ବରଗଡ଼ରେ ୬ ଜଣ ନୂଆ କରୋନା ପଜିଟିଭ୍ ଚିହ୍ନଟ

ବରଗଡ଼: ଆଜି ବରଗଡ଼ ଜିଲ୍ଲାରେ ୬ ଜଣ ନୂଆ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏନେଇ ବରଗଡ଼ ଜିଲ୍ଲାପାଳ ଟୁଇଟ୍ କରି ସୂଚନା ଦେଇଛନ୍ତି। ସେମାନଙ୍କ ମଧ୍ୟରୁ ୫ ଜଣ ବାହାର ରାଜ୍ୟ ଫେରନ୍ତା ଓ  ଜଣେ ସ୍ଥାନୀୟ ସଂକ୍ରମିତ ଥିବା ବି ସୂଚନା ଦେଇଛନ୍ତି ଜିଲ୍ଲାପାଳ। ବରଗଡ଼ ଜିଲ୍ଲାର ୬ ନୂଆ କରୋନା ପଜିଟିଭଙ୍କ ଭିତରୁ ୨ଜଣ ଭଟଲି ବ୍ଲକର ଏବଂ ୪ଜଣ ଭେଡେନ୍ ବ୍ଲକର ବୋଲି ଜଣାଯାଇଛି। ଏହାଫଳରେ ଏବେ ବରଗଡ଼ ଜିଲ୍ଲାରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୮କୁ ବୃଦ୍ଧି ପାଇଛି।