ଟ୍ରକ ମାଡି ମୃତ୍ୟୁ ୫ ସ୍କୁଲ ପିଲାଙ୍କ ସରିଲା ଶେଷକୃତ୍ୟ : କାନ୍ଦୁଛି ଗାଁ ,ଗଣ୍ଡଗୋଳ ଲାଗି ଗିରଫ ଭୟରେ ଗାଁ ଚାଡିଲେ ପୁରୁଷ

ଭଦ୍ରକ : ସ୍କୁଲରୁ ଘରକୁ ଫେରୁଥିବାବେଳେ ଟ୍ରକ ମାଡିଯାଇ ୫ ସ୍ୱୁଲ ପିଲାଙ୍କ ଭଦ୍ରକର ରାହଂଚରେ ମୃତ୍ୟୁ ହୋଇଥିଲା । ଆଜି ମୃତ ଛାତ୍ର ଛାତ୍ରୀଙ୍କ ଅନ୍ତିମ ସଂସ୍କାର ହୋଇଛି । ଏହାକୁ ନେଇ ପୁରା ଅଞ୍ଚଳରେ ଶୋକାକୂଳ ପରିବେଶ । ନିଶଦ୍ଧ ହୋଇଛନ୍ତି ଲୋକେ । ଶେଷକୃତ୍ୟ ବେଳେ କାନ୍ଦ ବୋବାଳିରେ ପୁରା ପରିବେଶ ଫାଟି ପଡିଥିଲା । ୪ ଜଣଙ୍କ ଅନ୍ତିମ ସଂସ୍କାର ଗାଁରେ ହୋଇଥିବାବେଳେ ଜଣେ ପିଲାର ଶେଷକୃତ୍ୟ ହୋିଛି ପୁରୀରେ । ଏହି ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି। ଦୁର୍ଘଟଣାରେ ଆହତ ୪ ଜଣଙ୍କ ଭିତରୁ ଜଣଙ୍କର ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି।

ଗତକାଲି ଅପରାହ୍ଣରେ ଘଟିଥିବା ଏହି ଦୁର୍ଘଟଣା ପରେ ସ୍ଥାନୀୟ ଅଞ୍ଚଳର ଶହ ଶହ ଲୋକେ ରାସ୍ତା ଅବରୋଧ କରିଥିଲେ। ମୃତକଙ୍କ ପରିବାରକୁ ୧୦ ଲକ୍ଷ ଟଙ୍କା କ୍ଷତିପୂରଣ, ଆହତଙ୍କୁ ୫ ଲକ୍ଷ ଟଙ୍କା, ରାସ୍ତାରେ ସ୍ପିଡ୍ ଲିମିଟ୍ ପାଳନକୁ କଡ଼ାକଡ଼ି କରିବା ଏବଂ ଫ୍ଲାଇଓଭର୍‌ ନିର୍ମାଣ ଆଦି ଦାବି ନେଇ ଲୋକେ ରାସ୍ତାରୋକ କରିଥିଲେ। ପୁଲିସ୍‌ ଓ ପ୍ରଶାସନିକ ଅଧିକାରୀମାନେ ଦୀର୍ଘ ସମୟ ଧରି ଆନ୍ଦୋଳନକାରୀଙ୍କୁ ବୁଝାସୁଝା କରିଥିଲେ ବି ଲିଖିତ ପ୍ରତିଶ୍ରୁତି ନପାଇଲେ ଆନ୍ଦୋଳନରୁ ହଟିବେ ନାହିଁ ବୋଲି ସେମାନେ ଜିଦ୍ ଧରିଥିଲେ। କିଛି ଉତ୍ତ୍ୟକ୍ତ ଲୋକେ ପୁଲିସ୍‌ ଗାଡ଼ି ମଧ୍ୟ ଭଙ୍ଗାରୁଜା କରିଥିଲେ। ପରେ ପୁଲିସ୍‌ ଆନ୍ଦୋଳନକାରୀଙ୍କୁ ଘଉଡ଼ାଇବାକୁ ମୃଦୁ ଲାଠି ଚାଳନା କରିଥଲା। ଏହାର କିଛି ସମୟ ପରେ ରାସ୍ତା ଅବରୋଧ ହଟିଥିଲା। ପରେ ପୁଲିସ୍‌ ଛାତ୍ରଛାତ୍ରୀଙ୍କ ମୃତଦେହଗୁଡ଼ିକୁ ବ୍ୟବଚ୍ଛେଦ ପାଇଁ ଭଦ୍ରକ ଡାକ୍ତରଖାନାକୁ ନେଇଥିଲା। । ଗତକାଲ ଦୁର୍ଘଟଣା ପରେ ସ୍ଥାନୀୟ ଅଂଚଳରେ ଉତ୍ତେଜନା ଦେଖାଯାଇଥିଲା । ଉତ୍ୟକ୍ତ ଲୋକମାନେ ଟ୍ରକ୍ ଜାଳିଦେଇଥିଲେ । ଦୁର୍ଘଟଣା ପରେ ଘଟଣାସ୍ଥଳରେ ବ୍ୟାପକ ଉତେଜନା ଦେଖିବାକୁ ମିଳିଥିଲା ତେବେ ଗିରଫ ଭୟରେ ଏବେ ଗାଁ ପୁରୁଷ ଶୂନ୍ୟ ହୋଇଯାଇଛି ।