ସଂସ୍କୃତରେ ଶପଥ ନେଲେ ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ

ଭୁବନେଶ୍ୱର: ଲୋକସଭା ସଦସ୍ୟ ଭାବେ ଆଜି ଶପଥଗ୍ରହଣ କରିଛନ୍ତି କେନ୍ଦ୍ରମନ୍ତ୍ରୀ ତଥା ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ। ମନ୍ତ୍ରୀ ଭାବେ ହିନ୍ଦୀରେ ଶପଥ ନେଇଥିବା ଶ୍ରୀ ଷଡ଼ଙ୍ଗୀ ଆଜି ଲୋକସଭାର ସଦସ୍ୟ ଭାବେ ସଂସ୍କୃତରେ ଶପଥ ନେଇଛନ୍ତି। ଅବଶ୍ୟ ଏହା...

ଭୁବନେଶ୍ୱର: ଲୋକସଭା ସଦସ୍ୟ ଭାବେ ଆଜି ଶପଥଗ୍ରହଣ କରିଛନ୍ତି କେନ୍ଦ୍ରମନ୍ତ୍ରୀ ତଥା ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ। ମନ୍ତ୍ରୀ ଭାବେ ହିନ୍ଦୀରେ ଶପଥ ନେଇଥିବା ଶ୍ରୀ ଷଡ଼ଙ୍ଗୀ ଆଜି ଲୋକସଭାର ସଦସ୍ୟ ଭାବେ ସଂସ୍କୃତରେ ଶପଥ ନେଇଛନ୍ତି। ଅବଶ୍ୟ ଏହା କାହାକୁ ଚକିତ କରିବ ନାହିଁ। କାରଣ ସଂସ୍କୃତ ଭାଷାରେ ତାଙ୍କର ଯେଉଁ ଦଖଲ ଅଛି, ସେ ବିଷୟରେ ପ୍ରାୟ ସମସ୍ତେ ଅବଗତ। ମନ୍ତ୍ରୀ ହେବା ପରେ ସେ ରାଷ୍ଟ୍ରୀୟ ଖବର ପ୍ରସାରଣ ସଂସ୍ଥା ଡିଡିନ୍ୟୁଜ୍‌କୁ ସେ ସଂସ୍କୃତରେ ଏକ ସାକ୍ଷାତକାର ଦେଇଥିଲେ।

ନିଜ ଅଞ୍ଚଳରେ ସଂସ୍କୃତର ପ୍ରଚାର ଓ ପ୍ରସାରରେ ବିଶେଷ ଭୂମିକା ଗ୍ରହଣ କରିଥିବା ଶ୍ରୀ ଷଡ଼ଙ୍ଗୀ ଉକ୍ତ ସାକ୍ଷାତକାରରେ କହିଥିଲେ, ସଂସ୍କୃତ ଭାଷା ହେଉଛି ଭାରତ ପ୍ରାଣ। କେବଳ ଭାରତ ନୁହେଁ, ବିଶ୍ୱର ସମସ୍ତ ଭାଷାର ଜନନୀ ହେଉଛି ସଂସ୍କୃତ ଭାଷା।

ସପ୍ତଦଶ ଲୋକସଭାର ପ୍ରଥମ ଅଧିବେଶନ ଆଜିଠାରୁ ଆରମ୍ଭ ହୋଇଥିବା ବେଳେ ନବନିର୍ବାଚିତ ସଦସ୍ୟଙ୍କ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହୋଇଛି। ପ୍ରଥମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୃହର ନେତା ଭାବେ ପ୍ରଥମେ ଶପଥ ନେଇଥିଲେ। ଏହାପରେ ଅନ୍ୟ ସଦସ୍ୟମାନେ ଶପଥ ନେଇଥିଲେ। ଆସନ୍ତା ୧୯ରେ ବାଚସ୍ପତି ନିର୍ବାଚନ ହେବାକୁ ଥିବା ବେଳେ ଅସ୍ଥାୟୀ ବାଚସ୍ପତି ବୀରେନ୍ଦ୍ର କୁମାର ସଦସ୍ୟମାନଙ୍କୁ ଶପଥ ପାଠ କରାଇଛନ୍ତି। ବିଜେଡି ସାଂସଦ ଭର୍ତ୍ତୃହରି ମହତାବ ମଧ୍ୟ ଆଜି ଗୃହର ସଦସ୍ୟ ଭାବେ ଶପଥ ନେଇଛନ୍ତି। ସୂଚନାଯୋଗ୍ୟ, ଆଜି ଓ ଆସନ୍ତାକାଲି ଦୁଇ ଦିନ ଧରି ଗୃହର ଶପଥ ଗ୍ରହଣ ଉତ୍ସବ ହେବ।

Spread the love
Categories
ପଲିଟିକ୍ସବଡ ଖବର

RELATED BY