ଆଜି କଟକରୁ ୬୩ ଜଣ କରୋନା ଆକ୍ରାନ୍ତ ଚିହ୍ନଟ

କଟକ: ଆଜି କଟକ ସହରରୁ ୩ ଜଣ କୋଭିଡ ଯୋଦ୍ଧାଙ୍କ ସମେତ ୬୩ ଜଣ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ସରକାରୀ ସଂଗରୋଧରୁ ୧୯ ଜଣଙ୍କ ସମେତ ମୋଟ ୩୦ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। କଣ୍ଟେନମେଣ୍ଟ ଜୋନ୍‌ରୁ ୧୩ ଜଣ ଓ ସ୍ଥାନୀୟ ଅଂଚଳରୁ ୨୦ ଜଣ ଲୋକ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି।

ସିଏମ୍‌ସି ପକ୍ଷରୁ ଦିଆଯାଇଥିବା ସୂଚନା ଅନୁସାରେ ମାଲଗୋଦାମ ନିକଟ ଜାଲୁଆ ସାହିରୁ ଚିହ୍ନଟ ହୋଇଥିବା ୧୩ ଜଣ ପଜିଟିଭଙ୍କ ମଧ୍ୟରୁ ୪ ଜଣ ପୁରୁଷ ଓ ୯ ଜଣ ମହିଳା ଅଛନ୍ତି। ଏସ୍‌ସିବି ଆଇସୋଲେସନରୁ ୨ ଜଣ କୋଭିଡ ଯୋଦ୍ଧା (ଜଣେ ପୁରୁଷ ଏବଂ ଜଣେ ମହିଳା)ଙ୍କ ସମେତ ୧୦ ଜଣ ପଜିଟିଭ ଚିହ୍ନଟ ହୋଇଛନ୍ତି। ଏଥିରେ ମୋଟ ୪ ଜଣ ମହିଳା ଥିବା ବେଳେ ୬ ଜଣ ପୁରୁଷ। ସହରର ଅନ୍ୟ ଅଂଚଳରୁ ଜଣେ କୋଭିଡ ଯୋଦ୍ଧାଙ୍କ ସମେତ ୯ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି।

ଗୃହ ସଂଗରୋଧରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ୩ ଜଣ ଜୋବ୍ରାସାହିରୁ ଅଛନ୍ତି। ରିଫ୍ୟୁଜି କଲୋନି, ଝାଞ୍ଜିରି ମଙ୍ଗଳାରୁ ୨-୨ ଜଣ, ସିଡିଏ ସେକ୍ଟର-୯, ଝୋଲାସାହି, ବିଦ୍ୟାସାଗର ଓ ଦହିସାହିରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି।

ସ୍ଥାନୀୟ ଅଚଂଳରୁ ଆଜି ମୋଟ ୨୦ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ଛତ୍ର ବଜାରରୁ ୩ ଜଣ, ନିମ ସାହି, ନ୍ୟୁ ରେଭନ୍ୟୁ କଲୋନିରୁ ୨-୨ ଜଣ, ଜଗତପୁର, ରାଜା ବଗିଚା, ସିଡିଏ ସେକ୍ଟର-୧୦, ଚାନ୍ଦିନୀ ଚୌକ, ନୟାସଡ଼କ, କଲ୍ୟାଣୀ ନଗର, ବକ୍ସିବଜାର, ଦରଘା ବଜାର, ଖଇରା ଜଗତପୁର, ସିଡିଏ ସେକ୍ଟର-୧୧ ଓ ଚାଉଳିଆଗଂଜରୁ ଜଣେ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।