ଭୁବନେଶ୍ୱର: ରାଜଧାନୀ ଭୁବନେଶ୍ୱରରୁ ଆଜି ୪୨୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିରୁ ୧୯୧ ଜଣ ସଂଗରୋଧ ଓ ବାକି ୨୩୬ ଜଣ ସ୍ଥାନୀୟ ଅଂଚଳରୁ ବୋଲି ଜଣାଯାଇଛି । ଭୁବନେଶ୍ୱର ମହାନଗର ନିଗମ ପକ୍ଷରୁ ଟୁଇଟ କରି ଏହି ସୂଚନା ଦିଆଯାଇଛି । ଆଜି ଭୁବନେଶ୍ୱରରୁ ୪୦୧ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଯାଇଛନ୍ତି ।
Update on newly detected & cured #COVID19 cases in the last 24 hrs under the BMC area on 9th Sep 2020(till 9am).
Further contact tracing is still continuing.
Primary contacts & nearby houses are being quarantined, sanitized & will be under active surveillance. pic.twitter.com/rmHWTnwFUf— BMC (@bmcbbsr) September 9, 2020
ବିଏମସି ପକ୍ଷରୁ ଦିଆଯାଇଥିବା ସୂଚନା ଅନୁସାରେ ଆଜି ସଂଗରୋଧରୁ ପଜିଟିଭ ଚିହ୍ନଟ ସମସ୍ତ ଆକ୍ରାନ୍ତ ପୂର୍ବରୁ ଚିହ୍ନଟ ଆକ୍ରାନ୍ତଙ୍କ ସଂସ୍ପର୍ଶରେ ଆସିଛନ୍ତି । ସତ୍ୟନଗରରୁ ୮ ଜଣ, ସାଲିଆ ସାହିରୁ ୭ ଜଣ, ଏକ ଘରୋଇ ହସ୍ପିଟାଲରୁ ୫ ଜଣ, ବରମୁଣ୍ଡାରୁ ୪ ଜଣ, ପୁରୁଣା ଭୁବନେଶ୍ୱରରୁ ୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଫରେଷ୍ଟ ପାର୍କ ଅଚଂଳ, ଶୈଳଶ୍ରୀ ବିହାର ଅଂଚଳରୁ ୮-୮ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ୭ ଜଣ ପୁଲିସ କର୍ମଚାରୀ, ଖଣ୍ଡଗିରି ବାଡ଼ିରୁ ୬ ଜଣ, ଖଣ୍ଡଗିରିରୁ ୫ ଜଣଙ୍କ ସମେତ ସ୍ଥାନୀୟ ଅଂଚଳରୁ ଆଜି ୨୩୬ ଜଣ ପଜିଟିଭ ଚିହ୍ନଟ ହୋଇଛନ୍ତି ।
ଆଜି ଭୁବନେଶ୍ୱରରୁ ମୋଟ ୪୦୧ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ଏମାନଙ୍କ ମଧ୍ୟରେ ନୟାପଲ୍ଲୀରୁ ୨୨ ଜଣ, ୟୁନିଟ-୮ ସ୍କୁଲ ନିକଟରୁ ୧୬ ଜଣ, ସହିଦନଗରରୁ ୧୨ ଜଣ, ଝାରପଡ଼ା ସ୍କୁଲ ଅଂଚଳରୁ ୯ ଜଣ, ଆଇଗଣିଆରୁ ୮ ଜଣ, ୟୁନିଟ-୧ରୁ ୮ ଜଣ ବ୍ୟାଙ୍କ କର୍ମଚାରୀ ସୁସ୍ଥ ହୋଇ ଘରକୁ ଯାଇଛନ୍ତି ।