ବିଜେଡିରେ ଟିକେଟ ଲଡ଼ୁ

ବିଜେଡିରେ ଏବେ ସବୁ ଛାମୁଆ ସଂଗଠନର ପଦାଧିକାରୀ କୁଆଡ଼େ ସାଧାରଣ ନିର୍ବାଚନ ପାଇଁ ଟିକେଟ୍ ଲବି ଜୋରଦାର କରୁଛନ୍ତି । ବିଶେଷକରି ଦଳର ଛାତ୍ର ଓ ଯୁବ ସଂଗଠନରେ ଥିବା ଅଧିକାଂଶ କୁଆଡ଼େ ଏବେଠୁ ନିଜ ନିଜ ନିର୍ବାଚନମଣ୍ଡଳୀ ମୁହାଁ...

ବିଜେଡିରେ ଏବେ ସବୁ ଛାମୁଆ ସଂଗଠନର ପଦାଧିକାରୀ କୁଆଡ଼େ ସାଧାରଣ ନିର୍ବାଚନ ପାଇଁ ଟିକେଟ୍ ଲବି ଜୋରଦାର କରୁଛନ୍ତି । ବିଶେଷକରି ଦଳର ଛାତ୍ର ଓ ଯୁବ ସଂଗଠନରେ ଥିବା ଅଧିକାଂଶ କୁଆଡ଼େ ଏବେଠୁ ନିଜ ନିଜ ନିର୍ବାଚନମଣ୍ଡଳୀ ମୁହାଁ ହେଲେଣି । ସେମାନଙ୍କର ସମ୍ପର୍କ ତୃତୀୟ ମହଲା ସହ ବେଶ୍ ଘନିଷ୍ଠ ବୋଲି ସନ୍ଦେଶ ଦେଇ ଏହି ଯୁବ ଓ ଛାତ୍ର ନେତା-ନେତ୍ରୀମାନେ କୁଆଡ଼େ ଏବେଠୁ ସେମାନେ ଏମ୍ଏଲଏ ଟିକେଟ୍ ଦୌଡ଼ରେ ରହିଲେଣି । ରାଜନୀତିକ ପରିପକ୍ୱତା ନଥିବା ଏହି ଯୁବ ଓ ଛାତ୍ର ନେତାମାନଙ୍କର ଏଭଳି ଏମ୍ଏଲଏ ଆଶାୟୀ ହେବା କୁଆଡ଼େ ଦଳର ବରିଷ୍ଠ ତଥା ସିଟିଂ ଏମ୍ଏଲଏଙ୍କୁ ଚିନ୍ତାରେ ପକାଇଲାଣି । ନିଜ ସମ୍ମାନକୁ ରକ୍ଷା କରି ଏହି ଯୁବ ଓ ଛାତ୍ରନେତାମାନଙ୍କ ଟିକେଟ୍ ଲବିରୁ କୁଆଡ଼େ ବରିଷ୍ଠ ନେତାମାନେ ନିଜକୁ ଦୂରେଇ ରଖିଛନ୍ତି । ତେବେ ଶୁଣିବାକୁ ମିଳୁଛି, ଦଳର ଗୋଟିଏ ପ୍ରଭାବଶାଳୀ ଗୋଷ୍ଠୀ କୁଆଡ଼େ ଜାଣିଶୁଣି ଏଭଳି କିଛି ନେତାଙ୍କୁ ବିବାଦୀୟ କରାଇବାକୁ ଚାହୁଁଛି । ଆଉ ସେହି ନେତାମାନଙ୍କୁ ଆଉ ଏମ୍ଏଲଏ ଟିକେଟ୍ ମିଳିବ ନାହିଁ ବୋଲି ସନ୍ଦେଶ ଦେଇ ସମ୍ପୃକ୍ତ ଯୁବ ଓ ଛାତ୍ର ନେତା-ନେତ୍ରୀଙ୍କୁ ଆଗକୁ ଆଣି ମୋହରା କରାଯାଉଛି । ଦଳର କିଛି ପ୍ରଭାବଶାଳୀ ନେତାଙ୍କ ଇସାରାରେ ଯୁବ ଓ ଛାତ୍ର ସଂଗଠନର ଅନେକ ନେତା ଏବେ ଏମ୍ଏଲ୍ଏ ଟିକେଟ୍ ଆଶାୟୀ ହୋଇପଡ଼ିଛନ୍ତି । ନିର୍ବାଚନ ଟିକେଟ୍ ବଂଟନବେଳେ ଏହି ପ୍ରଭାବଶାଳୀ ନେତାମାନେ କୁଆଡ଼େ ଗୋଳିଆପାଣିରୁ ମାଛ ଧରିବା ଚକ୍କରରେ ରହିଛନ୍ତି । ଯେଉଁଥିପାଇଁ ଯୁବ ଓ ଛାତ୍ର ନେତା ମାନଙ୍କର ନିଜସ୍ୱ କୌଣସି ସଂଗଠନ ନଥିବା ସତ୍ୱେ ସେମାନଙ୍କୁ ଏମ୍ଏଲଏ ଟିକେଟ୍ ପାଇଁ ଦୃଢ଼ ଦାବିଦାର ଭାବେ ଉପସ୍ଥାପନ କରିବାକୁ ଉଦ୍ୟମ ହେଉଛି । ଯେଉଁଥିପାଇଁ ଅମ୍ରେଶ ପତ୍ରୀ, ଏଲିନା ଦାଶ, ଶିଶିର ପରିଜା, ମନ୍ଦାକିନୀ କର, ରାଣାପ୍ରତାପ ପାତ୍ର, ଦେବୀରଞ୍ଜନ ତ୍ରିପାଠୀଙ୍କଠୁ ଆରମ୍ଭ କରି ଜିଲ୍ଲାସ୍ତରର ଛାତ୍ର ଓ ଯୁବନେତାମାନେ କୁଆଡ଼େ ଟିକେଟ୍ ପାଇଁ ଲବି ଜୋରଦାର କରିଛନ୍ତି । ତେବେ ଏହି ଛାତ୍ରନେତାମାନେ ମହତ୍ୱାକାଂକ୍ଷୀ ହୋଇ ପଡ଼ିଥିବା ଯୋଗୁ ତୃଣମୂଳସ୍ତରରେ ଭୁଲ୍ ସନ୍ଦେଶ ଯାଉଥିବାରୁ କୁଆଡ଼େ ସେମାନଙ୍କର ପଛରେ ଥିବା ନେତାମାନଙ୍କୁ ଚିହ୍ନଟ କରିବା ନିମନ୍ତେ ଏବେ କ୍ଷମତା କେନ୍ଦ୍ର କଡ଼ା ତାଗିଦ୍ କରିଥିବା ଚର୍ଚ୍ଚା ହେଉଛି ।

Spread the love
Categories
ଉଡା ଖବର

RELATED BY

  • ସାଧୁଙ୍କ ପତ୍ନୀ ଓ ମନ୍ତ୍ରୀ!

    ଜଣେ ନାଗା ସାଧୁଙ୍କ ପରିବାର ସହ ଜଣେ ମନ୍ତ୍ରୀଙ୍କ ସଂପର୍କକୁ ନେଇ ଏବେ କେବଳ ପାଓାର କରିଡୋର କାହିଁକି ସାରା ରାଜଧାନୀରେ ଚର୍ଚ୍ଚା ଚାଲିଛି । ଏହି ମନ୍ତ୍ରୀ ଜଣଙ୍କ ଜଣେ କମ ବୟସର ନାଗା ସାଧୁଙ୍କ ପତ୍ନୀଙ୍କ ସହ...
  • ରସିକିଆ ମନ୍ତ୍ରୀ ! ସାମ୍ବାଦିକାଙ୍କୁ ସାଙ୍ଗରେ ନେଇ ଜିଲ୍ଲା ଗସ୍ତ

    ରାଜ୍ୟର ଜଣେ ବରିଷ୍ଠ କ୍ୟାବିନେଟ୍ ମନ୍ତ୍ରୀଙ୍କ ଜିଲ୍ଲା ଗସ୍ତକୁ ନେଇ ଏବେ ପାୱାର କରିଡରରେ ଚର୍ଚ୍ଚା । ଆଉ ଏହି ଚର୍ଚ୍ଚାକୁ ମନ୍ତ୍ରୀଙ୍କ ଅଫିସ୍ କୁଆଡ଼େ ଅଧିକ ପ୍ରଚାର ପ୍ରସାର କରୁଛି । ଶୁଣିବାକୁ ମିଳୁଛି, ରାଜ୍ୟର ଜଣେ କ୍ୟାବିନେଟ୍...
  • ମୋଦି ସ୍ମାର୍ଟ ପ୍ରଧାନମନ୍ତ୍ରୀ

    ପୂର୍ବତନ ପ୍ରଧାନମନ୍ତ୍ରୀ ଏଚ.ଡି ଦେବେଗୌଡା କାହଁକି ପ୍ରଧାନମନ୍ତ୍ରୀ ମୋଦିଙ୍କୁ କହିଲେ ସ୍ମାର୍ଟ । ମୋଦିଙ୍କ ଉପରେ କାହିଁକି ଫିଦା ହୋଇଛନ୍ତି ଦେବେଗୌଡା । କର୍ଣ୍ଣାଟକ ନିର୍ବାଚନ ପ୍ରଚାରରେ ମୈଦାନକୁ ମୋଦି ଓହ୍ଲାଇବା ପରେ ପୂରା ମାହୋଲ ଏବେ ଯେମିତି ବିଜେପି...
  • କାହିଁକି ବଦଳିଲେ ସଚିବ

    ମୁଖ୍ୟମନ୍ତ୍ରୀ ଦିଲ୍ଲୀ ଗସ୍ତରେ ଯିବା ପୂର୍ବରୁ ଅଚାନକ ଉଚ୍ଚଶିକ୍ଷା ଓ ଗ୍ରାମ୍ୟ ଉନ୍ନୟନ ସଚିବଙ୍କ ବଦଳି ହେଲା । ଜିଭିଭି ଶର୍ମାଙ୍କୁ ରାଜସ୍ୱ ପର୍ଷଦ ସଦସ୍ୟ ଓ ବିଷ୍ଣୁପଦ ସେଠୀଙ୍କୁ ଉଚ୍ଚଶିକ୍ଷା ବିଭାଗର ସଚିବ ଭାବେ ନିଯୁକ୍ତି ମିଳିଲା ।...