ବରଗଡ଼-ବରପାଲି ଜାତୀୟ ରାଜପଥ ହେବ ଚାରି ଥାକିଆ : ବରଗଡ ସାଂସଦ

ବରଗଡ ଜିଲ୍ଲା ବିଜେପିର ସାମ୍ବାଦିକ ସମ୍ମିଳନୀ

ବରଗଡ଼: ବହୁ ପ୍ରତୀକ୍ଷିତ ବରଗଡ଼-ବରପାଲି ଜାତୀୟ ରାଜପଥକୁ ଚାରି ଥାକିଆ ,ବରପାଲି-ବଲାଙ୍ଗିର ରାଜପଥର ପ୍ରଶସ୍ତିକରଣ ଏବଂ ଆଲୋକୀକରଣ ତଥା ସୌନ୍ଦରଜୀକରଣ ପାଇଁ କେନ୍ଦ୍ର ସରକାରଙ୍କ ୪୧୪ କୋଟି ୨୪ ଲକ୍ଷ ଟଙ୍କାର ପ୍ରକଳ୍ପ କୁ ଅନୁମୋଦନ କରିଛନ୍ତି। ଵରଗଡ ସାଂସଦ ଶ୍ରୀଯୁକ୍ତ ସୁରେଶ ପୂଜାରୀଙ୍କ ଆନ୍ତରିକତା ଏବଂ ଉଦ୍ୟମ ଯୋଗୁଁ ଵରଗଡ-ବଲାଙ୍ଗୀର ଜାତୀୟ ରାଜପଥର ଉନ୍ନତି କରଣ ପାଇଁ ୪୧୪ କୋଟି ୨୪ଲକ୍ଷ ଟଙ୍କାର ଏକ ବୃହତ ପ୍ରକଳ୍ପ କୁ କେନ୍ଦ୍ର ସରକାର ଗତ ତା ୧୮.୬.୨୦୨୦ ରିଖ ଦିନ ଅନୁମୋଦନ କରିଛନ୍ତି। ଏହା ଦ୍ବାରା କ୍ରମବର୍ଧିଷ୍ଣୁ ବରଗଡ଼, ବରପାଲି ଓ ବଲାଙ୍ଗୀର ସହରର ବିକାଶ ରେ ସହାୟକ ହେବ ।

ଵରଗଡ ଜିଲ୍ଲା ବିଜେପି କାର୍ଯ୍ୟାଳୟରେ ଜିଲ୍ଲା ସଭାପତି ଅଶ୍ୱିନୀ ଷଡ଼ଙ୍ଗୀ ଙ୍କ ସଭାପତିତ୍ୱରେ ଆଜି ଆୟୋଜିତ ସାମ୍ବାଦିକ ସମ୍ମିଳନୀରେ ଏହି ପ୍ରକଳ୍ପ ବିଷୟରେ ସୂଚନା ଦେଇ ସାଂସଦ ପୁଜାରୀ କହିଛନ୍ତି ଯେ କେନ୍ଦ୍ର ସରକାର ଅନୁମୋଦନ କରିଥିବା ପ୍ରକଳ୍ପ ଅନୁଯାୟୀ ବରଗଡ଼-ବରପାଲି ଜାତୀୟ ରାଜପଥ କୁ ଚାରି ଥାକିଆ, ବରପାଲି-ବଲାଙ୍ଗୀର ଜାତୀୟ ରାଜପଥ ର ପ୍ରଶସ୍ତି କରଣ ଏବଂ ବରଗଡ-ବଲାଙ୍ଗୀର ସମ୍ପୂର୍ଣ୍ଣ ରାଜପଥର ସୌନ୍ଦରଜିକରଣ,ଅଲୋକୀକରଣ କରାଯିବ । ତେବେ ଏହି ପ୍ରକଳ୍ପର ସମ୍ପୂର୍ଣ୍ଣ ଅର୍ଥ ବ୍ୟବସ୍ଥା କେନ୍ଦ୍ର ସରକାର ବହନ କରିଛନ୍ତି ଏବଂ ଖୁବ ଶୀଘ୍ର ଏହି ପ୍ରକଳ୍ପ ପାଇଁ ଟେଣ୍ଡର ସମ୍ପୃକ୍ତ କର୍ତ୍ତୃପକ୍ଷ ଆହ୍ୱାନ କରିବେ ଏବଂ ୨୦୨୨ ସୁଦ୍ଧା ଏହି କାମ ଶେଷ ହେବ ବୋଲି ଶ୍ରୀ ପୁଝାରୀ କହିଥିଲେ।ଏହି ବୃହତ ପ୍ରକଳ୍ପ କୁ କେନ୍ଦ୍ର ସରକାର ଅନୁମୋଦନ କରିଥିବାରୁ ଜିଲ୍ଲା ଵିଜେପି ତରଫରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ମନ୍ତ୍ରୀ ନିତିନ ଗଡ଼କରି ଏବଂ ବରଗଡ଼ ସାଂସଦ ସୁରେଶ ପୂଜାରୀ ଙ୍କୁ ଗଭୀର କୃତଜ୍ଞତା ଜ୍ଞାପନ କରାଯାଇଥିଲା।ଏହି ସାମ୍ବାଦିକ ସମ୍ମିଳନୀରେ ବରିଷ୍ଠ ଵିଜେପି ନେତା ସୁରେଶ୍ୱର ଶତପଥି, ଅରୁପାନନ୍ଦ ସାହୁ ,ଅଶୋକ ପଣ୍ଡା ,ରବି ନାରାୟଣ ଦାଶ, ସୁଶାନ୍ତ ମିଶ୍ର, କୁଶ କୁମ୍ଭାର,ଭରତ ବେହେରା, ସୁବ୍ରତ ହୋତା, ବିଜୟ ଦାଶ,ଅମିତ ପଣ୍ଡା ,ଦେବେଶ ଶତପଥି ,ମହେନ୍ଦ୍ର ପୁରୋହିତ ,ସୁଦାମ ମହାପାତ୍ର ,ପରୀକ୍ଷିତ ଛତର, ପିଙ୍କୁ ମେହେର ପ୍ରମୁଖ ସହଯୋଗ ଥିଲେ ।