କଟକ ଏସସିବି ମେଡିକାଲ ହେବ ବିଶ୍ୱସ୍ତରୀୟ : ଏସସିବି ପାଇଁ ୨ ୱେବସାଇଟ୍ ଉନ୍ମୋଚନ କଲେ ମୁଖ୍ୟମନ୍ତ୍ରୀ

5-T ବିଭାଗ ଅଧିନରେ ମେଡିକାଲ କଲେଜର ରୂପାନ୍ତରଣ କାର୍ଯ୍ୟ ଆରମ୍ଭ

ଭୁବନେଶ୍ୱର: : କଟକ ଏସସିବି ମେଡିକାଲକୁ ବିଶ୍ୱସ୍ତରୀୟ କରିବାକୁ ରାଜ୍ୟ ସରକାର ଉଦ୍ୟମ କରିଛନ୍ତି । ଏଥିପାଇଁ ପୂର୍ବତନ ଛାତ୍ରଛାତ୍ରୀଙ୍କର ମଧ୍ୟ ସହଯୋଗ ନିଆଯାଇଛି । 5-T ବିଭାଗ ଅଧିନରେ ମେଡିକାଲ କଲେଜର ରୂପାନ୍ତରଣ କାର୍ଯ୍ୟ ଆରମ୍ଭ ହୋଇଛି । ଏସସିବିର ଏହି ଟ୍ରାନ୍‌ସଫର୍ମେସନରେ ପୂର୍ବତନ ଛାତ୍ରଛାତ୍ରୀମାନେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ ଏଥିପାଇଁ ଦୁଇଟି ୱେବସାଇଟ୍ ଉନ୍ମୋଚିତ ହୋଇଛି ।

cm naveen patnaik  inaugurates two  website for scb medical
SCBMCH.IN ଏବଂ SCBMCHALUMNI.IN ନାମରେ ରହିଛି ଏହି ଦୁଇ ୱେବସାଇଟର ନାମ । ଏସସିବି ମେଡିକାଲ କଲେଜ ଓ ପୁରାତନ ଛାତ୍ରସଂଘ ନାମରେ ଏହି ୱେବସାଇଟକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉନ୍ମୋଚନ କରିଛନ୍ତି । ଏହି ୨ ୱେବସାଇଟ୍ ଏସସିବିର ଭାବମୂର୍ତ୍ତି ସୁଧାରିବାରେ ଓ ସଠିକ ସେବା ପ୍ରଦାନର ଦକ୍ଷତା ବୃଦ୍ଧିରେ ସହାୟକ ହେବ ବୋଲି ମୁଖ୍ୟମନ୍ତ୍ରୀ ଆଶା ପ୍ରକାଶ କରିଛନ୍ତି । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ଯେ, ୧୯୪୪ ମସିହାରେ ପୁରୀ ଫେରନ୍ତା ତୀର୍ଥଯାତ୍ରୀଙ୍କୁ ଚିକିତ୍ସା ସେବା ଯୋଗାଇ ଦେବାକୁ ଯୋବ୍ରା ମହାନଦୀ କୂଳରେ ଏକ ଚିକିତ୍ସା ଶିବିର ଆରମ୍ଭ ହୋଇଥିଲା ।
ଆଜି ଏହା ଏସସିବି ମେଡିକାଲ କଲେଜ ଭଳି ଏକ ପ୍ରତିଷ୍ଠିତ ଅନୁଷ୍ଠାନରେ ପରିଣତ ହୋଇଛି । ୭୬ ବର୍ଷରେ ପହଞ୍ଚିଥିବା ଏହି ମେଡିକାଲ କଲେଜ, ଆଗାମୀ ଦିନରେ ବିଶ୍ୱସ୍ତରୀୟ ଚିକିତ୍ସା ସୁବିଧା ଯୋଗାଇବାରେ ସହାୟକ ହେବ । କଲେଜରେ ବିଶ୍ଵସ୍ତରୀୟ ତଥା ତଥ୍ୟଭିତ୍ତିକ ୱେବ୍‌ସାଇଟ୍‌ ଉନ୍ମୋଚନ ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହା କହିଛନ୍ତି ।