ଟାଙ୍ଗିରେ ଫ୍ଲଡ୍ ଲାଇଟ୍ କ୍ରିକେଟ୍ ଟୁର୍ଣ୍ଣାମେଣ୍ଟ ଉଦଯାପିତ : ମୁଖ୍ୟ ଅତିଥୀ ଭାବେ ମାନସ ମଙ୍ଗରାଜ ଖେଳାଳୀଙ୍କୁ କଲେ ପୁରଷ୍କୃତ

ବାଲୁଗାଁ : ଖୋର୍ଦ୍ଧା ଜିଲ୍ଲା ବାଲୁଗାଁର ଏମଡି ସ୍ପୋଷ୍ଟିଙ୍ଗ କ୍ଲବ ବାଲୁଗାଁ ପକ୍ଷରୁ ଚାଲିଥିବା ଦୁଇ ଦିନିଆ ଫ୍ଲଡ୍ ଲାଇଟ୍ କ୍ରିକେଟ୍ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଉଦଯାପନୀ ଉତ୍ସବରେ ମୁଖ୍ୟ ଅତିଥୀ ଭାବେ ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ରଂଜନ ମଙ୍ଗରାଜ ଯୋଗଦେଇ ବିଜୟୀଟିମ ଓ କୃତ୍ତି ଖେଳାଳୀଙ୍କୁ ପୁରସ୍କୃତ କରିଥିଲେ ।  ଟୁର୍ଣ୍ଣାମେଣ୍ଟ ଉଦଯାପନି ଅବସରରେ ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ରଂଜନ ମଙ୍ଗରାଜଙ୍କ ସମେତ ବିଧାୟକ ପ୍ରଶାନ୍ତ ଜଗଦେବ, ପୂର୍ବତନ ମନ୍ତ୍ରୀ ଦେବେନ୍ଦ୍ର ନାଥ ମାନସିଂ, ଚିଲିକା କୈଵର୍ତ ଯୁବ ମଂଚର ସଭାପତି ଦିଲିପ ବେହେରା, ଆୟୋଜକ କ୍ଲବର ସଭାପତି ଏସ୍ କେ ଅବଦୁଲ ଜଲାଲ, ସଂପାଦକ ଶାହାଜାନ କଳା ପାହାଡ ପ୍ରମୁଖ ଅତିଥୀ ଭାବେ ସାମିଲ ହୋଇଥିଲେ।


ନିର୍ଦ୍ଧାରିତ ୭ ଓଭରରେ ପ୍ରଥମେ ଟସ୍ ଜିତି ଆୟୋଜକ ଏମ୍ ଡି ସ୍ପୋ୍ର୍ଟିଂ କ୍ଲବ୍ ୪୩ ରନ୍ ସଂଗ୍ରହ କରିଥିଲା । ଏହାର ପ୍ରତିପକ୍ଷ ଦଳ ବିର୍ ୱାରିଅର୍ ବାଲୁଗାଁ ଟିମ୍ ନିର୍ଦ୍ଧାରିତ ୭ ଓଭରରେ ୪୫ ରନ୍ ସଂଗ୍ରହ କରି ମ୍ୟାଚ୍ ଜିତିନେଇଛି । ରାଜ୍ୟର ବିଭିନ୍ନ ଅଞ୍ଚଳରୁ ବଛା ବଛା ୧୫ଟି ଦଳ ଏଥିରେ ଭାଗ ନେଇଥିଲେ ।