ଏମ୍ସରେ ଡାକ୍ତର ଅଭାବ:ଛୁଟିରେ ପଳାଇବେ ଅଧା ଡାକ୍ତର

ନୂଆଦିଲ୍ଲୀ: ଖରାଛୁଟିରେ ଦିଲ୍ଲୀ ଏମ୍ସର ଅଧାରୁ ଅଧିକ ଡାକ୍ତର ଛୁଟିରେ ପଳାଇବେ | ଆସନ୍ତା ୧୬ ତାରିଖରୁ ଜୁଲାଇ ମାସଯାଏଁ ଏକସାଙ୍ଗରେ ୫୦ ପ୍ରତିଶତ ଡାକ୍ତର ଛୁଟିରେ ଯାଉଥିବାର କୁହାଯାଉଛି | ଏଥିରେ ଗୁରୁତର ଭାବେ ରୋଗୀସେବା ପ୍ରଭାବିତ ହେବ...

ନୂଆଦିଲ୍ଲୀ: ଖରାଛୁଟିରେ ଦିଲ୍ଲୀ ଏମ୍ସର ଅଧାରୁ ଅଧିକ ଡାକ୍ତର ଛୁଟିରେ ପଳାଇବେ | ଆସନ୍ତା ୧୬ ତାରିଖରୁ ଜୁଲାଇ ମାସଯାଏଁ ଏକସାଙ୍ଗରେ ୫୦ ପ୍ରତିଶତ ଡାକ୍ତର ଛୁଟିରେ ଯାଉଥିବାର କୁହାଯାଉଛି | ଏଥିରେ ଗୁରୁତର ଭାବେ ରୋଗୀସେବା ପ୍ରଭାବିତ ହେବ ବୋଲି ଆଶଙ୍କା ଦେଖାଦେଇଛି |

ତେବେ ରୋଗୀଙ୍କ ଅସୁବିଧା ନ ହେବା ପାଇଁ ଏମ୍ସ କର୍ତୃପକ୍ଷ ଦୁଇଟି ପର୍ଯ୍ୟାୟରେ ଡାକ୍ତରଙ୍କ ଛୁଟି ମଞ୍ଜୁର କରିଛନ୍ତି | ଏମ୍ସ ପ୍ରଶାସନ ପକ୍ଷରୁ ଜାରି କରାଯାଇଥିବା ବିଜ୍ଞପ୍ତି ମୁତାବକ ପ୍ରଥମ ପର୍ଯ୍ୟାୟରେ ମେ ୧୬ରୁ ଜୁନ ୧୪ ଓ ଦ୍ଵିତୀୟ ପର୍ଯ୍ୟାୟରେ ୧୬ ଜୁନରୁ ୧୬ ଜୁଲାଇ ପର୍ଯ୍ୟନ୍ତ ଡାକ୍ତରମାନଙ୍କର ଛୁଟି ମଞ୍ଜୁର କରାଯାଇଛି | ଆଉ ୬୦ ଦିନ ଧରି ଡାକ୍ତରଙ୍କର ଅନୁପସ୍ଥିତି ଯୋଗୁଁ ସର୍ଜରୀ ବିଭାଗ ଉପରେ ଏହାର ଗୁରୁତର ପ୍ରଭାବ ପଡିବ | କାରଣ ଡାକ୍ତର ନ ଥିବାରୁ ଅପରେସନ ହେବାକୁ ଥିବା ରୋଗୀଙ୍କୁ ଆଉ କିଛିଦିନ ଅପେକ୍ଷା କରିବାକୁ ପଡିପାରେ |ଏମ୍ସରେ ହାର୍ଟ,ନ୍ୟୁରୋ,ଅର୍ଥୋ ଭଳି ବିଭାଗରେ କିଛି ବର୍ଷ ହେଲା ସର୍ଜରୀ ରୋଗୀମାନେ ଅପେକ୍ଷାରେ ଅଛନ୍ତି | ଯଦି ଏକାସାଙ୍ଗେ ଏତେ ଡାକ୍ତର ଛୁଟିରେ ଯିବେ ତାହାହେଲେ ଅପରେସନ କରିବାକୁ ରୋଗୀଙ୍କୁ ଆଉ କିଛିଦିନ ଅପେକ୍ଷା କରିବାକୁ ପଡିବ | ତେବେ ଏମ୍ସ ପକ୍ଷରୁ କୁହାଯାଇଛି ଯେ ଏହା ପ୍ରତିବର୍ଷ ହୋଇଥାଏ ଓ ରୋଗୀଙ୍କର ଯେଭଳି ବିଶେଷ କିଛି ଅସୁବିଧା ନ ହେବ ସେ ବାବଦରେ ଦୃଷ୍ଟି ଦିଆଯିବ |

Spread the love
Categories
ଦେଶ-ବିଦେଶ

RELATED BY

  • ବିଧାୟକଙ୍କ ଘର ସମ୍ମୁଖରେ ବିସ୍ଫୋରଣ: ଜଣେ ମୃତ

    ବେଙ୍ଗାଲୁରୁ : କର୍ଣ୍ଣାଟକର ରାଜ୍ୟରାଜେଶ୍ବରୀ ନଗରରେ କଂଗ୍ରେସ ବିଧାୟକଙ୍କ ଘର ସମ୍ମୁଖରେ ଏକ ବିସ୍ଫୋରଣ ଘଟିଛି । ଏଥିରେ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନାଯୋଗ୍ୟ, ରବିବାର...
  • ବଦ୍ରିନାଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ

    ଡେରାଡୁନ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କେଦାରନାଥର ଯାତ୍ରା ଶେଷ କରିବା ପରେ ଆଜି ସକାଳ ୧୦ଟାରେ ବଦ୍ରିନାଥରେ ପହଂଚିଥିଲେ ।ସେ କେଦାରନାଥର ଗୁମ୍ଫାରେ ପ୍ରାୟ ୧୭ ଘଣ୍ଟା ରହି ଆଜି ସକାଳେ ସେଠାରୁ ବାହାରିଥିଲେ। ଭଗବାନ ବିଷ୍ଣୁଙ୍କର ଆଶୀର୍ବାଦ ନେବା...
  • ଡିୟୁଟିରେ ଥିବା ତିନି ସରକାରୀ କର୍ମଚାରୀ ମୃତ

    ଶିମ୍‌ଲା: ନିର୍ବାଚନ ଡିୟୁଟି କରୁଥିବା ସମୟରେ ହିମାଚଳ ପ୍ରଦେଶରେ ଭିନ୍ନ ଭିନ୍ନ କାରଣରୁ ତିନି ଜଣ ସରକାରୀ କର୍ମଚାରୀଙ୍କର ମୃତ୍ୟୁ ଘଟିଛି ବୋଲି ରାଜ୍ୟର ଜଣେ ନିର୍ବାଚନ କର୍ମଚାରୀ କହିଛନ୍ତି। ମୃତ କର୍ମଚାରୀଙ୍କ ମଧ୍ୟରେ ଅଛନ୍ତି ଜନଜାତି ଅଧ୍ୟୁଷିତ କିନ୍ନୌର...
  • ପଶ୍ଚିମ ଓ ଦକ୍ଷିଣ ଭାରତର ୬ ରାଜ୍ୟରେ ମରୁଡ଼ି ଆଶଙ୍କା

    ନୂଆଦିଲ୍ଲୀ: ସମ୍ଭାବ୍ୟ ମରୁଡ଼ି ଆଶଙ୍କାରେ କେନ୍ଦ୍ର ସରକାର ୬ଟି ରାଜ୍ୟକୁ ପରାମର୍ଶବଳୀ ଜାରି କରିଛନ୍ତି। ଏହି ରାଜ୍ୟଗୁଡ଼ିକରେ ଜଳସ୍ତର ଚିନ୍ତାଜନକ ଭାବେ ହ୍ରାସ ପାଇବା ପରିପ୍ରେକ୍ଷୀରେ ଏଭଳି ପରାମର୍ଶବଳୀ ଜାରି କରାଯାଇଛି। କେନ୍ଦ୍ର ଜଳ ଆୟୋଗଙ୍କ ପକ୍ଷରୁ ସଦସ୍ୟ ଏସ୍‌.କେ...