ଚିଲିକା ନିର୍ବାଚନମଣ୍ଡଳୀରେ ବିଜୁ ଜନତା ଦଳ ପକ୍ଷରୁ କାର୍ଯ୍ୟକର୍ତ୍ତା ବୈଠକ

ଦଳକୁ ମଜବୁତ କରିବାକୁ ମନ୍ତ୍ର

ଖୋର୍ଦ୍ଧା: ଲୋକଙ୍କ ଭଲ ମନ୍ଦରେ ସବୁବେଳେ ସାମିଲ ହୁଅ । ଲୋକଙ୍କ ସହ ରୁହ । ମୁଖ୍ୟମନ୍ତ୍ରୀଙ୍କ ଯୋଜନାକୁ ଲୋକଙ୍କ ପାଖରେ ପହଁଚାଅ । ପଞ୍ଚାୟତ ନିର୍ବାଚନ ପୂର୍ବରୁ ଦଳର କର୍ମୀଙ୍କୁ ଏପରି ଗୁରୁମନ୍ତ୍ର ଦେଇଛନ୍ତି ବିଜେଡି ଗଣମାଧ୍ୟମ ସାଧାରଣ ସମ୍ପାଦକ ମାନସ ମଙ୍ଗରାଜ । ଶୁକ୍ରବାର ଚିଲିକା ନିର୍ବାଚନ ମଣ୍ଡଳୀର ବାଣପୁରରେ ଅନୁଷ୍ଠିତ କର୍ମୀ ସମ୍ମଳନୀରେ ସେ ଏହିପରି ଆହ୍ୱାନ ଦେଇଛନ୍ତି ।

ଆଗାମୀ ନିର୍ବାଚନ ପାଇଁ ପ୍ରସ୍ତୁତ ହେଉଛି ଚିଲିକା ବିଜୁ ଜନତା ଦଳ । ଖୋର୍ଦ୍ଧା ଜିଲ୍ଲା ଚିଲିକା ନିର୍ବାଚନମଣ୍ଡଳୀରେ ବିଜୁ ଜନତା ଦଳ ପକ୍ଷରୁ କାର୍ଯ୍ୟକର୍ତ୍ତା ବୈଠକ ଅନୁଷ୍ଠିତ ହୋଇଯାଇଛି । ଚିଲିକା ବ୍ଲକ୍ ବାଲୁଗାଁସ୍ଥିତ ବଣିକ ସଂଘ କାର୍ଯ୍ୟାଳୟରେ ଅନୁଷ୍ଠିତ ହୋଇଛି କର୍ମୀ ସମ୍ମିଳନୀ । ଏଥିରେ ବିଜେଡି ଗଣମାଧ୍ୟମ ବ୍ୟାପାର ସାଧାରଣ ସମ୍ପାଦକ ମାନସ ମଙ୍ଗରାଜ, ବିଜୁ ଜନତା ଦଳର ଖୋର୍ଦ୍ଧା ଜିଲ୍ଲା ସଭାପତି ବିଭୂତି ବଳବନ୍ତରାୟ, ଚିଲିକା ବିଧାୟକ ପ୍ରଶାନ୍ତ କୁମାର ଜଗଦେଵ ଯୋଗ ଦେଇଥିଲେ ।

ସେହିପରି ବରିଷ୍ଠ ନେତା ଦେବେନ୍ଦ୍ର ମାନସିଂହ, ଖୋର୍ଦ୍ଧା ଛାତ୍ର ବିଜେଡି ସଭାପତି ବିଶ୍ଵଦୀପ ପ୍ରଧାନ ପ୍ରମୁଖ ଯୋଗଦେଇ ଦଳକୁ ମଜଭୁତ କରିବା ଲାଗି ଆହ୍ବାନ ଦେଇଥିଲେ । ଖୋର୍ଦ୍ଧା ଜିଲ୍ଲା ବିଜେଡି ପର୍ଯ୍ୟବେକ୍ଷକ ପ୍ରମିଳା ମଲ୍ଲିକ, ଖୋର୍ଦ୍ଧା ବିଧାୟକ ଜିତିରୀନ୍ଦ୍ର ନାଥ ମିତ୍ର, ଜିଲ୍ଲା ପରିଷଦ ଅଧ୍ୟକ୍ଷ ପ୍ରଫୁଲ୍ଲ ଦଳାଇ, ଖୋର୍ଦ୍ଧା ମହିଳା ବିଜୁ ଜନତା ଦଳ ସଭାପତି ଗୀତା ପାଟଶାଣୀ, ବିଜୁ ଯୁବ ଜନତା ଦଳ ରାଜ୍ୟ ସମ୍ପାଦକ ଅମିତ୍ କୁମାର୍ ମହାରଣାଙ୍କ ସମେତ ଅନେକ ସରପଞ୍ଚ, ୱାର୍ଡ ମେମ୍ବର ଓ ସାଧାରଣ ସଦସ୍ୟ ଉପସ୍ଥିତ ଥିଲେ ।

bjd meeting in chilika