ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ମେ’ ୨୧ସୋମବାର ଦିନ ଅନୁଷ୍ଠିତ ହେବାକୁ ଥିବା ରାଜ୍ୟ ବିଧାନ ପରିଷଦ ନିର୍ବାଚନ ପାଇଁ ତାଙ୍କ ନାମାଙ୍କନପତ୍ର ଦାଖଲ କରିଛନ୍ତି। ବିଧାନ ପରିଷଦର ସଦସ୍ୟ ଭାବରେ ମୁଖ୍ୟମନ୍ତ୍ରୀ ନିର୍ବାଚିତ ହେବେ। ମହାରାଷ୍ଟ୍ରରେ ମେ’ ୨୧ରେ ବିଧାନ ପରିଷଦର ନଅଟି ଆସନରେ ନିର୍ବାଚନ ଅନୁଷ୍ଠିତ ହେବ।
ରବିବାର ଦିନ କଂଗ୍ରେସ ସ୍ପଷ୍ଟ କରିଛି ଯେ ଦଳ କେବଳ ଗୋଟିଏ ଆସନରେ ପ୍ରାର୍ଥୀ ଦେବ। ଏହା ମହାବିକାଶ ଆଗାଡି ସରକାରରେ ଚାଲିଥିବା ଦ୍ୱନ୍ଦକୁ ଶେଷ କରିଛି । ଏଥି ସହ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ସମେତ ଶାସକ ଦଳର ୫ଜଣ ପ୍ରାର୍ଥୀ ଏବଂ ବିରୋଧୀ ବିଜେପିର ଚାରିଜଣ ପ୍ରାର୍ଥୀ ବିନା ପ୍ରତିଦ୍ୱନ୍ଦିତାରେ ନିର୍ବାଚନରେ ନିର୍ବାଚିତ ହେବେ ବୋଲି ଜଣାପଡିଛି।
ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ସମେତ ଦୁଇଜଣ ଶିବସେନା ପ୍ରାର୍ଥୀ ଏବଂ ଚାରିଜଣ ବିଜେପି ପ୍ରାର୍ଥୀଙ୍କ ନାମ ଘୋଷଣା ହୋଇସାରିଛି। ଶନିବାର ଦିନ କଂଗ୍ରେସ ଏହାର ଏକମାତ୍ର ପ୍ରାର୍ଥୀ ରାଜେଶ ରାଠୋରଙ୍କ ନାମ ଘୋଷଣା କରିଛି। ରାଜ୍ୟ କଂଗ୍ରେସର ସଚିବ ରାଠୋର ଜଲନା ଜିଲ୍ଲା ପରିଷଦର ବର୍ତ୍ତମାନ ଅଧ୍ୟକ୍ଷ ଅଛନ୍ତି।