ଭୁବନେଶ୍ବର : କଂଗ୍ରେସରେ କସରତ ଆରମ୍ଭ ହୋଇଛି । ପ୍ରଥମ ପର୍ଯ୍ୟୟରେ ୫୦ ଟିକେଟ ଦେବା ପାଇଁ କଂଗ୍ରେସ ଭବନରେ ସ୍କ୍ରିନିଂ କମିଟି ଆଜି ଠାରୁ ଆରମ୍ଭ କରିଛି ଶୂଣାଣି । ଆଜି ୨୮ ବରିଷ୍ଠ ନେତାଙ୍କ ଠାରୁ ଜିଲ୍ଲା ଓ୍ବାରୀ ତଥ୍ୟ ସଂଗ୍ରହ କରିବା ସହ ସଂଗାଠନିକ ସ୍ଥିତି ନେଇ ଆଲୋଚନା କରିଛି କମିଟି । ବରିଷ୍ଠ ନେତାଙ୍କ ଠାରୁ ୫ଟି ଦିଗ ଉପରେ ତଥ୍ୟ ସଂଗ୍ରହ କରିଛି ସ୍କ୍ରିନିଂ କମିଟି । ପ୍ରତି ନେତାଙ୍କ ସହିତ ୨୦ରୁ ୨୫ ମିନିଟ ଧରି କମିଟିର ସଦସ୍ୟ ମାନେ ଆଲୋଚନା କରିଥିଲେ। ସଙ୍ଗଠନ ଠାରୁ ଆରମ୍ଭ କରି ପ୍ରାର୍ଥୀଙ୍କ ବାବଦରେ ତଥ୍ୟ ସଂଗ୍ରହ କରିଛି କିମିଟି ।
ଟିକେଟ ପାଇଁ କଂଗ୍ରେସରେ ଆରମ୍ଭ ହେଲା କସରତ । ୫୦ ଟିକେଟ ଦେବା ପାଇଁ ସ୍କ୍ରିନିଂ କମିଟି ଆରମ୍ଭ କରିଛି ପ୍ରକ୍ରିୟା । ସ୍କ୍ରିନିଂ କିମିଟି ଅଧ୍ୟକ୍ଷ ଡି ଡି ସତ୍ୟସାନ, ସଦସ୍ୟ ଜିତିନ ପ୍ରସ୍ରାଦ ଏବଂ ନୌସାଦ ସୋଲାଙ୍ଗି ଭୁବନେଶ୍ବରରେ ପହଞ୍ଚିବା ପରେ କଂଗ୍ରେସ ଭବନରେ ଆରମ୍ଭ ହୋଇଥିଲା ୱାନ ଟୁ ୱାନ ଆଲୋଚନା। ପ୍ରଥମେ ପହଞ୍ଚିଥିଲେ ବରିଷ୍ଠ କଂଗ୍ରେସ ନେତା ସୁର ରାଉତରାୟ। ପରେ ପରେ ଶିବାନନ୍ଦ ରାଉତ, ରାମନାଥ ଖୁଣ୍ଟିଆଙ୍କ ସହିତ ଆଲୋଚନା କରିଥିଲା କମିଟି।
ସ୍କ୍ରିନିଂ କମିଟି ଜଣେ ଜଣେ ନେତାଙ୍କୁ ୨୦ରୁ ୨୫ ମିନିଟ ବିଭିନ୍ନ ପ୍ରସଙ୍ଗରେ ୫ ପ୍ରଶ୍ନ କରିଥିଲେ। ଜିଲ୍ଲାରେ କଂଗ୍ରେସର ସାଙ୍ଗଠନିକ ସ୍ଥିତି କେମିତି ଅଛି , କାହାକୁ ଟିକେଟ ଦିଆଯିବ, ପ୍ରାର୍ଥୀ କେମିତି ହେବା ଦରକାର, ଜିତିବା ପାଇଁ କଣ କରିବା ଦରକାର , କଂଗ୍ରେସ ରାଜ୍ୟରେ କେତେ ସିଟ ଆଣି ପାରିବ, ଏହି ୫ଟି ଦିଗ ଉପରେ ବରିଷ୍ଠ ନେତା ମାନଙ୍କଠାରୁ ତଥ୍ୟ ସଂଗ୍ରହ କରିଥିଲା ସ୍କ୍ରିନିଂ କମିଟି। ନେତା ମାନେ ମଧ୍ୟ ଏହି ସବୁର ଜବାବ ଦେଇଛନ୍ତି।
ସ୍କ୍ରିନିଂ କମିଟିର ୫ ପ୍ରଶ୍ନ
ଜିଲ୍ଲାରେ କଂଗ୍ରେସର ସାଙ୍ଗଠନିକ ସ୍ଥିତି କେମିତି ଅଛି ?,
କାହାକୁ ଟିକେଟ ଦିଆଯିବ ?
ପ୍ରାର୍ଥୀ କେମିତି ହେବା ଦରକାର ?
ଜିତିବା ପାଇଁ କଣ କରିବା ଦରକାର ?
କଂଗ୍ରେସ ରାଜ୍ୟରେ କେତେ ସିଟ ଆଣି ପାରିବ ?
ଆସନ୍ତା କାଲି ସାଢ଼େ ୧୧ଟାରେ ବସିବ ପିଇସି ବୈଠକ। ତାପରେ ପୁଣି ଦିନ ୨ଟାରେ ବସିବ ପିଇସି ଏବଂ ସ୍କ୍ରିନିଂ କମିଟି ବୈଠକ। ଏହି ଆଲୋଚନା ପରେ କଂଗ୍ରେସ ତାର ୫୦ ପ୍ରାର୍ଥୀଙ୍କ ନାଁ ଘୋଷଣା କରିବ।