରେଟର ଶିବପ୍ରସାଦ ବେହେରା,ଶିବପ୍ରସାଦ ରାୟ,ବିରଞ୍ଚି ନାରାୟଣ ମହାସୂପକାର, ବିନୟିନୀ ଜେନା, ରଶ୍ମିରଞ୍ଜନ ପାଟସାଣି, ହୃଦୟବଲଭ ସାମନ୍ତରାୟ, ସକିବା ମୁସାରତ୍,ଛବି ଦାସ, ଅଜିତ୍ ବେହେରା, ଚନ୍ଦ୍ରଶେଖର ମଲ୍ଲିଆ, ଶ୍ରୀଧର ବେହେରା,ଛବିନ୍ଦ୍ର ଜେନା,ରାଜେଶ ପାତ୍ର,ସୁଜିତ୍ ସ୍ୱାଇଁ, ଅନିତାରାଣି ମହାନ୍ତି,ବି ଏମ୍ ସି ବିଧାୟକ ପ୍ରତିନିଧି ଦାଶରଥି ଗରାବଡୁ, ନଳିନୀକାନ୍ତ ପଣ୍ଡା, ପୂର୍ନେନ୍ଦୁ ପୂଜାପଣ୍ଡା, ମୂଜାହିଦ୍ ହୁସେନ, ବର୍କତ୍ ତୁଲା,ପ୍ରସନ୍ନ ପରିଡା,ପ୍ରସନ୍ନ ସ୍ୱାଇଁ ଏବଂ ଶିକ୍ଷକ, ଶିକ୍ଷୟତ୍ରୀ,ଅବିଭାବକ ପ୍ରମୁଖ ଉପସ୍ଥିତ ଥିଲେ।
