ପୂର୍ବତନ ମୁଖ୍ୟମନ୍ତ୍ରୀ କୁମାରସ୍ୱାମୀ ଏବଂ ସିଦ୍ଧରମୈୟାଙ୍କ ବିରୋଧରେ ରାଜଦ୍ରୋହ ମାମଲା ରୁଜୁ

ତୁମକୁରର ଜଣେ ସାମାଜିକ କର୍ମୀ ଅଭିଯୋଗ କରିଛନ୍ତି ଯେ ମାର୍ଚ୍ଚ ୨୭ ତାରିଖରେ ତତ୍କାଳୀନ ମୁଖ୍ୟମନ୍ତ୍ରୀ ଏଚଡି କୁମାରସ୍ୱାମୀ ଜେଡିଏସ ଏବଂ କଂଗ୍ରେସ ନେତାଙ୍କ ଧରେ ଆୟକର ବିଭାଗର ଚଢାଉକୁ ବିରୋଧ କରିଥିଲେ । ଯାହା ଫଳରେ ଆଇଟି ଅଧିକାରୀ ନିଜର କର୍ତ୍ତବ୍ୟ ନିର୍ବାହନ ଠିକ ଭାବରେ କରି ପାରି ନଥିଲେ ଏବଂ ଉପସ୍ଥିତ ଥିବା ପୁଲିସ ଏହି ପ୍ରଦର୍ଶନକୁ ରୋକିବା ପାଇଁ କିଛି କରି ନଥିଲା ।

କଂଗ୍ରେସ ନେତା ଏବଂ ପୂର୍ବତନ ମନ୍ତ୍ରୀ ଡିକେ ଶିବକୁମାର ନିଜର ବିରୋଧରେ ରୁଜୁ ହୋଇଥିବା ମାମଲା ଉପରେ କହିଥିଲେ, “ଏହା ରାଜନୈତିକ ପ୍ରତିଶୋଧ ଅଟେ । ସବୁ ମାମଲା ବିଜେପିର ଏହି ଅଧିକାରୀ ଏବଂ ବନ୍ଧୁଙ୍କ ଦ୍ୱାରା ଦାଖଲ କରାଯାଉଛି । ଆମେ ଏ ସମ୍ପର୍କରେ ଅବଗତ ଅଛୁ । ଆମେ ଏହାକୁ ରାଜନୈତିକ ରୁପରେ ଲଢିବୁ । ଆମେ ଜେଲ ଯିବାକୁ ପ୍ରସ୍ତୁତ । କିଛି କଥା ନାହିଁ” ।