ଭୁବନେଶ୍ୱର: ଆଜି ରାଜଧାନୀ ଭୁବନେଶ୍ୱରରୁ ୩୬୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିରେ ସଂଗରୋଧରୁ ୭୬ ଜଣ ଥିବା ବେଳେ ଅନ୍ୟ ୨୮୬ ଜଣ ସ୍ଥାନୀୟ ସଂକ୍ରମଣ ଯୋଗୁଁ ଆକ୍ରାନ୍ତ ହୋଇଛନ୍ତି । ଭୁବନେଶ୍ୱର ମହାନଗର ନିଗମ ପକ୍ଷରୁ ଟୁଇଟ ଜରିଆରେ ଏହି ସୂଚନା ଦିଆଯାଇଛି ।
Update on newly detected & cured #COVID19 cases in the last 24 hrs under the BMC area on 16th Sep 2020(till 9am).
Further contact tracing is still continuing.
Primary contacts & nearby houses are being quarantined, sanitized & will be under active surveillance. pic.twitter.com/ZKDEzrmKDN— BMC (@bmcbbsr) September 16, 2020
ବିଏମସି ପକ୍ଷରୁ ଦିଆଯାଇଥିବା ସୂଚନା ଅନୁସାରେ ଆଜି ଭୁବନେଶ୍ୱରର ସଂଗରୋଧରୁ ଚିହ୍ନଟ ସମସ୍ତ ୭୬ ଜଣ ଆକ୍ରାନ୍ତ ପୂର୍ବରୁ ଚିହ୍ନଟ ହୋଇଥିବା ପଜିଟିଭ ବ୍ୟକ୍ତିଙ୍କ ସଂସ୍ପର୍ଶରେ ଆସିଛନ୍ତି । ଏଥିରେ ଏକ ଘରୋଇ ହସ୍ପିଟାଲରୁ ୧୦ ଜଣ, ଖଣ୍ଡଗିରିରୁ ୭ ଜଣ, ଅନ୍ୟ ଜିଲ୍ଲାରୁ ୬ ଜଣ, ନୟାପଲ୍ଲୀରୁ ୬ ଜଣ କରୋନା ଆକ୍ରାନ୍ତ ଅଛନ୍ତି ।
ସ୍ଥାନୀୟ ସଂକ୍ରମଣ ଯୋଗୁଁ ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ଏକ ଘରୋଇ ହସ୍ପିଟାଲରୁ ୧୮ ଜଣ ଅଛନ୍ତି । ସେହିପରି ଜଣ ୨ ପୁଲିସ କର୍ମଚାରୀ ମଧ୍ୟ କରୋନା ଆକ୍ରାନ୍ତ ହୋଇଥିବା ଜଣାଯାଇଛି । ନୟାପଲ୍ଲୀରୁ ୧୩ ଜଣ, ବରମୁଣ୍ଡାରୁ ୮ ଜଣ, ପଟିଆ ରେଳ ଷ୍ଟେସନ ନିକଟରୁ ୮ ଜଣ, ସୁନ୍ଦରପଦାରୁ ୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଆଜି ଭୁବନେଶ୍ୱରରୁ ମୋଟ ୪୦୬ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ଏଥିରେ ନୟାପଲ୍ଲୀରୁ ସର୍ବାଧିକ ୧୮ ଜଣ, ୟୁନିଟ-୨ ଓ ୟୁନିଟ-୩ରୁ ୧୫ ଜଣ, କଳିଙ୍ଗ ନଗର ଅଂଚଳରୁ ୧୬ ଜଣ, ବରମୁଣ୍ଡା ଏଚବି କଲୋନିରୁ ୯ ଜଣ ଅଛନ୍ତି ।