ମିଶିଲା କାଳିଆ ଓ ପିଏମ୍ କିଷାନ ଯୋଜନା

ତେବେ ଚାଷୀ ଏବେ କେବଳ ‘କାଳିଆ’ ପାଖରୁ ନୁହେଁ, ‘ପିଏମ କିଷାନ’ ଯୋଜନାରୁ ମଧ୍ୟ ଟଙ୍କା ପାଇବେ । କାଳିଆ ଯୋଜନାରୁ ୪୦୦୦ ଓ କିଷାନ ଯୋଜନାରୁ ୬୦୦୦ ଟଙ୍କା ମିଳିବ । ସେପଟେ ଭୂମିହୀନଙ୍କୁ ରାଜ୍ୟ ସରକାର ଦେବେ ୧୦ ହଜାର ଟଙ୍କା । ବର୍ତ୍ତମାନ ସୁଦ୍ଧା ୫୧ ଲକ୍ଷରୁ ଅଧିକ ଚାଷୀ କାଳିଆ ଯୋଜନା ଟଙ୍କା ପାଇଛନ୍ତି ବୋଲି ସୂଚନା ଦେଇଛନ୍ତି ସରକାର ।

ଗତ କିଛି ଦିନ ହେବ ଚାଷୀଙ୍କ ପାଇଁ କେନ୍ଦ୍ର-ରାଜ୍ୟ ଏକାଠି କାମ କରିବେ ବୋଲି ଚର୍ଚ୍ଚା ହେଉଥିଲା । କାଳିଆ ଓ କିଷାନ ମିଶିଯିବେ ବୋଲି ଚର୍ଚ୍ଚା ଜୋର ଧରିବା ପରେ କୃଷି ମନ୍ତ୍ରୀ ଅରୁଣ ସାହୁ ସ୍ପଷ୍ଟୀକରଣ ରଖିଥିଲେ । କାଳିଆ-କିଷାନ ମିଶିଗଲେ ବି କାଳିଆ ବନ୍ଦ ହେବନି କି ଚାଷୀଙ୍କୁ ହଇରାଣ କରିବନି ବୋଲି ମନ୍ତ୍ରୀ ସୂଚନା ଦେଇଥିଲେ । ଆଜି କୃଷି ବିଭାଗରେ ଅନୁଷ୍ଠିତ ବୈଠକରେ ଏହି ବଡ଼ ନିଷ୍ପତ୍ତି ନିଆଯାଇଛି ।