ଭୁବନେଶ୍ୱର: ଏକ ଘରୋଇ ହସ୍ପିଟାଲରୁ ୨୩ ଜଣ କର୍ମଚାରୀଙ୍କ ସମେତ ଭୁବନେଶ୍ୱରରୁ ଆଜି ମୋଟ୍ ୫୪୧ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ସଂଗରୋଧରୁ ୨୨୦ ଜଣ ଓ ସ୍ଥାନୀୟ ଅଂଚଳରୁ ୩୨୧ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଜି ୩୦୦ ଆକ୍ରାନ୍ତ ସୁସ୍ଥ ହୋଇଛନ୍ତି। ଭୁବନେଶ୍ୱର ମହାନଗର ନିଗମ୍ ପକ୍ଷରୁ ଏହି ସୂଚନା ଦିଆଯାଇଛି।
Update on newly detected & cured #COVID19 cases in the last 24 hrs under the BMC area on 2nd Sep 2020(till 9am).
Further contact tracing is still continuing.
Primary contacts & nearby houses are being quarantined, sanitised & will be under active surveillance. pic.twitter.com/Rm5xJsC5Lm— BMC (@bmcbbsr) September 2, 2020
ବିଏମ୍ସି ପକ୍ଷରୁ ଦିଆଯାଇଥିବା ସୂଚନା ଅନୁସାରେ ୧୬ ଜଣ ପୁଲିସ୍ କର୍ମଚାରୀଙ୍କୁ କରୋନା ଭାଇରସ ସଂକ୍ରମଣ ରହିଛି। ସେହିପରି ଉତ୍କଳ ବିଶ୍ୱବିଦ୍ୟାଳୟ ପରିସର, ୟୁନିଟ-୬ରୁ ୯ ଜଣ ଲେଖାଏଁ, ନିଳାଦ୍ରୀ ବିହାର ପଣ୍ଡା ପାର୍କରୁ ୭ ଜଣ, ଝାରପଡ଼ା ମହାବୀର ନଗରରୁ ୬ ଜଣ, ମାଷ୍ଟର କ୍ୟାଣ୍ଟିନରୁ ୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
ସ୍ଥାନୀୟ ଅଂଚଳରୁ ଚିହ୍ନଟ ଆକ୍ରାନ୍ତଙ୍କ ମଧ୍ୟରେ ପଟିଆ ଓ ଭୀମପୁର କେଳାବସ୍ତିରୁ ୧୧ ଜଣ ଲେଖାଏଁ ଅଛନ୍ତି। ସେହିପରି ୧୧ ଜଣ ବ୍ୟାଙ୍କ କର୍ମଚାରୀ ମଧ୍ୟ ସ୍ଥାନୀୟ ସଂକ୍ରମଣ ଯୋଗୁଁ କରୋନା ଭାଇରସ ଚିହ୍ନଟ ହୋଇଛନ୍ତି। ନୟାପଲ୍ଲୀ ନୂଆସାହି ଚିନ୍ତାମଣିଶ୍ୱରରୁ ୭-୭ ଜଣ, ଖଣ୍ଡଗିରି, ମଂଚେଶ୍ୱର, ସୁନ୍ଦରପଦାରୁ ୬ ଜଣ ଲେଖାଏଁ, ଭିଏସ୍ଏସ୍ ନଗର, ନିଳାଦ୍ରୀ ବିହାର, ନହରକଣ୍ଟାରୁ ୫ ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
ବିଏମ୍ସିର ସୂଚନା ଅନୁସାରେ ଆଜି ପଟିଆ ବିଗ୍ବଜାର ଅଂଚଳରୁ ୨୪ ଜଣ, ନିଳାଦ୍ରୀ ବିହାର ବସ୍ତି ଅଂଚଳରୁ ୧୦ ଜଣ, ନିଳାଦ୍ରୀ ବିହାର ସେକ୍ଟର-୧ ଅଂଚଳରୁ ୯ ଜଣଙ୍କ ସମେତ ଭୁବନେଶ୍ୱରରୁ ମୋଟ ୩୦୦ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି।