ଭୁବନେଶ୍ଵର: କଂଗ୍ରେସ ପକ୍ଷରୁ ରାଜ୍ୟର ୭ଟି ଲୋକସଭା ଆସନ ପାଇଁ ଶୁକ୍ରବାର ପ୍ରାର୍ଥୀ ଘୋଷଣା କରାଯାଇଛି। ପୁରୀ ଲୋକସଭା ଆସନରୁ ପୂର୍ବତନ ସାମ୍ବାଦିକ ତଥା ଦଳର ମୁଖପାତ୍ର ସତ୍ୟପ୍ରକାଶ ନାୟକ ନିର୍ବାଚନ ଲଢ଼ିବେ ବୋଲି ଯେଉଁ ଆଲୋଚନା ହେଉଥିଲା ତାହା ସ୍ପଷ୍ଟ ହୋଇଛି। ଏହାବ୍ୟତୀତ କେନ୍ଦ୍ରାପଡ଼ାରୁ ଧରଣୀଧର ନାୟକ, କେନ୍ଦୁଝରରୁ ଫକୀର ମୋହନ ନାୟକ, ବାଲେଶ୍ଵରରୁ ନବଜ୍ୟୋତି ପଟ୍ଟନାୟକ, ଭଦ୍ରକରୁ ମଧୁମିତା ସେଠୀ, ଢେଙ୍କାନାଳରୁ କାମାକ୍ଷାପ୍ରସାଦ ସିଂହଦେଓ ଏବଂ ଜଗତସିଂହପୁରରୁ ପ୍ରତିମା ମଲ୍ଲିକଙ୍କୁ ଦଳ ପ୍ରାର୍ଥୀ କରିଛି।
Related Posts
ଏଥର ପୁରୀ ଲୋକସଭା ଆସନରୁ ବିଜେଡିର ପିନାକୀ ମିଶ୍ର ଏବଂ ବିଜେପିର ସମ୍ବିତ ପାତ୍ରଙ୍କୁ ଟକ୍କର ଦେବେ ସତ୍ୟପ୍ରକାଶ ନାୟକ। ସେହିପରି କେନ୍ଦ୍ରାପଡ଼ା ଆସନରୁ ବିଜେପିର ହେଭିୱେଟ ନେତା ବୈଜୟନ୍ତ ପଣ୍ଡା ଏବଂ ବିଜେଡିର ଷ୍ଟାର ଅନୁଭବ ମହାନ୍ତି ପ୍ରାର୍ଥୀ ହୋଇଥିବାବେଳେ କଂଗ୍ରେସ ଧରଣୀଧରଙ୍କ ଉପରେ ଆଶା ପ୍ରକଟ କରି ତାଙ୍କୁ ପ୍ରାର୍ଥୀ କରିଛି।