ରଙ୍ଗେଇଲୁଣ୍ଡା ବ୍ଲକର ବିଜେପି ଓ କଂଗ୍ରେସର ୩୦ ଯୁବ ନେତା ବିଜେଡିରେ ସାମିଲ

ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ସାକ୍ଷାତ କରି ବିଜେଡିରେ ସାମିଲ

ଭୁବନେଶ୍ୱର: କଂଗ୍ରେସ ଓ ବିଜେପି ନେତୃତ୍ୱ ପ୍ରତି ଆସ୍ଥା ହରାଇ ଗୋପାଳପୁର ବିଧାନସଭା ମଣ୍ଡଳି ରଙ୍ଗେଇଲୁଣ୍ଡା ବ୍ଲକ ଅଞ୍ଚଳର ବିଜେପି ଓ କଂଗ୍ରେସର ୩୦ ଯୁବ ନେତା ବିଜେଡିରେ ସାମିଲ। ଧିରେ ଧିରେ ବିଜେଡି ଆଡେ ମୁହାଁଉଛନ୍ତି ଯୁବ ନେତା ।  ଭୁବନେଶ୍ୱରରେ ଆଜି ବିଜେପି ଓ କଂଗ୍ରେସର ୩୦ ଯୁବ ନେତା ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ସାକ୍ଷାତ କରି ବିଜେଡିରେ ସାମିଲ ହୋଇଛନ୍ତି । ଭୁବନେଶ୍ୱରରେ ଏହି ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ବିଜେପି ଓ କଂଗ୍ରେସର ଦୁଇ ଦଳର ଯୁବ ନେତା ବିଜେଡିରେ ସାମିଲ ହୋଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱ ଉପରେ ଆସ୍ଥା ପ୍ରକଟ କରିଛନ୍ତି ।

ମୁଖ୍ୟମନ୍ତ୍ରୀଙ୍କ ଲୋକାଭିମୁଖୀ କାର୍ଯ୍ୟ ପାଇଁ ସେମାନ ବିଜେଡିରେ ସାମିଲ ହେଉଛନ୍ତି ବୋଲି କହିଛନ୍ତି । ଓଡ଼ିଶାର ବିକାଶ ପାଇଁ ମୁଖ୍ୟମନ୍ତ୍ରୀ କରୁଥିବା କାର୍ଯ୍ୟରେ ସହଯୋଗ ସହିତ ଗୋପାଳପୁର ବିଧାନସଭା କ୍ଷେତ୍ରର ଉନ୍ନତି ପାଇଁ ସେମାନେ କାର୍ଯ୍ୟ କରିବେ ବୋଲି ଯୁବ ନେତା ମାନେ କହିଛନ୍ତି ।